AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Rusiyayönlü AfD minlərlə məxfi Aİ sənədini Kremlə ötürə bilər - “Politico“


Tarix 24.03.26, 12:29	Font ölçüsü : - / +

Almaniyada Rusiyayönlü mövqeyi ilə tanınan Almaniya üçün Alternativ (AfD) partiyasından olan deputatlar Avropa İttifaqına aid minlərlə sənədin yer aldığı məlumat bazasına çıxış əldə ediblər. Avropa rəsmiləri ehtiyat edir ki, xüsusilə Ukrayna ilə bağlı müzakirələr də daxil olmaqla, məxfi məlumatlar Moskvaya ötürülə bilər.

"Politico"nun yazdığına görə, bu bazada minlərlə sənəd, o cümlədən Aİ ölkələrinin səfirlərinin görüş protokolları mövcuddur. Həmin görüşlərdə diplomatlar geosiyasi məsələlər, məsələn, Rusiyanın dondurulmuş aktivləri hesabına Ukraynanın maliyyələşdirilməsi planları barədə mövqelərini müzakirə edirlər.

Aİ diplomatlarından biri bildirib ki, Brüsseldə məxfi görüşlərin və məlumatların qorunması üçün bütün mümkün tədbirlər görülür. Lakin AfD deputatlarının bu materiallara çıxışı təhlükəsizlik sistemində ciddi boşluq yaradır və bu, Vladimir Putinə üstünlük verə bilər.

Onun sözlərinə görə, "Coreper" (Aİ səfirlərinin danışıqları formatı) çərçivəsində səsləndirilən istənilən məxfi məlumatın birbaşa Rusiya və ya Çin tərəfinə ötürülməyəcəyinə heç kim zəmanət verə bilməz.

Bununla belə, "Politico"nun həmsöhbətləri qeyd ediblər ki, bu məsələ ilə bağlı rəsmi müzakirələr aparılmır və daha çox qeyri-rəsmi söhbətlər səviyyəsində qalır. Xüsusilə Şimal-Qərbi Avropa ölkələri arasında bu narahatlıq daha çox səsləndirilir.

Digər ölkələrin parlamentlərindən fərqli olaraq, Almaniya Bundestaqında bütün deputatlar və onların köməkçiləri "EuDoX" adlı məlumat bazasına çıxış əldə edirlər. Bu bazada Aİ-yə aid minlərlə sənəd — nazirlərin sammitlərindəki brifinqlərdən tutmuş səfirlərin məxfi görüşlərinin xülasələrinə qədər — saxlanılır.

Hər il təxminən 25 min sənəd Bundestaqdakı xüsusi bölmə tərəfindən bu sistemə əlavə olunur və materiallar hökumət tərəfindən təqdim edilir. Sistem icra hakimiyyətinə nəzarəti təmin etmək məqsədilə yaradılıb.

Ekspertlər qeyd edirlər ki, bu qədər geniş istifadəçi auditoriyası məlumat sızması riskini artırır. Berlin Azad Universitetinin hüquq professoru Sven Helşaydt bildirib ki, "EuDoX" nisbətən açıq platformadır və təxminən 5000 istifadəçisi var, buna görə də hökumət hansı məlumatları ora daxil etdiyini yaxşı bilir.

Buna baxmayaraq, bazadan istifadə edən yeddi alman deputat və ya onların köməkçiləri "Politico"ya bildiriblər ki, AfD-nin bu sistemə çıxışı təhlükəsizlik üçün risk yaradır.

Onların sözlərinə görə, AfD siyasətçiləri Rusiya kəşfiyyatının maraq göstərə biləcəyi məlumatları açıqlayırlar. Bu məlumatlara pilotsuz uçuş aparatlarına qarşı müdafiə sistemləri, Qərbin Ukraynaya silah tədarükü və Baltik dənizində Rusiyanın hibrid əməliyyatları barədə məlumatlar daxildir.

Bundan əvvəl "The Washington Post" yazmışdı ki, Macarıstanın xarici işlər naziri Peter Siyarto Aİ iclasları zamanı fasilələrdə dəfələrlə Rusiyanın xarici işlər naziri Sergey Lavrova zəng edərək müzakirələr barədə operativ məlumat verib.

"Politico" həmçinin qeyd edib ki, Aİ Macarıstana məxfi məlumat axınını məhdudlaşdırır və liderlər bəzən daha kiçik qruplarda görüşürlər. Bunun səbəbi Viktor Orban hökumətinin məlumatları Rusiya ilə paylaşdığına dair şübhələrdir.

Xəbərin oxunma sayı : 145