AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Burada nəfəs almaq belə təhlükəlidir - Dünyanın ən çirkli paytaxtı


Tarix 02.04.26, 11:04	Font ölçüsü : - / +

Hindistanın paytaxtı Yeni Dehli ardıcıl səkkizinci ildir ki, dünyanın ən çirkli paytaxtı olaraq qalır.

“Qafqazinfo” xəbər verir ki, bu, İsveçrənin hava monitorinqi agentliyi olan “IQAir” tərəfindən açıqlanan 2025-ci il Dünya Hava Keyfiyyəti Hesabatında əksini tapıb.

Qeyd olunur ki, şəhərdə illik orta PM2.5 səviyyəsi 82,2 µq/m³ təşkil edib. Bu göstərici Ümumdünya Səhiyyə Təşkilatı tərəfindən müəyyən edilmiş 5 µq/m³ təhlükəsiz limitdən dəfələrlə yüksəkdir. PM2.5 diametri 2,5 mikrometrdən kiçik olan hissəciklərdir və tənəffüs yolu ilə ağciyərlərə daxil olaraq uzunmüddətli sağlamlıq problemlərinə səbəb ola bilir.

Araşdırmaya əsasən, qlobal miqyasda cəmi 13 ölkə və region bu təhlükəsiz həddə uyğun göstəricilərə malikdir. Təxminən 10 min şəhəri əhatə edən qiymətləndirmədə onların yalnız 14 faizinin təhlükəsiz səviyyədə olduğu bildirilir.

Hesabatda həmçinin vurğulanır ki, hava çirklənməsinin ən yüksək olduğu bölgələrdən biri Mərkəzi və Cənubi Asiyadır. Belə ki, Banqladeşin paytaxtı Dəkkə 68,0 µq/m³, Tacikistanın paytaxtı Düşənbə 57,3 µq/m³, Çadın paytaxtı Ncamena isə 53,6 µq/m³ göstərici ilə ən çirkli şəhərlər sırasındadır.

Ən təmiz hava keyfiyyətinə malik paytaxtlar sırasında Fransız Polineziyasının paytaxtı Papeete 1,5 µq/m³ ilə ilk yerdə qərarlaşıb. Puerto Rikonun paytaxtı San Juan 2,3 µq/m³, Barbadosun paytaxtı Brayttaun isə 2,6 µq/m³ göstərici ilə siyahıda ön sıralarda yer alır.

Bildirilir ki, hava çirklənməsinin əsas səbəbləri sırasında qalıq yanacaq istifadəsi, sənaye fəaliyyəti, nəqliyyat və enerji istehsalı dayanır. Bundan əlavə, məişət isitmə sistemləri, kənd təsərrüfatında yandırma prosesləri və keyfiyyətsiz yanacaq istifadəsi də çirklənməni artıran amillər sırasındadır.

Hesabatda qeyd edilir ki, 2025-ci ildə xüsusilə Kanada və Avropada baş verən genişmiqyaslı meşə yanğınları atmosferə böyük miqdarda zərərli hissəciklər yayaraq, qlobal hava keyfiyyətinə mənfi təsir göstərib. Eyni zamanda, süni intellekt məlumat mərkəzlərinin artan enerji tələbatı və dizel generatorlarının istifadəsi də yeni çirklənmə mənbələri kimi qiymətləndirilir.

Xəbərin oxunma sayı : 205