Mövzu ilə bağlı Yenisabah.az-a danışan iqtisadçı-ekspert Natiq Cəfərli bildirib ki, əslində, Mərkəzi Bank pulun həcminin azalmasında maraqlıdır:

“Bəzən ticarət dövriyyəsi azaldıqda və ya depozitlər artıqda dövriyyədə olan pul bazasında azalma müşahidə olunur. Bu dəyişikliklər ciddi deyil. Faiz nisbətində çox cüzidir. Bu məsələdə davamlı tendensiyalara baxmaq lazımdır.

Mərkəzi Bank ümumiyyətlə, pul bazasının azalmasına çalışırdı. Çünki bu inflyasiya təzyiqini azaldan amildir.

Sadə dillə desək, dövriyyədə nə qədər çox pul olmazsa, inflyasiya da bir o qədər azalma müşahidə olunur”.

Ekspert tendensiyanın davam etməsinin bir çox məhsulların qiymətinin ucuzlaşmasına gətirib çıxara biləcəyini qeyd edib:

“Buna tendensiya kimi baxsaq, daha yaxşı olar. Əgər bir neçə ay davam edəcəksə, inflyasiyanı azalda bilər. Amma bu, iqtisadi aktivliyə də mənfi təsir göstərir. Bu addımın iki üzü var. Müsbət tərəfi odur ki, inflyasiya faizi aşağı düşür, amma digər tərəfdən, pul bazası azaldıqca iqtisadi aktivlik də azalır.

Qısası, tendensiya davam edərsə, qiymətlər də aşağı düşə bilər”.