AzFakt.com xəbər verir ki, araşdırmaçı jurnalist Cavanşir Həsənli son “feysbuk” paylaşımlarında Təhməzlinin tikinti biznesilə bağlı maraqlı faktlar dərc edib: “Təhməzlilər Bakının mərkəzində, Keykab Səfərəliyeva küçəsi 12-də 15 mərtəbəli bina tikirlər. Adı “MURAD RESİDENCE”dir. Yəni, Murad Təhməzli Residense!

Cavidan İmanov professor Nazim İmanovun (vaxtilə AMİP-in rəhbərliyində təmsil olunurdu, hazırda isə İqtisadiyyat İnstitutunun direktorudur-red.) oğludur. Qoşqar Təhməzli vəzifəyə təyin olunanda Slovakiya, və Ukraynadakı şirkətlərini onun adına keçirib. Təhməzlilərə məxsus, Cavidan İmanovun qanuni təmsilçisi olduğu "LİMAN QRUP" isə tender şirkəti kimi fəaliyyət göstərib və müxtəlif dövlət qurumlarından sifarişlər alıb.

Mən o vaxt Qida Təhlükəsizliyi Agentliyinin sədri Qoşqar Təhməzlinin biznesindən yazanda bəzi dostlar ağız büzdülər ki, onun biznesi əvvəldən var, bunda nə qəbahət?!

Hörmətli Sabir Rüstəmxanlı Milli Məclisdəki çıxışında Təhməzlinin təkzibini konkret olaraq onun başına vurur. Təhməzlinin idarəsinin təkzib bəyanatının ardınca polis Masazırda spirtli içki hazırlayan dəstəni ələ keçirir.

Təhməzli üçün ölkənin qida təhlükəsizliyi də hamam xalatı, otel sabunu kimi şeydir, mahiyyəti biznesdir. Hər nə qədər orda-burdakı biznesini qardaşının kürəkəninin adına ört-gizlət eləsə də vəzifə beşmərtəbəli biznesin altıncı mərtəbəsi olaraq qalacaq”.