AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Hörmüzdə “gizli tranzit“: Tankerlər blokadanı belə aşırlar


Tarix 25.05.26, 14:16	Font ölçüsü : - / +

Hörmüz boğazında gərginlik davam etdiyi bir vaxtda Yaxın Şərq ölkələrinin neft və qaz ixracı üçün "gizli marşrutlar”dan istifadə etdiyi bildirilir. Məlumata görə, bəzi tanker gəmiləri izləmə sistemlərini söndürərək bölgədəki blokada riskini aşmağa çalışır.

"Bloomberg”-in məlumatına görə, Əbu Dabi Milli Neft Şirkəti (ADNOC) Fars körfəzindən neft və qaz daşımalarını öz donanması vasitəsilə gizli şəkildə həyata keçirir. Şirkətin həm İran hərbi dəniz qüvvələrinin, həm də ABŞ gəmilərinin nəzarətindən yayınmağa çalışdığı qeyd olunur.

Məlumata görə, ADNOC Hörmüz boğazından keçid zamanı "qaranlıq tranzit” adlanan üsuldan istifadə edir. Bu üsul zamanı gəmilər transponderlərini söndürərək hərəkət edir və izləmə sistemlərində görünmürlər.

Bildirilir ki, ADNOC daşımalar üçün əsasən Navig8 şirkətinin nəzarətində olan tanker və qazdaşıyan gəmilərdən istifadə edir. Həmin şirkətin əsas səhmdarlarından biri ADNOC-un logistika bölməsi, digəri isə "Wanhua Chemical Group" hesab olunur.

Ekspertlərin fikrincə, bu addımlar neft istehsalçılarının məhsulu bazara çatdırmaq üçün artan təzyiq altında olduğunu göstərir. Məhdud saxlama imkanları və ixrac riskləri şirkətləri daha riskli marşrutlara yönəldir.

Kpler şirkətinin dəniz daşımaları üzrə baş analitiki Matt Wright bildirib ki, BƏƏ-nin OPEC-dən ayrılmasından sonra ADNOC ixracı davam etdirmək üçün daha böyük risklər almağa hazırdır.

Şirkətin əsasən "qısa reyslər” həyata keçirdiyi qeyd olunur. Tankerlər Hörmüz boğazını keçdikdən sonra yüklər daha təhlükəsiz hesab olunan Füceyrə, Sohar və ya Hindistanın qərb sahillərində digər gəmilərə ötürülür.

Məlumata görə, ADNOC son aylarda ən azı üç dəfə mayeləşdirilmiş təbii qazı da "qaranlıq tranzit” üsulu ilə ixrac edib. Peyk görüntüləri şirkətin Das adasındakı qaz terminalında fəaliyyətin davam etdiyini göstərsə də, bölgədəki gəmilərin əksəriyyəti yerləşmə siqnallarını ötürmür.

Qeyd olunur ki, blokadanı aşmağa çalışan təkcə ADNOC deyil.

"Bloomberg” yazır ki, Qatar da Hörmüz boğazı vasitəsilə mayeləşdirilmiş təbii qaz ixracını gizli şəkildə davam etdirir. Son günlərdə Qətərə məxsus üç LNG tankerinin boğazdan keçdiyi bildirilir.

Məsələn, "Al Rayyan” adlı tanker boğazı keçdikdən sonra Oman sahilləri yaxınlığında yenidən izləmə sistemlərində görünüb və hazırda Çinə doğru hərəkət edir. "Fuwairit” adlı digər tanker isə Pakistan istiqamətində yol alır.

Bu arada ABŞ və İran arasında yeni memorandum layihəsinin hazırlandığı bildirilir. Sənəddə atəşkəsin daha 60 gün uzadılması və Hörmüz boğazının yenidən açılması məsələlərinin yer aldığı qeyd olunur. Diplomatik mənbələrin sözlərinə görə, razılaşma imzalanacağı təqdirdə İran boğazda gəmi hərəkətinin müharibədən əvvəlki səviyyəyə qaytarılması üçün tədbirlərə başlayacaq.

Beynəlxalq Enerji Agentliyi isə hesab edir ki, Hörmüz boğazında gəmiçilik fəaliyyətinin tam bərpası 2026-cı ilin üçüncü rübündən etibarən mümkün ola bilər. Agentlik ilin sonuna qədər dünya bazarında gündəlik təxminən 2 milyon barel neft çatışmazlığı yaranacağını proqnozlaşdırır.

Xəbərin oxunma sayı : 484