Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Bakıda vətəndaşın haqqını ödədiyi üç mənzil başqalarına satılıb - “Evrostroy-S.S” MMC-dən şikayət

Tarix 06.06.23, 18:08

Font ölçüsü : - / +
bitmap-img6


Bakıda vətəndaş tam ödəniş edərək aldığı üç mənzilin şirkət rəhbərliyi tərəfindən mənimsənildiyini iddia edir.

Bununla bağlı Oxu.Az-ın redaksiyasına şikayət ünvanlayan Allahverən Ağayev həmin mənzillərin şirkət rəhbərliyi tərəfindən başqalarına satıldığını qeyd edib:

“Evrostroy-S.S” MMC (“Sipark”) şirkətinin rəhbəri Taleh Abbasov və şəriki Seymur İsayevdən 2018-ci ildə mənzil aldım. Onu təmir etmək istədikdə məlum oldu ki, mənzil başqasına satılıb. Lakin rəhbərlik satmadığını iddia edir. Üstəlik, mənzil alarkən bağlanan müqavilə sənədlərinin saxta olduğunu bildirir. Halbuki, o sənədləri özü verib. Həmin şirkətin rəhbərindən başqa şikayətlər də var.

Mənzilin birini 19 mart 2018-ci ildə yoldaşım Nərmin Ağayevanın adına almışam. Nərimanov rayonu, Mövsüm Sənani küçəsindəki “Sipark” yaşayış kompleksində inşa edilən 16 mərtəbəli yaşayış binasının 5-ci girişi, dördüncü mərtəbəsində ümumi sahəsi 313 kvadratmetr olan beşotaqlı, 209 saylı mənzili aldım. Tam müqavilə ilə aldım. Həmin mənzili 2023-cü ilin əvvəllərində təmir etmək üçün yaxınlaşanda şirkət əməkdaşları mən oraya buraxmayıb, başqasına satıldığını dedilər”.

A.Ağayev həmin şirkətdən aldığı daha iki mənzil ilə bağlı bir il öncə şikayət verdiyini qeyd edib:

“23 yanvar 2019-cu ildə Nəriman rayonu, Təbriz, F.Məmmədov, K.Kazımzadə küçələrinin kəsişməsində inşa edilən 16 mərtəbəli yaşayış binasının “D” girişi, altıncı mərtəbəsində 93,75 kvadratmetr sahəsi olan 203 saylı mənzili öz adıma aldım. Daha sonra həmin ilin aprel ayının 2-də eyni binanın “D” girişi, beşinci mərtəbəsində 93,75 kvadratmetr ümumi sahəsi olan 199 saylı mənzili öz adıma aldım.

Bir il öncə bu mənzillərin başqasına satılması ilə bağlı məlumat aldım. Baş Prokurorluğa, Korrupsiyaya qarşı Mübarizə İdarəsinə müraciət etdim. Bizim şikayətimizə baxılmır. Müqavilə əlimdədir, amma heç nə edə bilmirəm”.

Şikayətçi şirkətin əməkdaşlarının mənzil alarkən bağlanılan müqavilə sənədlərinin saxta olduğunu bildirdiklərini söyləyib:

“Bizi mənzillərə buraxmırlar. Taleh Abbasov özü deyir ki, “mənzillər satılmayıb”. Lakin sənədlər saxtadır. Öz verdiyi sənədləri saxta adlandırır. Yəqin, özü saxtalaşdırıb. Haqq-ədalətin bərpa olunmasını istəyirəm”.
Məsələ ilə bağlı Oxu.Az-ın sorğusuna cavab olaraq Baş Prokurorluqdan bildirilib ki, məsələ araşdırılaraq məlumat veriləcək.

“Sipark” şirkətindən isə Oxu.Az-a bildirilib ki, şikayətçi Allahverən Ağayevin iddiası əsassızdır:

“Şirkətimiz sözügedən şəxsi məhkəməyə verib. Onun vəkili Vasif İsrafilovdan isə Vəkillər Kollegiyasına şikayət edib”.





Xəbərin oxunma sayı : 265




Hadisə

Xəbərlər

ARXİV
Əlaqə | Haqqımızda  
Buy website traffic cheap