AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Aybənizin ölümündə YENİ DETALLAR - Həkimin ali təhsili olmayıb


Tarix 10.06.25, 23:41	Font ölçüsü : - / +

29 yaşlı Aybəniz Almuradovanın ötən ilin iyununda liposaksiya əməliyyatı zamanı vəfat etməsi ilə bağlı açılan cinayət işinin yeni təfərrüatı məlum olub.

AzFakt.com Musavat.com-a istinadla xəbər verir ki, iki uşaq anası Aybəniz Almuradova "Reo-Med" klinikasında əməliyyat edilən zaman dünyasını dəyişib. Almuradovanın ölümündə həkim Mətanət Eyvazova və anestezioloq Babək Mahmudov ittiham edilirdi.

Günahkar kimdir?

Mətanət Eyvazova xəstənin ölümündə əli olmadığını, xəstəyə əlini belə vurmadığını demişdi. İş üzrə əsas təqsirləndirilən şəxs kimi anestezioloq Babək Mahmudov göstərilirdi. Lakin mərhumun ailəsi həkimdən də şikayətçidir. Babək Mahmudov iş üzrə təqsirləndirilən şəxs qismində istintaqa cəlb olunub.

Məhkəmənin hökmü ilə B.Mahmudov barəsində 2 il 9 ay müddətə azadlıqdan məhrum etmə cəzası təyin edilib. Cəzasını məntəqə tipli cəzaçəkmə müəssisəsində çəkəcək. Barəsində seçilmiş "polisin nəzarəti altına vermə" qətimkan tədbiri hökm qanuni qüvvəyə minənədək dəyişdirilmədən saxlanılıb.

Mərhumun bacısı Gülər Əliyeva hüquqi varis kimi bildirib ki, B.Mahmudova ağır cəza verilməsini, həkimin də məsuliyyətə cəlb edilməsini istəyirlər.

Klinika heç bir məsuliyyət daşımır?

İstintaq zamanı müəyyən edilib ki, Babək Mahmudov 2023-cü ildə Azərbaycan Dövlət Tibb Universitetinin "müalicə işi və profilaktika" fakültəsini bitirsə də, anesteziologiya-reanimatologiya ixtisası üzrə rezidentura kursu keçməyib. Həmin sahə üzrə praktik tibbi fəaliyyətlə məşğul olması üçün sertifikasiya şəhadətnaməsi almayıb. "Reo-Med" klinikasına əmək müqaviləsi bağlanmadan çalışırmış.

Müəyyən edilib ki, əməliyyatdan əvvəl xəstənin nevroloji vəziyyəti, ürək fəaliyyəti nevropatoloq tərəfindən dəyərləndirməyib. "Markain" adlı dərmanın istifadəsindən əvvəl xəstənin allergik reaksiyasının olub-olmadığını müəyyən edilməyib.

Təqsirləndirilən şəxsin ifadəsindən məlum olub ki, hadisənin baş verdiyi klinikanı Əli və Aysel adlı şəxslər işlədirmiş. Onlar klinikanın bir neçə həftə əvvəl yeni icarəyə götürüblərmiş:

"Mənə dedilər ki, "Alo doktor" klinikası da onlarındır. Bu klinikanın da adını dəyişib "Alo doktor" qoyacaqlarını dedilər".

Babək Mahmudovun ifadəsində maraqlı məqamlar da üzə çıxıb:

"İşlə bağlı danışdığımız gün Əli müəllim klinikada yenidənqurma işləri apardığını dedi. "Sabaha beş əməliyyatımız var, gəl sabahdan anestezioloq kimi işə başla" deyərək məni işə qəbul elədi. Aylıq 1000 manat əməkhaqqıya razılaşdıq. Səhər işə gəldiyim gün Aybəniz Almuradovanı anesteziya edilməsi üçün əməliyyata hazırlayarkən qarın nahiyəsində piy kütləsi çox olmadığından əməliyyat uzun vaxt tələb etməyəcəyinə görə anesteziyanı spinal qaydada etməyi qərarlaşdırdım. İlk dəfə spinal anestezi aparatını Aybənizin bel fəqərəsinə daxil etdikdə Aybənizin halı pisləşərək təzyiqi aşağı düşdü. Aybənizə "kafein" inyeksiya edib, ayaqlarını yuxarı istiqamətdə qaldırdıq. Təzyiqi normallaşandan sonra yenidən spinal anesteziya edərkən 2-3 dəqiqə sonra xəstə anafilaktik şok keçirdi. Əl və ayaq nahiyələrində qıcolma, çənə kilidlənməsi, göz bəbəklərinin yuxarı doğru hərəkəti müşahidə olundu. Ürəyi dayandığına görə xəstəyə qapalı kardioloji masaj tətbiq etdik. Ürək ritmini geri qayıtdıqdan sonra "Məlhəm" hospitalına köçürüldü".

Babək Mahmudovun ifadəsindən məlum olub ki, klinika rəhbərliyi onun ixtisasının anestezioloq olmadığını bildikləri halda işə götürüblər.

Mərhumun bacısı Gülər Əliyeva hüquqi varis dindirilən zaman bildirib ki, bacısına huşu qapalı olmasına baxmayaraq, ikinci dəfə anesteziya iynəsi vurulub: "Bu göstərişi həkim Mətanət Eyvazova verib. Təqsirləndirilən şəxsdən şikayətçiyik. Mətanət Eyvazovanın da cinayət məsuliyyətinə cəlb edilməsini tələb edirik".

Mətanət Eyvazova isə mətbuata açıqlamasında xəstənin ölümündə əli olmadığını bildirib:

"Xəstəyə əlim belə dəyməyib. Əməliyyatdan öncə müvafiq müayinələrdən keçib. Hər şey qaydasında olub. Xəstənin halı narkoz verilən zaman pisləşib, bir neçə gün komada qalıb. Xəstəyə liposaksiya məqsədilə mən tərəfindən qəti şəkildə toxunulmayıb. Bildiyiniz kimi, xəstə əməliyyata hazırlanır, daha sonra həkim əməliyyat otağına daxil olub, proseduru icra edir. Mən qəbul otağımda olarkən, onun halı pisləşib. Barəmdə yazılan dezinformasiyaları qəbul etmirəm. Artıq hüquq-mühafizə orqanlarına müraciət etmişəm. Haqlı olduğumun sübutu var".

Həkim M.Eyvazova məhkəmədə bildirib ki, ali tibb təhsili olmayıb:

"Klinikaya kosmetoloq kimi işə qəbul edilmişdim. Yüngül prosedurları həyata keçirdim. Əməliyyat zamanı xəstəyə növbəti iynənin vurulmasını göstərişini mən verməmişəm. Aybəniz Almuradovanı "Məlhəm" klinikasına mən aparmışam. Xəstənin müalicəsi üçün bütün xərcləri də mən qarşılamışam".

Qeyd edək ki, "Reo-Med" klinikasını idarə edən Əli Hüseynov "Dünya TV"nin rəhbəri Ramiz Hüseynovun oğludur. Əli Hüseynovun adı yerli mətbuata yad deyil. Bir neçə il əvvəl Əli Hüseynovun avtomobillə adam vuraraq öldürməsi barədə də məlumatlar dərc edilib.

Xəbərin oxunma sayı : 880