AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Putin riskli qərarlar qəbul etməkdən çəkinir - ISW


Tarix 06.02.23, 15:40	Font ölçüsü : - / +

Rusiya prezidenti Vladimir Putin status-kvonu sarsıda biləcək qərarlar qəbul etməkdə ehtiyatla davranır. Buna görə də nüvə eskalasiyası və ya NATO ilə müharibə riski ağlabatan deyil.

Musavat.com xarici agenltiklərə istinadən xəbər verir ki, bu barədə ABŞ-da yerləşən Müharibə Tədqiqatları İnstitutunun (ISW) analitiklərinin rəyində bildirilir.

ABŞ analitikləri qeyd edirlər ki, Ukraynaya qarşı müharibədə maksimalist məqsədləri bəyan edərkən belə, Putin ciddi tərəddüd nümayiş etdirir. Bu da onun beynəlxalq eskalasiyanı təhdid edə biləcək riskli ssenarilərdən qaçmaq istəyini göstərir.

"Rusiya prezidentinin 24 fevral 2022-ci ildən sonra Ukrayna ilə bağlı qərarları onun qarşıya qoyduğu maksimalist hədəflərə heç cür uyğun gəlmir. Görünür, Putin, savaşdan öncə Kiyevi əhəmiyyətli hərbi itkilər olmadan təslim olmağa məcbur edə biləcəyini düşünüb. Buna görə də Rusiyanın Ukraynaya müdaxiləsini öncə adi risk kimi qiymətləndirib.

Rusiya qoşunlarının Kiyev uğrunda döyüşdə düçar olduğu uğursuzluq Putini çətin qərarlar qəbul etməyə məcbur edib. Bununla belə, o, Rusiya ordusunda və cəmiyyətində müharibənin gedişatını dəyişdirmək üçün zəruri olan kompleks dəyişikliklərə getmək istəmir”, - deyə hesabatda qeyd olunur.

ISW-nin analitikləri Putinin riskli qərarlar qəbul etməkdə tərəddüdünü nümayiş etdirən bir sıra misallar gətiriblər:

-2022-ci ilin iyun-iyul aylarında Severodonetsk və Lisiçansk uğrunda ağır döyüşlərdən və Rusiya ordusunun böyük bir hissəsini tükəndirən bir neçə uğursuz həmlədən sonra Putin tam səfərbərlik əmrini verməkdən çəkinib;

Putin 2022-ci ilin mayında rus millətçilərinin “ehtiyatda olan bütün əsgərləri səfərbər etmək”, “Ukraynaya müharibə elan etmək”, “Rusiyaya qarşı hərbi vəziyyətin tətbiqi və hərbi xidmətə çağırış sisteminin modernləşdirilməsi” kimi çağırışlarına məhəl qoymayıb;

-Rusiya Federasiyasının Prezidenti müharibənin əvvəlindən dekabrın ortalarına qədər hərbi əməliyyatlarla bağlı ictimaiyyət qarşısında çox çıxış etməyib;

-Putin yalnız Ukrayna Silahlı Qüvvələrinin uğurlarından sonra qismən səfərbərlik və hərbi vəziyyətin uzadılması kimi ölkə daxilində qeyri-populyar qərarlar qəbul etməyə başlayıb;

-Rusiya Federasiyasının Prezidenti səfərbərliyin ikinci dalğasını elan etməyə tələsmir və ehtimal ki, birinci səfərbərliyin narazılıqla qarşılanması ilə əlqədar “səssiz səfərbərlik” keçirməyə üstünlük verir;

-Putin Rusiyanın səfərbərliyə dair təsəvvürlərini qiymətləndirmək üçün sorğular keçirir, lakin növbəti səfərbərliyə nə vaxt başlayacağına hələ qərar verməyib.

-Rusiya prezidenti cəbhədəki hərbi uğursuzluqların və Kremlin qeyri-populyar siyasətinin günahını üzərinə götürəcək “günah keçiləri” axtarır;

"Putinin açdığı müharibə ilə birbaşa əlaqəli riskləri götürmək istəməməsi onu göstərir ki, onun hələ də nüvə eskalasiyasına və ya NATO ilə müharibəyə getmə ehtimalı azdır. Putin daxildəki status-kvonu düzgün dəyərləndirməyə,buna görə də riskli və ziddiyyətli addımlardan qaçmağa çalışır”, - deyə institutun analitikləri qeyd ediblər.

Xəbərin oxunma sayı : 922