AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Öldürülən İradənin ailəsi narazıdır - Biznesmen yenidən yoxlanacaq


Tarix 13.04.26, 19:00	Font ölçüsü : - / +

Qeyri-rəsmi birgə yaşadığı qadını boğaraq öldürməkdə ittiham olunan 48 yaşlı biznesmen Emil Ağcanovun anlaqlı olub-olmaması yenidən yoxlanılacaq.

“Qafqazinfo” xəbər verir ki, Bakı Ağır Cinayətlər Məhkəməsi müdafiə tərəfinin istəyi ilə belə qərar qəbul edib.

Qətlə yetirilən İradə Muradovanın yaxınları elə əvvəldən Emilin anlaqsız olduğuna inanmır. İradənin bacısı ibtidai istintaqın düzgün aparılmamasından şikayətlənərək doğmasının qatilinin layiqincə cəzalandırılmasını tələb edir. Bu səbəbdən məhkəmə istintaqı başa çatmaq üzrə olarkən vəkil Rəşad Cəbrayılov hüquqi varis olan bacının da tələbi ilə təqsirləndirilən şəxsin yenidən tibbi ekspertizadan keçirilməsini xahiş edib.

Onlar hesab edir ki, Emil Ağcanovun belə dəhşətli cinayəti anlaqsız vəziyyətdə törətməsi inandırıcı deyil. Hadisədən sonra sübutların gizlədilməsi məqsədilə İradənin telefonunun sındırılması, eləcə də həmin vaxt səsləndirdiyi fikirlər onun baş verənləri dərk etdiyini göstərir.

Bundan əlavə, Ağcanovun məhkəmədəki ifadələrində ziddiyyətlərin olması-gah hadisənin vaxtını və yerini dəqiq xatırlaması, gah isə reallıqdan uzaq, mifik xarakterli fikirlər səsləndirməsi zərərçəkmiş tərəfi narahat edir.

Fotoda: hakim Səbinə Məmmədzadə

Prokuror isə əvvəlki tibbi ekspertizanın nəticələrini düzgün hesab edir. Həmin rəyə əsasən, təqsirləndirilən şəxsin cinayət məsuliyyətindən və cəzadan azad edilərək ixtisaslaşmış psixiatriya müəssisəsinə yerləşdirilməsi təklif olunur.

Məhkəməyə sədrlik edən hakim Səbinə Məmmədzadə isə bütün şübhələrin aradan qaldırılması məqsədilə zərərçəkmiş tərəfin vəsatətini təmin edib. Emil Ağcanov yenidən tibbi ekspertizadan keçiriləcək və bundan sonra yekun qərar açıqlanacaq. Yeni həkim rəyinin hazırlanmasına qədər məhkəmə prosesi təxirə salınıb.

Qeyd edək ki, cinayət hadisəsi ötən ilin yayında Yasamal rayonu ərazisində baş verib. İddialara görə, Emil Ağcanov spirtli içki və narkotik vasitələrin təsiri altında qeyri-rəsmi münasibətdə olduğu 37 yaşlı İradə Muradovanı yerə yıxaraq, dini ayinlər icra etdirməklə xüsusi amansızlıqla boğaraq öldürüb. Daha sonra o, cəsədi evin hamam otağına aparıb, üzərinə möhür qoyaraq qucaqlayıb və səhərə qədər bu vəziyyətdə dini musiqilər dinləyib. Təqsirləndirilən şəxsə xüsusi amansızlıqla qəsdən adam öldürmə maddəsi ilə ittiham irəli sürülüb. Bu maddə üzrə 14 ildən 20 ilədək və ya ömürlük azadlıqdan məhrumetmə cəzası nəzərdə tutulur.

E.Ağcanov biznes fəaliyyəti ilə məşğul olub. O, “Chermington Transportation Services”, “AZRENT”, “Caspi Style” şirkətlərinin və İtaliya brendi “Yamamay” mağazasının sahibidir. İradə Muradova da həmin şirkətlərdən birində çalışıb.

Xəbərin oxunma sayı : 334