AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Analar gününü İzmirin Urla bölgəsində qeyd edin - Fotolar


Tarix 22.04.25, 13:14	Font ölçüsü : - / +

Analar Gününü bu il bir az fərqli şəkildə qeyd etmək istərdinizmi? Ananıza klassik hədiyyələr əvəzinə, birlikdə gözəl xatirələr yaradacağınız bir səyahət bəxş edə bilərsiniz. Bunun üçün ideal ünvan İzmirin sahilində yerləşən Urla qəsəbəsidir. Zeytun bağları, üzüm sahələri və meyvə bağları ilə əhatələnmiş bu sakit məkan may ayında həm hava, həm də ab-hava baxımından olduqca əlverişlidir.

Urla gözəlliyi və sakitliyi ilə seçilən, ilin dörd fəslində fərqli rənglərə bürünən bir bölgədir. Amma may ayında daş döşəməli küçələrində gəzmək, tarixi evlərin yanında dayanıb Egey memarlığına tamaşa etmək, butik otellərdə qalmaq və yerli mətbəxin dadına baxmaq xüsusilə xoş olur. Burada doğmalarla birlikdə üzüm bağlarını gəzə, Urlaya xas olan mastik ənginarını dada və təbiətlə iç-içə keyfiyyətli vaxt keçirə bilərsiniz.

Sakit sahil şəhərində rahat bir istirahət

Urla İzmirin mərkəzindən cəmi bir saatlıq məsafədə yerləşən, yüksək həyat keyfiyyəti və rahat yaşayış tərzi ilə tanınan bir qəsəbədir. Zeytun ağaclarının ətirli havası, yerli insanların səmimi münasibəti və dənizə açılan mənzərələri ilə burası həm istirahət, həm də sakitlik axtaranlar üçün uyğundur.

Qəsəbədə yerləşən butik otellər qonaqlarına həm komfort, həm də yerli mühitə uyğun sadəlik təqdim edir. Oteldən çıxdığınızda Malğaca Bazarı kimi yerli məhsullarla zəngin yerləri ziyarət edə, ya da Urla İncəsənət Küçəsində qədim evlərdə fəaliyyət göstərən kafe və dükanlarda vaxt keçirə bilərsiniz.

Urla həm də sahil xətləri ilə diqqət çəkir. 40 kilometrlik sahil boyunca bir sıra çimərliklər mövcuddur. Səhər tezdən mavi bayraqlı çimərliklərdə gəzmək və gün doğumunu izləmək bu səfəri daha da yaddaqalan edəcək. Egey dənizinin ilıq iqlimi imkan verir ki, gündüz saatlarında dənizə girəsiniz və ya sadəcə sahildə istirahət edəsiniz.

İsti iqlimi və bərəkətli torpaqları ilə tanınan Urla, eyni zamanda kulinariya baxımından da zəngin bir bölgədir. Egey mətbəxinin əsasını təşkil edən bu bölgə, zeytun yağı, təzə tərəvəzlər, dəniz məhsulları və yerli şərablarla tanınır. Buradakı ləzzətlər və qastronomik təcrübələr Analar Gününü daha da özəl və yadda qalan edə bilər.

Urla minilliklərdir üzümçülük bölgəsi kimi tanınır. Qəsəbənin mikroiqlimi burada üzüm yetişdirilməsi üçün əlverişlidir və bu da bölgəni qədim dövrlərdən bu yana bir şərab mərkəzinə çevirib. Urla Üzüm Bağları Marşrutu boyunca səyahət edərək, müxtəlif üzüm bağlarını gəzə, butik şərab zavodlarını ziyarət edə və yerli üzümlərdən hazırlanan müxtəlif şərabları dada bilərsiniz. Xüsusilə Bornova Misketi, Sultaniye və Boğazkere kimi yerli üzüm növlərindən hazırlanan şərablar ləzzətlidir. Hətta bir zamanlar unudulmuş Urla Karası, Foça Karası və Gaydura kimi yerli üzüm sortları da burada yenidən yetişdirilir. Bu isə hər qədəh şəraba həm tarix, həm də yerli kimlik qatır.

Şərab istehsalçıları bu gün də unudulmuş üzüm növlərini tapmaq, bərpa etmək və tanıtmaqla məşğuldurlar. Onların bu prosesi necə kəşf etdiklərini öz dillərindən eşitmək həm maraqlı, həm də yaddaqalan bir təcrübəyə çevrilir.

Kənddən süfrəyə – Urlanın müasir mətbəxi

Üzüm bağları marşrutu boyunca təkcə şərab zavodlarına deyil, həm də bölgənin məhsullarını istifadə edən yüksək səviyyəli restoranlara da rast gələcəksiniz. Bu restoranlarda fəaliyyət göstərən gənc aşpazlar Urlanın ənənəvi ləzzətlərinə müasir yanaşma gətirərək yerli məhsulları dadlı və fərqli yeməklərə çevirirlər.

Bu kulinariya bacarığı nəticəsində bəzi restoranlar layiqli şəkildə Michelin ulduzlarına layiq görülüb. Həmçinin Urla restoranlarının arasında Michelin Yaşıl Ulduz və somelye (şərab üzrə mütəxəssis) mükafatlı məkanlar da var. Bu restoranlarda siz və doğmalarınız bölgəyə xas olan mövsümi tərəvəzlər – məsələn, kəklikotu , arapsaçı otu və ən məşhuru mastik ənginarı – ilə hazırlanmış yeməklərin dadına baxa bilərsiniz. Yeməkləri isə keyfiyyətli yerli şərablarla müşayiət etmək bu təcrübəni tamamlayır.

Urla sadəcə bir səfər məkanı deyil – dad, qoxu və tarixin vəhdətində yaşanan əsl zövq məkanıdır. Analar Günündə belə bir təcrübə, ananıza verə biləcəyiniz ən incə və dəyərli hədiyyələrdən biri ola bilər.