AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Deputat: Ermənistan Qərbi azərbaycanlıların qayıdış hüququnu tanımalı və təmin etməlidir


Tarix 05.07.25, 14:13	Font ölçüsü : - / +

"Qədim və əzəli Azərbaycan şəhəri Xankəndidə İqtisadi Əməkdaşlıq Təşkilatının (ECO) 17-ci Zirvə görüşünün keçirilməsi mühüm hadisə kimi tarixə düşdü. Zirvə görüşünün Xankəndidə baş tutması dərin mənəvi və siyasi anlam daşıyırdı. Bu, zaman-zaman çətin sınaqlardan çıxmış, tarix boyu öz milli maraqlarına sadiq qalmış Azərbaycan xalqının iradəsinin, dövləti və lideri ətrafında bir yumruq kimi birləşərək qazandığı böyük zəfərin diplomatik təntənəsi idi".

Musavat.com xəbər verir ki, bu fikirləri Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Səbinə Salmanova deyib.

Deputat bildirib ki, Prezident İlham Əliyev tədbirin açılış mərasiçində çox gözəl, məzmunlu və strateji baxımdan önəmli çıxış etdi: “Dövlət başçımızın açılış nitqindəki fikirləri təkcə Azərbaycanın regional güc kimi artan rolunun deyil, həm də beynəlxalq hüquqa, tarixi ədalətə və milli maraqlara əsaslanan ardıcıl siyasətinin aydın ifadəsi idi. Hesab edirəm ki, bu çıxış təkcə tədbir iştirakçılarına deyil, bütün dünyaya ünvanlanmış siyasi və mənəvi mesajlar toplusu oldu. Hər bir cümlə, hər bir vurğu düşünülmüş, ölçülmüş və diplomatik cəhətdən dəqiq hesablanmış idi”.

Onun sözlərinə görə, Azərbaycan bu gün böyük regional gücə çevrilib: “Ölkəmiz bu gün təkcə öz vətəndaşlarının yox, regionun təhlükəsizliyi və tərəqqisi üçün strateji layihələr həyata keçirir. COP29 kimi qlobal tədbirlərə ev sahibliyi etməsi, 12 ölkəyə təbii qaz ixrac etməsi və Zəngəzur dəhlizi kimi nəqliyyat təşəbbüsləri ölkəmizin dayanıqlı inkişaf və enerji təhlükəsizliyi üzrə qlobal aktor kimi qəbul edilməsinə şərait yaradır”.

Parlamentari qeyd edib ki, Prezident İlham Əliyev çıxışında 30 ilə yaxın davam edən işğalın nəticələrinə - etnik təmizləməyə, dini və tarixi abidələrin məhvinə, məscidlərin təhqirinə və 1 milyondan artıq mina ilə çirkləndirilmiş torpaqla bağlı məsələlərə də diqqət çəkib: “Ermənistanın bu əməlləri yalnız Azərbaycanın deyil, bütün bəşəri dəyərlərin və beynəlxalq hüququn pozulmasıdır. Bu gün Azərbaycan öz torpaqlarını azad etməklə yanaşı, ədalətin, insan hüquqlarının və beynəlxalq qanunların müdafiəçisi kimi çıxış edir”.

S.Salmanova onu da vurğulayıb ki, Prezident İlham Əliyev Zirvə görüşündəki çıxışında Qərbi Azərbaycan məsələsinə də geniş yer ayırdı: “Ölkə başçımızın çıxışında vurğulanan əsas məqamlardan biri də Qərbi Azərbaycanlıların tarixi torpaqlarına dinc yolla qayıtmaq hüququ oldu. Bu, yalnız milli maraqlar məsələsi deyil, həm də fundamental insan hüquqları baxımından beynəlxalq hüququn tələblərinə əsaslanan haqlı mövqedir. Qərbi Azərbaycanlılar əsrlərlə yaşadıqları dədə-baba torpaqlarından (indiki Ermənistan ərazisindən) mərhələli şəkildə deportasiya olunub, əmlakları talan edilib, məscid və qəbiristanlıqları dağıdılıb. Onların qayıdış hüququ, BMT-nin İnsan Hüquqları Bəyannaməsi, Vətəndaş və Siyasi Hüquqlar Haqqında Pakt və Avropa İnsan Hüquqları Konvensiyası kimi nüfuzlu beynəlxalq sənədlərlə qorunur. Artıq bu məsələ beynəlxalq platformalarda da ciddi şəkildə gündəmdədir. Belə ki, İslam Əməkdaşlıq Təşkilatının son iclasında qəbul olunmuş “İstanbul Bəyannaməsi” Qərbi azərbaycanlıların qayıdış hüququnu dəstəkləyən ilk rəsmi beynəlxalq sənədlərdən biri kimi tarixə düşdü. Bu sənəddə Ermənistan açıq şəkildə çağırılır ki, Qərbi azərbaycanlıların hüquqlarını tanısın və onların geri dönüşünü təmin etsin”.

Deputat söyləyib ki, Ermənistan beynəlxalq hüquqla üzərinə götürdüyü öhdəlikləri yerinə yetirməlidir: “İnsanların öz doğma torpaqlarına qayıtmaq hüququnun tanınmaması, yalnız humanitar dəyərlərə zidd deyil, həm də etnik təmizləmə ilə müşayiət olunan hüquq pozuntusudur. Ermənistan regionda sülh və əməkdaşlıq istəyirsə, ilk növbədə, Qərbi Azərbaycanlıların təhlükəsiz və hüquqi təminatlı şəkildə geri dönüşünə şərait yaratmalıdır. Azərbaycan isə bu qayıdışın yalnız hüquqi çərçivədə və dinc yolla baş verməsini dəstəkləyir. Dövlətin bu sahədə həyata keçirdiyi “Qayıdış Konsepsiyası” da məhz sülhə, dialoqa və beynəlxalq hüquqa əsaslanan bir yanaşmanı təcəssüm etdirir”.

Xəbərin oxunma sayı : 427