AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Naftalanda şübhəli satınalma: Eyni tarixdə yaradılan MMC-lər qalib elan edildi


Tarix 08.12.22, 12:04	Font ölçüsü : - / +

Naftalan şəhər İcra Hakimiyyəti cari ilin noyabr ayının 21-də ümumilikdə 21.400 manatlıq satınalmaya yekun vurub.

Qlobal.az xəbər verir ki, İcra Hakimiyyətinin "İnventarın satın alınması" lotu üzrə keçirdiyi satənalmanın məbləği 7820 manat, bu satınalmanın qalibi isə "MENECMENT EKSPERT -85" Məhdud Məsuliyyətli Cəmiyyəti olub.

"MENECMENT EKSPERT -85" MMC 2022-ci ilin iyun ayının 6-da dövlət qeydiyyatına alınıb. On manat nizamnamə kapitalı olan MMC-nin qanuni təmsilçisi İsmayılov Elgün Natiq oğludur.

"MENECMENT EKSPERT -85" MMC-nin hüquqi ünvanı saxtadır: Bakı şəhəri Xətai rayonu, general Şıxlınski ev 54, mənzil 0. Bu ünvanda belə bir mənzil yoxdur.

Satınalma müqaviləsinə görə "MENECMENT EKSPERT -85" MMC icra hakimiyyətinə 35 ədəd ofis stulu, 80 kvadrat metrlik jalüz pərdə, 5 kreslo, 2x4 ölçüsündə iki dədə bayraq, 12 kvadratmetrlik baner və 0.75x150 sm ölçüsündə 200 bayraq almalıdır.

Naftalan şəhər İcra Hakimiyyətinin "Tədbirlərin təşkili işlərinin satın alınması" lotu üzrə sifarişçi olduğu satınalmanın 13.650 manat, qalibi isə "GRAND CORPORATİON-99" Məhdud Məsuliyyətli Cəmiyyəti olub.

"GRAND CORPORATİON-99" MMC İcra Hakimiyyətinin sifarişçi olduğu satınalmada qalib elan edilən MMC ilə eyni zamanda - 2022-ci ilin iyun ayının 6-da dövlət qeydiyyatına alınıb. On manat nizamnamə kapitalı olan bu MMC-nin qanuni təmsilçisi Fətullayev Romal Şakir oğludur.

"GRAND CORPORATİON-99" MMC-nin də hüquqi ünvanı Naftalan şəhər İcra Hakimiyyətinin digər satınalmasında qalib elan edilən MMC-nin hüquqi ünvanı kimi saxtadır: Bakı şəhəri, Sabunçu rayonu, Saratov küçəsi ev 78, mənzil 0.

Satınalma müqaviləsinə görə "GRAND CORPORATİON-99" MMC Naftalan Şəhər İcra Hakimiyyətinə 100 ədəd yeni il paketi, 250 ədəd Naftalan loqolu müxtəlif hədiyyə paketi, şəhəein bəzədilməsi və 2 tədbirin təşkili işlərini görməlidir.

Fəaliyyət profilləri, lisenziyaları, maddi texniki imkanları barədə heç bir məlumat olmayan, 3-4 ay öncə yaradılmış, hüquqi ünvanı gizlədilən MMC-lər hansı imkanları ilə müqavilə üzrə öhdəlikərini yerinə yetirəcəkləri bir sıra suallar yaradır.

Digər şübhə doğuran məqam isə Naftalan şəhər İcra Hakimiyyətinin eyni gündə yekun vurduğu iki satınalmada qalib elan edilən MMC-lərin eyni tarixdə (06.06.2022) yaradılmasıdır.

Digər tərəfdən isə yuxarıda da qeyd etdiyimiz kimi bu MMC-lərin hər ikisinin hüquqi ünvanları da gizlədilib.

Xatırladaq ki, Naftalan şəhər İcra Hakimiyyətinin başçısı Vüqar Novruzovdur.

V.Novruzov 2019-cu ilin dekabr ayının 4-dən Naftalan şəhər İcra Hakimiyyətinin başçısı vəzifəsində çalışır.

Naftalan Şəhər İcra Hakimiyyəti məsələyə mövqe bildirməyib.

Xəbərin oxunma sayı : 565