AzFakt.com xəbər verir ki, bunu iqtisadçı, deputat Vüqar Bayramov bildirib.

Onun sözlərtinə görə, əmtəəlik neft hasilatı 6 faiz azalıb, əmtəəlik qaz hasilatı isə 5,4 faiz artıb.

“Bu isə o deməkdir ki, neft sektorunda istehsalın stabilləşməsi ilə bağlı səylərə rəğmən hasilatda azalma davam edib. Təbii ki, burada müsbət məqam təbii qaz hasilatındakı artımlar ilə bağlıdır. Belə ki, daha çox qaz hasilatı, daha çox ixrac deməkdir. Bu fiskal və strateji baxımdan əhəmiyyətli məqamdır”, - o əlavə edib.

İqtisadçı xatırladır ki, sənaye məhsulunun 64,5 faizi mədənçıxarma sektorunun payına düşür: “Yəni, sənayədə yaranan hər 100 manatlıq dəyərin 65 manata yaxınını məhz neft və qaz sektoru formalaşdırır. Bu fakt enerjidən kənar sektorlarının inkişafı ilə bağlı islahatların daha dərinləşməsini prioritetləşdirir. Yeni mərhələdə ÜDM artımı qeyri-enerji sektorundakı dəyişikliklərdən birbaşa asılı olacaq”.

“Bu da bu sektorda hasilatın tam stabilləşməsini daha da aktuallaşdırır. Dünya neft bazar ilə əlaqənin minimumlaşdırılması üçün isə sənayedə qeyri neft-qaz sektorunun payının daha da artırılması vacibdir”, - milət vəkili qeyd edib.