AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Müəllimini aldadıb ona 355 min “atdı” - Atası bulvarda intihar etmişdi...


Tarix 20.11.25, 12:00	Font ölçüsü : - / +

Biznes qurmaq və müxtəlif şəxsləri işə düzəltmək adı ilə aldadaraq külli miqdarda pulunu ələ keçirmiş 26 yaşlı Nihad Rəhimlinin məhkəməsi başa çatıb.

“Qafqazinfo”nun əldə etdiyi məlumata görə, Lənkəran Ağır Cinayətlər Məhkəməsində təqsirləndirilən şəxsə hökm oxunub.

Bildirilib ki, Nihad Lənkəranda orta məktəbi bitirdikdən sonra Bakıda ali təhsil alıb. Sonra onun orta məktəbdə müəllimi olmuş Lənkəran şəhər sakini Rəhilə Əliyevanın (zərərçəkmişlərin ad-soyadları şərtidir) BƏƏ-də işləyən oğlu Mirseyidlə münasibəti yaranıb.

Nihad onları Dubaydan elektron fotoaparatlar gətirib ölkədə satmağın yüksək gəlir gətirəcəyinə inandırıb. Nihadın coğrafiya müəllimi olmuş atası Rasim Rəhimov ilə məktəbdə iş yoldaşı olan Rəhilə Əliyeva onun dediklərinə inanıb və 355 min manat pul verib.

Lakin o verdiyi vədlərə əməl etməyərək aldığı pulların hamısını dələduzluqla ələ keçirib. Nihad həmin dövrdə müxtəlif ölkələrə səfərlər edərək vəsaitin böyük hissəsini xərcləyib.

Bundan başqa, Nihadın müəllim kimi işə düzəltmək adı ilə 2 nəfərdən 5 min və 40 min manat, bir nəfərdən isə Dubayda hotel biznesinə yatırım vədi ilə 41 min manat alaraq ələ keçirməsi də müəyyənləşdirilib.

Məhkəmə araşdırması zamanı N.Rəhimli bildirib ki, 2023-cü ildə vəfat edən atası zərərçəkmiş şəxslərin bəziləri ilə birgə iş görüb və aralarında pul məsələsi olub. O, ittihamların böyük hissəsini qəbul etməyib.

Nihadın anası isə ifadəsində qeyd edib ki, mərhum əri müəllim kimi işlədiyi məktəbdə iş yoldaşı Rəhilə Əliyeva ilə birgə iş görüb. O, ərinin Rəhilədən faizlə pul götürdüyünü və ona 300 min manata yaxın pul verdiyini deyib.

Həmçinin məlum olub ki, Nihadın atası həmin ərəfədə Dənizkənarı Milli Parkda, Saat qülləsinin yanında özünü dənizə ataraq intihar edibmiş.

Məhkəmə Nihadı Cinayət Məcəlləsinin 178.3.2-cü (külli miqdarda dələduzluq) maddəsi ilə təqsirli bilib. Ona 7 il həbs cəzası verilib.

Həmçinin Nihada qarşı mülki iddia da təmin edilib. Hökmdə ondan müəllimi olmuş Rəhilə Əliyevaya 313 min manat, digər 2 zərərçəkənə isə 46 min manat tutularaq ödəməsi yer alıb.