AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Müstəntiq araşdırmadı, məhkəmə baxacaq - “Baksol”dakı ölüm işi üzrə qalmaqallı detallar


Tarix 23.12.25, 10:37	Font ölçüsü : - / +

Bu gün Nərimanov Rayon Məhkəməsində hakim Gültəkin Əsədovanın sədrliyi ilə "Baksol" yolu ərazisində "Sab Azərbaycan"nın əməkdaşı Cümşüd Cümşüdlünün faciəli ölümündə təqsirli bilinən Bakı Su Kanal İdarəsinin kanalizasiya kollektorları və təzyiq xidmətlərində qəza-bərpa üzrə sahə rəisi Azər Cümşüdovun cinayət işi üzrə məhkəmə iclası davam etdiriləcək.

Qeyd edək ki, iyunun 26-da paytaxtın Nərimanov rayonu, Ələsgər Qayıbov küçəsi 20/90 ünvanının qarşısında "Baksol yolu" ərazisində yolun çökməsi nəticəsində kanalizasiya sularının axdığı kanala düşərək ölən 27 yaşlı Cümşüd Cümşüdlü ilə bağlı başlanan cinayət işi üzrə ibtidai istintaq başa çatıb.

Baş vermiş hadisə ilə bağlı Bakı Su Kanal İdarəsinin kanalizasiya kollektorları və təzyiq xidmətlərində qəza-bərpa üzrə sahə rəisi Azər Cümşüdov cinayət məsuliyyətinə cəlb edilib. Onun barəsində başqa yerə getməmək haqda qətimkan tədbiri seçilib. Ailənin yeganə övladı olan Cümşüd Cümşüdlünün meyiti hadisədən iki gün sonra - iyunun 28-də Suraxanı rayonu, Hövsan qəsəbəsində yerləşən kanalizasiya sularının təmizləmə anbarından tapılıb.

Təqsirləndirilən şəxsin barəsində Cinayət Məcəlləsinin 314.2-ci maddəsi ilə (ehtiyatsızlıqdan ölümə səbəb olan səhlənkarlıq) ittiham irəli sürülüb.

Musavat.com xəbər verir ki, ötən məhkəmə iclasında Azər Cümşüdovun vəkili Anar Ramazanov vəsatətlə çıxış edib.

Vəkil bildirib ki, Azər Cümşüdovun bu işdə təqsiri yoxdur:

“Təqsirkar şəxsin müəyyən olunmasında biz özümüz də maraqlıyıq. Müstəntiq bu işdə bəzi sənədlərin araşdırılmasına hüquqi qiymət verməyib. 2025-ci ilin mayın 15-də həmin ərazidə çökmə müəyyən edilib və ərazi hasarlanıb, dayanıqlı işarələr qoyulub. Amma cinayət işinin materiallarından müəyyən edilir ki, cinayət işinin başlanmasına 10 mart tarixli əmrə istinad edilib. Qeyd olunan ərazidə işlərin görülməsi üçün 27 iyun tarixli əmrlə işin görülməsi barədə sənəd var. 10 mart tarixli sənədə necə istinad etmək olar? O zaman belə bir düşüncə yaranır ki, 10 mart əmri imzalanıb, 2 ay 5 gün sonra çökmə müəyyən olunacaq? Buna görə də qeyd etmək istəyirik ki, 10 mart əmri ilə işlərin görülməsi başqa ünvan üçün nəzərdə tutulub. 10 mart əmri ilə 27 iyun əmrlini heç bir əlaqəsi yoxdur. Bundan başqa, Azər Cümşüdovun həmin ərazidə təmir işlərinin aparması mümkün deyildi. Çünki təmir işlərinin aparılması üçün vəsait ayrılmalıdır, buna dərkənar qoyulmalı idi. Azər Cümşüdov öz hesabına orada təmir işləri də apara bilməzdi ki...

Hadisədən qısa müddət sonra ərazidə təmir işlərinin aparılması üçün təsdiq gəlib. İbtidai istintaq zamanı bu məsələ də araşdırılmayıb. Bundan əlavə, iş materiallarına nəzər yetiriləndə görünür ki, ibtidai istintaq zamanı 10-a yaxın məsələ araşdırılmayıb. Bu məsələlərində araşdırılması məhkəmə predmetinə aid deyil. Cinayət Prosessual Məcəlləsinin 303.1-ci maddəsinə əsasən bu məsələlər məhkəmə istintaqı zamanı araşdırılması mümkün deyil, həmin məsələlərə hüquqi qiymət verilməsi üçün iş prokurorluğa qaytarılmalıdır. Buna görə də işin icraatına xitam verilməsini, vəsatətdə göstərdiyimiz məsələlərin həll olunması üçün cinayət işi prokurorluğa qaytarılsın".

Təqsirləndirilən Azər Cümşüdov deyib ki, martın 10-da olan əmr başqa ünvanda olan ərazinin təmiri üçün nəzərdə tutulub:

"Mayın 15-də hadisə baş verən ünvanda çökmə-çəpərləmə işləri aparılıb. Mən bu işlə bağlı müstəntiqə suallar verdim. Sualıma cavab verən olmayıb. Müdafiəçimin vəsatəti ilə razıyam".

Zərərçəkmiş Cümşüd Cümşüdlünün hüquqi varisi Fəridə Abbasova və onun vəkili Mədinə Zeynalabdin vəsatət etiraz etməyiblər. Onlar bu məsələni məhkəmənin mülahizəsinə veriblər.

Dövlət ittihamçısı Çoşqun İsmayılov bildirib ki, vəsatətdə göstərilən məsələlərin məhkəmədə araşdırılması mümkündür. Onun sözlərinə görə, işə mahiyyəti üzrə baxılmalıdır ki, bu məsələlər həllini tapsın:

"Buna görə də işin məhkəmə baxışına verilməsinə heç bir maneəyə yoxdur. Əgər məhkəmə araşdırılması zamanı təqsirləndirilən şəxsin əməlində cinayət tərkibi olmasa, buna yekunda hüquqi qiymət veriləcək. Buna görə də vəsatət təmin edilməməsin, işin məhkəmə baxışına verilməsini xahiş edirik".

Daha sonra hakim hazırlıq iclasının qərarını açıqlayıb. Təqsirləndirlilən şəxsin vəkili tərəfindən verilən vəsatət təmin edilməyib, işin məhkəmə baxışına verilməsi qərara alınıb.

Xəbərin oxunma sayı : 202