APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2021-ci il dövlət büdcəsinin icrası haqqında” qanun layihəsinin müzakirəsi zamanı Hesablama Palatasının sədri Vüqar Gülməmmədov deyib.

Palata sədri bildirib ki, 2021-ci ildə neft sektoru üzrə büdcə ödənişləri proqnozla yanaşı həm də 2019-2020-ci illərlə müqayisədə azalıb: “Xərclərlə bağlı əsas məqamlara keçməzdən əvvəl qeyd etmək istərdim ki, son 6 ildə olduğu kimi, 2021-ci il dövlət büdcəsinin icrasına dair Rəydə də Hesablama Palatası tərəfindən dövlət büdcəsi vəsaitlərinin icraçısı olan qurumların vəsaitlərin istifadəsi ilə bağlı təqdim etdiyi hesabatların təhlilinin nəticələrindən də istifadə edilib, 131 qurum üzrə 18,9 mlrd. manatı əhatə edən və vəsaitlərin icrasını təsdiq edən xəzinə üzləşmə aktları və digər sənədlər (qurumlar tərəfindən təqdim edilən bank hesablarından çıxarış, arayış və s.) nəzərdən keçirilmişdir ki, bu da icra edilmiş dövlət büdcəsi xərclərinin 69,3%-ni təşkil edir. Ümumilikdə vurğulanmalıdır ki, dövlət büdcəsinin icrası prosesində xərclərin ümumi məbləği daxilində dəyişikliklər edilsə də, dəyişikliklərin ümumi məbləği əvvəlki illə müqayisədə azalmış, aparılan dəyişikliklər zamanı “Büdcə sistemi haqqında” Azərbaycan Respublikası Qanununun 18.4-cü və 19.6-cı maddəsinə istinad edilib. Büdcənin icrası prosesində yerdəyişmələrlə yanaşı, bəzi xərclərin bölgüsünün il ərzində həyata keçirilməsi də çevik idarəetmənin təmin olunmasına xidmət etməklə xərclərin icra səviyyəsinin yüksək olmasına şərait yaradır. Lakin bölüşdürülməmiş xərclərin il ərzində müxtəlif istiqamətlərə, bəzi hallarda təyinatından fərqli istiqamətlərə yönəldilməsi qanunvericilikdə həmin xərclərin məbləğinə dair hədlərin və istifadə istiqamətlərinin müəyyənləşdirilməsi bağlı dəyişiklikləri zəruri edir ki, biz bu barədə də tövsiyələrimizi Rəydə əks etdirmişik”.

Ətraflı