AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Lənkəranda tanışını qətlə yetirən şəxs yenidən hakim qarşısında - Qətlin təfərrüatı


Tarix 25.11.23, 15:03	Font ölçüsü : - / +

Lənkəranda tanışını qətlə yetirməkdə təqsirli bilinən Hüseyn Nəzərlıi Ali Məhkəməyə müraciət edib.

"Ölkə.Az" xəbər verir ki, onun şikayətinə hakim Ələsgər Novruzovun sədrliyi ilə keçiriləcək məhkəmə prosesində baxılacaq.

İş üzrə məhkəmə baxış iclası gələn il fevralın 6-na təyin olunub.

Qeyd edə ki, Hüseyn Nəzərli Lənkəran şəhərində yerləşən avtomobil ehtiyat hissələri mağazasında satıcı vəzifəsində işləyərkən 29 aprel 2022-ci ildə, saat 16 radələrində əvvəlcədən tanıdığı Sakitin həmin mağazanın həyətində aparılan tikinti işlərində fəhlə kimi işlədiyi günə görə ondan zəhmət haqqını tələb edərkən kassada pul olmadığı üçün onunla aralarında mübahisə yaranıb.

Mübahisə zamanı Sakit yumruqla Hüseynin burun nahiyəsindən vurub.

Aralarında yaranmış münaqişəni sonlandırmaq məqsədilə Hüseyn mayın 6-da, saat 12 radələrində Sakit İbrahimzadə ilə Lənkəran şəhəri “Ləvəngi dairəsi” adlı yerdə görüşüb və taksi ilə Lənkəran çayının Lənkəran rayonu, Sütəmurdov kəndi ərazisindən keçən hissəsində, dəmiryolu körpüsünün altındakı yola gəliblər.

Daha sonra çayın kənarında yerləşən meşəlik əraziyə gediblər. Orada qeyd olunan məsləyə aydınlıq gətirmək üçün Hüseyn söhbət əsnasında ona qarşı etdiyi hərəkətə görə Sakit İbrahimzadənin ondan üzr istəməsini tələb edib.

Buna baxmayaraq Sakit ondan üzr istəməyib. Bununla bağlı şəxsi münasibətlər zəminində aralarında yaranmış mübahisə zamanı ondan qisas almaq niyyəti ilə əvvəlcədən üzərində götürdüyü bıçaqla Sakit İbrahimzadənin sol bud və sol qasıq nahiyələrinə qəsdən zərbələr endirib.

Hüseyn Nəzərli Sakit İbrahimzadənin qanitirməsinin çox olduğunu görüb və öləcəyindən qorxduğu üçün özünə məxsus mobil telefonla tanışlarına zəng edib, onları hadisə yerinə köməyə çağırıb. Sonuncuların və özünün köməyi ilə Sakit Lənkəran rayon mərkəzi xəstəxanasına çatdırılıb.

İxtisaslı tibbi yardım göstərilsə də Sakit İbrahimzadənin həyatını xilas etmək mümkün olmayıb.

Hadisəni törədən Hüseyn Nəzərlinin barəsində Cinayət Məcəlləsinin 126.3-cü (qəsdən sağlamlığa ağır zərərvurma, ehtiyatsızlıqdan zrərçəkmiş şəxsin ölümünə səbəb olma) maddəsi ilə ititham elan edilib.

Lənkəran Ağır Cinayətlər Məhkəməsinin hökmü ilə Hüseyn Nəzərli 9 il müddətinə azadlıqdan məhrum edilib.

Hökmdən narazı qalan zərərçəkmiş şəxsin hüquqi varisi tərəfindən apellyasiya şikayəti verilib.

Şikayətdə Lənkəran Ağır Cinayətlər Məhkəməsinin hökmünün ləğv edilməsini, Hüseyn Nəzərlinin əməlinin Cinayət Məcəlləsinin 120.1-ci (qəsdən adam öldürmə) maddəsinə tövsif edilməsinin, cəzasının ağırlaşdırılmasını istəyib.

Şikayət araşdırılması üçün Şirvan Apellyasiya Məhkəməsinə göndərilib.

Hakim Məhəmməd Bağırovun sədrliyi ilə baş tutan iclasda apellyasiya şikayətinin dəlilləri araşdırılıb, sonda qərar elan edilib.

Qərara görə, zərərçəkmiş şəxsin hüquqi varisi tərəfindən verilən şikayət təmin edilməyib.

Xəbərin oxunma sayı : 979