AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Umid Abuzərlinin ağ yalanı və prezidentə “SƏDAQƏTİ”…


Tarix 06.02.26, 13:02	Font ölçüsü : - / +

Mənimsədikləri pullara görə prezidentə borclu olduqlarını iddia edən Kərimov qardaşları bu günə qədər bir manat da olsun Qarabağın bərpasına sərf ediblərmi?

Salyanın keçmiş icra başçısı Tahir Kərimovun oğlu Ümid Abuzərlinin Rumıniyada 40 villa alması ilə bağlı xəbər ölkə mediasında yayaımlandıqdan sonra hamı gözləyirdi ki, qalmaqalın qəhrəmanı, sözdə “iş adamı” susacaq və bu susqunluqla da qalmaqalı yatıracaq. Amma belə olmadı, Ümid Abuzərli danışdı və qısa açıqlamasında elə şeylər dedi ki, hər kəsin gözləri bərələ qaldı.

Abuzərlinin qısa və konkret açıqlamasını olduğu kimi təqdim edirik: “Biz heç bir qanunsuz işlə məşğul olmuruq. Nə ediriksə, hamısı möhtərəm cənab Prezidentimizin siyasətini dəstəkləmək məqsədi daşıyır və bundan sonra da dəstəkləyəcəyik. Ailəmizin bu gün sahib olduğu hər nə varsa, hamısını bu hökumətə və cənab Prezidentimizə borcluyuq. Mən artıq 25 ildir Rumıniyada yaşayıram və hər zaman dövlətimizin yanında olmuşuq”.

Öncəliklə qeyd edək ki, bu açıqlama sadəcə yalandan ibarətdir və ilk diqqət çəkən məsələ də odur ki, bir zamanlar Salyanda özünü Roma imperatoru zənn edən, ya da belə bir xəyala sahib olan Tahir Kərimovun oğlu açıq aşkar prezidentin adından zireh kimi istifadə etməyə çalışır və bununla da bir zamanlar SOCAR-dan mənimsənilən çirkli pulları “yumağa” çalışır.

Abuzərli deyir ki, “Nə ediriksə, hamısı möhtərəm cənab Prezidentimizin siyasətini dəstəkləmək məqsədi daşıyır və bundan sonra da dəstəkləyəcəyik”. Heç kimə sirr deyil ki, Kərimov qardaşlarının sərvəti Həmzə Kərimovun Ruminyada SOCAR-a rəhbərlik etdiyi dönəmdə yaranıb və bu pullar Azərbaycan xalqına və dövlətinə məxsusdur. Abuzərlinin sözlərindən belə çıxır ki, Eldar Həsənov, Anar Əlizadə və Adnan Əlizadə ilə əlbir olub SOCAR pullarını ona görə mənimsəyiblər ki, Azərbaycan prezidenti İlham Əliyevə xidmət etsinlər. Hətta Kərimov qardaşları buna görə Azərbaycan prezidentinə özlərini borclu da hesab edirlər…

Fotoda Həmzə Kərimov

Maraqlı məntiqdir. Amma Abuzərlinin bu məntiqinin altında əslində korrupsiya yoluyla mənimsənilən pulların mənbəyini gizlətmək məqsədi daşıyır. Tahir Kərimovun oğlu hesab edir ki, ən bayağı şəkildə prezidentə “sədaqət” bəyan etməklə özünü sığortalamış olur və bu halda o artıq məsuliyyətdən kənarda qalır.

Qeyd edək ki, bu hal ilk dəfə müşahidə olunmur və demək olar ki, bütün məmurlar özlərinin qlobal korrupsiyalarını məhz ölkə prezidentinə “sədaqət” nümayiş etdirməkləvə ona xidmət etdiklərini söyləməklə ört-basdır etməyə çalışıblar. Bəziləri buna nail olsalar da, bəziləri buna görə vəzifələrini və azadlıqlarını itiriblər. Kərimovların taleyinin necə olacağını isə zaman göstərəcək…

Ancaq hər bir halda Ümid Abuzəlinin sadəlövh və uşaqcasına savadsız bir şəkildə verdiyi açıqlamada onun nə qədər böyük yalançı olduğu da bariz ortalıqdadır. Əldə etdikləri sərvəti prezidenti dəstəkləmək məqsədi ilə SOCAR-dan çırpışdırdıqlarını iddia edən Həmzə Kərimov və Ümid Abuzərli bu günə qədər Qarabağın bərpası üçün bir manat xərcləyiblərmi? Əgər Kərimov qardaşları sözü keçən 40 villanı Ruminiyada almasaydılar və bu pullalra Qarabağda yeni istehsal sahələri və iş yerləri açsaydılar, onda Ümid Abuzərlinin də bəyanatı səmimi və inandırıcı olardı və onlar doğrudan da iş adamı kimi görünərdilər. İndiki halda isə Abuzərli boğazdan yuxarı danışaraq sırtıqcasına özünü prezidentin adıyla sığortalamağa çalışır…

Abuzərlinin ikinci ən böyük yalanı isə 25 ildir Ruminyada yaşaması və bizneslə məşğul olması ilə bağlı səsləndirdiyi iddiadır. Əslində bu gülünc bir iddiadır və bu iddianı jurnalistə söyləyərkən Ümid Abuzərli bilməliydi ki, Azərbaycanda jurnalistlərin çoxusu onun uğursuz karyerası haqda məlumatlıdır. Əslində Tahir Kərimovun oğlu belə bir yalanı söyləmklə ibtidai sinif şagirdi səviyyəsində düşündüyünü ortaya qoymuş oldu…

Umid Abuzərli adi hesablama aparsaydı, belə bir ağ yalanın heç bir riyaziyyatla uzlaşmadığını da bilər və prezidentə dəstək və minnətdarlıq ifadəsindən sonra belə bir ağ yalanı dilinə gətirməzdi. Çünki adi riyaziyyat deyir ki, əgər Ümid Abuzaərli 25 il müddətində, yəni 2000-ci ildən başlayaraq Rumuniyada yaşayıb bizneslə məşğul olubsa, indi onun minimum 50-55 yaşı olmalıydı. Amma Abuzərli də, onu tanıyanlar da yaxşı bilir ki, Abuzərlinin heç 35 yaşı belə yoxdur və onun Azərbaycanda təqribən 2019-ci ilə qədər müxtəlif vəzifələrdə (bu barədə artıq çox yazılıb) çalışabsa, o zaman Abuzərli hansı ağılla bu ağ yalanı söyləyib? Yəqin ki, özünü doğrudan iş adamı kimi göstərməyə cəhd edib və etiraf edək ki, uşaqcasına davranıb.

Bəs bu səviyyədə bir zehniyyətə sahib olan bir adam uğurlu iş adamı ola bilərmi? Açığı buna inanmaq çətindir…

Ruminyada alınan 40 villanın pulunun mənbəyinə gəlincə, bu mənbə də gizli deyil. Bu mənbəni öyrənmək üçün Həmzə Kərimovun Anar Əlizadə və Adnan Əhmədzadə ilə bilikdə SOCAR-I necə talan etmələri ilə bağlı yerli mətbuatda dərc olunan yazıları oxumaq kivayətdir…

Xəbərin oxunma sayı : 481