AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Bakıda nişanı qayıdan qız damarlarını doğradı, qardaşı isə... – Şok təfərrüat


Tarix 08.10.23, 22:29	Font ölçüsü : - / +

Bakının Sabunçu rayonunda 1986-cı il təvəllüdlü Elcan bacısının nişanlısı Həşimə (adlar şərti verilib – red.) xəsarət yetirib.

Teleqraf.com-un əldə etdiyi məlumata görə, hadisə ötən ilin avqustun 5-də Sabunçu rayonu, Maştağa qəsəbəsində baş verib.

Elcan qəsəbədə yerləşən yanacaqdoldurma məntəqəsinin yanında bacısı Xatirə ilə nişanlı olan Həşimin nişanı qaytararaq, bacısı ilə evlənməkdən imtina etməsindən özünü və ailə üzvülərini açaldılmış, habelə Həşimin onun ünvanına "nakişi", "qeyrətsiz" və "cəsarətsiz" kimi şəxsiyyətini təhqiredici sözlər deməsindən özünü təhqir edilmiş hesab edib.

Bu səbəbdən aralarında yaranmış mübahisə zamanı Elcan üzərində gəzdirdiyi bıçaq ilə Həşimin sol döş nahiyəsinə vuraraq ona xəsarət yetirib.

İstintaq orqanı tərəfindən Elcanın barəsində Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə ittiham elan edilib.

"El adəti ilə nişan keçirildi"

Cinayət işi üzrə təqsirləndirilən şəxs qismində ifadə verən Elcan ona elan olunmuş ittiham üzrə özünü təqsirli bilib. O bildirib ki, anası Mahirə, bacısı Xatirə, həyat yoldaşı Sevil və 2 azyaşlı övladları ilə birlikdə Maştağa qəsəbəsində fərdi evdə yaşayır: "Özüm Qaradağ rayonu ərazisindəki müxtəlif daş karxanalarında fəhlə işləyərək fərdi əmək fəaliyyəti ilə məşğul oluram. Zərərçəkmiş Həşimi təxminən 6 ildir ki, tanıyıram. Həşim ailəsi ilə birlikdə əvvəllər bizimlə qonşuluqda yaşayıb. Münasibətlərimiz həmişə yaxşı olub. Lakin 2 il bundan əvvəl Həşim və ailəsi həmin ərazidə bizim küçədən 2 küçə arxada ev alaraq orada yaşamağa başladılar. Təxminən 5 il bundan əvvəl Həşimin anası bir neçə dəfə onun üçün Xatirəyə elçi gəldi. Biz rədd cavabı versək də, təxminən 2 il bundan əvvəl növbəti dəfə elçi gələndə razılıq verdik. El adəti ilə nişan keçirildi, Xatirənin barmağına nişan üzüyü taxdılar".

"Xahiş etdik ki, bizi rüsvay etməsinlər"

Təqsirləndirilən şəxs qeyd edib ki, beləliklə, Xatirə ilə Həşim 2 il nişanlı olublar: "Həşimin 36 yaşı, Xatirənin isə 30 yaşı vardı. Həşimin və bizim qohumlarımız, habelə bizi tanıyanlar, bizim yaşadığımiz ərazidəki sakinlər Xatirə ilə Həşimin nişanlı olduqlarını bildilər. Mütəmadi olaraq Həşim bizim evimizə gəlib. Xatirə ilə birlikdə gəzməyə və başqa yerlərə gedib. Lakin təxminən hadisədən 6 ay əvvəl Xatirə Həşimin anası Baharın haradasa oğlu üçün ondan yaşca kiçik qız almaq istədiyini dediyini bildi. Bahar növbəti dəfə bizə gələndə Xatirə narazılığını ona bildirdi. Bundan sonra bizim ailəmiz ilə Həşimin ailəsi arasında münaqişə yarandı. Nəticədə Həşimin ailəsi nişanı qaytarmaq qərarına gəldi. Biz dəfələrlə qarşı tərəfdən xahiş etdik ki, narazılığı aradan götürək, nişanı qaytararaq bizi rüsvay etməsinlər. Amma Həşim və ailəsi buna məhəl qoymadı".

"Xəbər verdi ki, Həşim polisə müraciət edib"

Təqsirləndirilən şəxsin ifadəsinə görə, hadisədən təxminən 4 gün əvvəl anası ilə birlikdə Xatirəni apararaq Həşimin evinə qoyub: "Həşimin ailəsinə dedim ki, nə olubsa olub, bundan sonra narazılığa son qoysunlar, bacımın adına söz çıxarıblar, ona görə də bundan sonra da sahib çıxmalıdırlar. Həmin vaxt Həşim, Həşimin qardaşı, anası da evdə olublar. Onlar mənim sözlərimi qəbul etdilər. Həmin gündən Xatirə Həşimgilin evində qaldı. Lakin avqustun 5-də, təxminən saat 14.00-da Sanqaçal qəsəbəsindəki daş karxanasında işdə olarkən anam zəng etdi, xəbər verdi ki, Həşim Xatirənin evindən çıxarılması üçün polisə müraciət edib. 14-cü polis bölməsinin işçiləri anamı Həşimgilə çağırıb ki, Xatirəni evdən çıxarıb anasına təhvil versinlər".

"Polislər dedilər ki, məcbur etmək olmaz"

Elcan qeyd edib ki, axşam saat 22.00 radələrində işdən çıxıb və birbaşa Həşimgilin evinə gedib: "Həmin vaxt orada Həşim, anası, mənim anam və 2 nəfər polis əməkdaşı olub. Az sonra qardaşım da ora gəldi. Xatirənin qolu sarıqlı idi. Sonradan mənə məlum oldu ki, həmin gün səhər saatlarında Həşimgil ailəliklə Xatirəni evdən çıxarmaq istədikdə, Xatirə bıçaqla öz qolunu kəsib. Deyib ki, ya burda öləcəm, ya da burada qalmalıyam. Dilqəmgil də təcili yardım həkimi çağıraraq Xatirənin qolunu sarıtdırdılar. Məhz bundan sonra Həşimin ailəsi Xatirəni polis vasitəsi ilə evdən çıxarmağı qərara alıblar, polis işçilərini çağırıblar. Polis əməkdaşları da bizə dedilər ki, Həşimgili Xatirəni öz evlərində saxlamağa məcbur etmək olmaz, biz Xatirəni öz evimizə aparmalıyıq. Ona görə də anam ilə birlikdə Xatirəni evimizə apardıq".

"Polisə təslim oldum"

Təqsirləndirilən şəxs bildirib ki, yolda olarkən Xatirənin Həşimgilin evində olarkən həyətdəki masanın üzərindən götürərək öz qolunu kəsdiyi bıçağı sonradan onun əlində saxladığını görüb: "Xatirənin yenə də özünə nə isə etməsindən ehtiyatlanaraq bıçağı onun əlindən aldım. Öz evimizə çatmamış bir daha Həşimlə həll etmək üçün öz anamı evə yol salaraq Xatirə ilə birlikdə onların evinə qayıtdıq. Yol gedərkən qardaşım zəng etdi, harada olduğumu soruşdu. Bildirdim ki, 14-cü polis bölməsi tərəfdən Həşimgilin evinə tərəf gəlirik. Mən 128 saylı orta məktəbin yanına çatarkən Həşimlə qarşılaşdıq. Həşimə "sən bununla bizim namusumuza sataşmış olursan, mən tələb edirəm ki, bacıma sahib olub bizi rüsvay etməyəsən, əgər bunu etməsən səni cəzalandıracağam" deyərək xəbərdar etdim. Həşim "səndə o kişilik, qeyrət yoxdur, mənə heç bir şey edə bilməzsən" söylədi. Sonra əllərini yuxarı qaldıraraq "cəsarətin, kişiliyin, qeyrətin çatarsa məni vur" deyərək üstümə gəldi. Mən də Həşimin bu sözlərini özümün və ailəmin alçaldılması kimi qəbul etdim. Cibimdən bıçağı çıxararaq 1 dəfə Həşimin sol böyrünə vurdum. Növbəti zərbələri vuranda Həşim sol qolunu zərbənin qarşısına qoyduğuna görə bıçaq onun sol çiyin nahiyəsinə dəydi. Sonra mən kənara çəkildim və bacım Xatirəni də götürərək taksi ilə evə getdik. Sonra Xatirəni evə qoydum və birbaşa 14-cü polis bölməsinə getdim. Həşimi vurduğumu deyərək hadisə vaxtı istifadə etdiyim bıçağı təqdim etdim".

"Yetər ki, məndən əl çəkin"

İş üzrə zərərçəkmiş Həşimin sözlərinə görə, onunla Xatirə arasında nişan olub: "Nişanlandıqdan sonra hiss etdim ki, Xatirənin psixoloji problemləri var. Mən Xatirəyə söz deyirdim və hiss edirdim ki, dediyim söz Xatirəyə gec çatır, eyni zamanda Xatirə mənim verdiyim suallara cavab vermir, ancaq başını aşağı salaraq üzümə baxırdı. Bütün bunlara baxmayaraq Xatirəyə buna görə heç nə demədim. Düşündüm ki, zamanla düzələr. Son zamanlar gördüm ki, anam böyük kimi Xatirəyə hər hansı bir məsləhət verdikdə, Xatirə anama kobud cavab qaytarırdı. Eyni zamanda mart ayında anam və bacım birlikdə Xatirənin evinə bayram hədiyyələri aparan zaman anam və bacımı evdən qovub. Həmçinin "votsapda" mənə və ailə üzvlərimə qarşı atmaca tipli statuslar qoyurdu. Bundan sonra bizim aramızda Xatirə ilə ədavət başlandı. Xatirə özü mənə dəfələrlə nişanı qaytarmaq istədiyini dedi. Mən də Xatirəgilin verdikləri nişan üzüyünü qaytardım. Lakin Xatirəgil mənim verdiyim nişan üzüyünü qaytarmadılar. Mən də Xatirəgilə dedim ki, nişan üzüyünü vermirsiz, verməyin, mən üzüyü istəmirəm, yetər ki, məndən əl çəkin. Bir gün iş yerində olduqda məni çağırdılar, dedilər ki, Xatirə iş yerimə gəlib. Sən demə Elcan Xatirəni iş yerimə göndərib. Mən iş yerimdə hara gedirdimsə, Xatirə də arxama düşərək ora gəldi. Elcana zəng edərək bunu bildirdim. Elcan da dedi ki, Xatirəni özü iş yerimə göndərib. Bundan sonra iş bitdi və mən evə gəldim".

"Dedi ki, hər ikisinin başını kəs"

Zərərçəkmiş bildirib ki, həmin gün Xatirə, onun anası, digər qardaşı və Elcan onların evlərinə gəliblər: "Xatirənin anası dedi ki, Xatirə bizim evimizdə qalmalıdır. Həmin vaxt mənimlə Xatirə arasında hər hansı bir nikah olmayıb. Elcanın anası həmin vaxt mənə və ailə üzvlərimə qarşı xoşagəlməz sözlər işlətdi. Anası Elcana dedi ki, əgər Həşim qızı qəbul etmirsə, hər ikisinin başını kəs. Bundan sonra Xatirəni bizim evimizdə qoyaraq getdilər. Xatirə də bizdə qaldı və evdən çıxmadı. Bundan sonra qardaşım ilə birlikdə polis bölməsinə gedərək polisə məlumat verdik. Biz düşündük ki, birdən gedib şikayət edərlər, deyərlər ki, qızı qaçırdıblar. Biz bu barədə polisə ərizə də təqdim etdik. İki gün sonra evimizə polis bölməsinin sahə müvəkkili gəldi və sahə müvəkkili özü ilə birlikdə 4-5 polis əməkdaşı da gətirmişdi. Bu zaman Xatirənin anası da bizdə idi. Polislərin təkidi ilə Xatirə bizim evdən çıxarıldı. Xatirə evdən çıxarılan zaman psixoloji problemləri olduğuna görə özünə bizim evimizdən götürdüyü bıçaqla xəsarətlər yetirdi. Xatirənin anası bu zaman Elcana və digər oğluna dedi ki, Həşimi öldürmək lazımdır".

"Düşünürəm ki, məni öldürmək istəyib"

Zərərçəkmişin sözlərlərinə görə, bundan sonra Xatirə və onun anası onların evindən tamamilə çıxıblar: "Sonra qardaşım ilə birlikdə yenidən polis şöbəsinə ərizə və izahat vermək üçün getdik. Polis şöbəsindən qayıdan zaman Elcanın qardaşı da polis şöbəsinin yanında olub. Elcan qardaşına zəng edərək bizim yerimizi öyrəndi. Mən Elcanla məhlədə rastlaşdım. Elcan deyib ki, guya onun özünü və ailə üzvlərinin şərəf və ləyaqətini alçaldan sözlər işlətmişəm. Lakin belə bir hadisə baş verməyib. Mən Elcanla küçədə söhbət zaman dedim ki, üzüyü qaytardım, bacınıza sahib çıxın, sizə verdiyim nişan üzüyünü də tələb etmirəm. Bu zaman Elcan bıçaqla məni ürək nahiyəmdən vurmağa cəhd göstərdi. Düşünürəm ki, Elcan məni öldürmək istəyib. Mən bir qədər çöndüm və bıçaq ürək nahiyəmdən deyil, bir qədər aralı hissədə qoltuq altı hissəsinə dəydi. Bundan sonra Elcan mənə ikinci dəfə də bıçaqla zərbə vurdu. Yenə də ürək nahiyəmdən vurmaq istədi. Bu dəfə də bıçaq zərbəsindən yayınmağa çalışdım. Lakin ikinci zərbə də kürək hissəmə dəydi. Elcan üçüncü dəfə məni bıçaqla vurmaq istədikdə, mən bu vaxt həmin zərbəni əlim ilə tutdum. Bıçaq bu dəfə əlimin içərisini kəsdi. Bundan sonra Elcanın qardaşı bizi araladı. Bu üçüncü zərbəyə qədər Elcanın qardaşı bizə heç bir müdaxilə etmədi".

Bu cinayət işinə Bakı Ağır Cinayətlər Məhkəməsində baxılıb.

Məhkəmənin hökmü ilə Elcan 3 il müddətinə azadlıqdan məhrum edilib.

Hökmdən narazı qalan Elcan apellyasiya şikayəti verib. O, barəsində Cinayət Məcəlləsinin 70-ci (şərti məhkum etmə) maddəsinin tətbiq edilməsini, cəzasının şərti hesab edilməsini istəyib.

Həmçinin prokuror tərəfindən də apellyasiya protesti verilib. Prokuror təqsirləndirilən şəxsin cəzasının ağırlaşdırılmasını tələb edib.

Tərəflərin şikayətinə Bakı Apellyasiya Məhkəməsində baxılıb. Qərara görə, təqsirləndirilən şəxsin şikayəti, prokurorun isə protesti təmin edilməyib.

Xəbərin oxunma sayı : 1534