AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Azərbaycanda bu məhsul bahalaşdı - Səbəb nədir?


Tarix 15.11.23, 13:40	Font ölçüsü : - / +

Son günlər paytaxtda və bölgələrdə kənd yumurtasının qiymətində artım müşahidə olunur. Bir müddət əvvəl 25 qəpiyə satılan yumurta indi 35-40 qəpiyə təkif olunur.

Satıcılar deyir ki, qiymətin artması mövsümi xarakter daşıyır. Onlar qiymət artımı ilə əlaqədar olaraq, alıcı kütləsinin də azaldığını bildiriblər.

Dövlət Statistika Komitəsinin məlumatına görə, 2023-cü ilin oktyabr ayında ərzaq məhsulları, içkilər və tütün məmulatları üzrə istehlak qiymətləri indeksi əvvəlki aya nisbətən 100,8 faiz, əvvəlki ilin oktyabr ayına nisbətən 103,1 faiz təşkil edib.

Cari ilin oktyabr ayında əvvəlki aya nisbətən ayrı-ayrı ərzaq məhsullarından daha çox bahalaşma düyünün, mal və qoyun ətinin, təzə balığın, südün, yumurtanın, üzümün, pomidorun, xiyarın, bibərin, badımсanın, yerkökünün, çuğundurun, kartofun, sarımsağın, meyvə şirəsinin qiymətlərində müşahidə olunub.

Kənd yumurtasının qiymətindəki artıma səbəb nədir? Qiymət getdikcə daha da artacaqmı?

Məsələ ilə bağlı Modern.az-a danışan iqtisadçı ekspert Akif Nəsirli vurğulayıb ki, kənd yumurtalarının qiyməti hava ilə əlaqədar bahalaşır:

“Kənd yumurtası kustar üsulla becərilən toyuqlardan alınır. O toyuqların hamısı xüsusi bəslənmə şəraitində saxlanılmır. Məsələn indi Qazaxın ucqar kəndində hava soyuyub. Burada toyuq hinlərinə nə istilik sistemi, nə də işıq çəkirlər. Ona görə də soyuq aylarda, adətən, toyuqlar az yumurta verir. Belə olan halda yumurta qıtlaşır. Yəni tələbat təklifi üstələyir. Bu isə qiymətin bahalaşmasına səbəb olur. Bu, hər il belə olur”.

A.Nəsirli yanvar, fevral və mart aylarında yumurta qiymətlərinin daha da bahlaşacağını söyləyib:

“Havalar soyuduqca kənd yumurtalarının qiyməti artacaq. Amma brolyer yumurtaları qış aylarında da ucuzlaşa bilir. Çünki onları ferma şəraitində saxlayırlar. Sabit temeperaturda, xüsusi yemlərlə saxlanırlar deyə ferma yumurtalarının qiymətini sabit saxlamaq olur. Amma kənd yerlərində, ayrı-ayrı ev təsərrüfatları bunu bacarmır. Yanvar, fevral və mart aylarında kənd yumurtalarının qiyməti daha baha olacaq. Ancaq elə illər də olur ki, iqlim elə də sərt keçmir. Tutaq ki, bir ay sonra toyuqlar xoş keçən iqlimə adaptasiya olunur. Beləliklə, toyuqlar qidadan asılı olaraq yumurta verməyi intensivləşdirirlər”.

Xəbərin oxunma sayı : 934