AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Nazirlikdə 64-ü rəhbər vəzifələrdə olmaqla 4134 qadın əməkdaş xidmət edir“ - General


Tarix 04.03.26, 16:30	Font ölçüsü : - / +

"Gender bərabərliyi prinsipləri daxili işlər orqanlarında da sistemli şəkildə tətbiq edilir. Xidmətə qəbulda, vəzifədə irəli çəkilmədə, peşə hazırlığı prosesində cinsindən asılı olmayaraq bərabər yanaşma təmin olunur".

AzFakt.com xəbər verir ki, bunu Milli Məclisin Ailə, qadın və uşaq məsələləri komitəsində keçirilən ictimai dinləmədə çıxışı zamanı daxili işlər nazirinin müavini, polis general-leytenantı İsmət Əliyev deyib.

Nazir müavini bildirib ki, gender bərabərliyi sahəsində fəaliyyətin həyata keçirilməsi üçün 2001-ci ildən Nazirliyin Şəxsi Heyətlə İş İdarəsi rəisinin qadın (qız) məsələləri üzrə köməkçisi vəzifəsi təsis edilib.

General qeyd edib ki, qadınların daxili işlər orqanlarında təmsilçiliyində son illər müşahidə olunan artım, yəni, qadın əməkdaşların xüsusi çəkisinin yüksəlməsi instutisional mühitin inklüzivliyini göstərir:

"Hazırda nazirlikdə 64-ü rəhbər vəzifələrdə olmaqla 4134 qadın əməkdaş xidmət edir ki, bu da şəxsi heyətin ümumi sayının təxminən 12 faizidir. Bütün bunlarla yanaşı digər dövlət qurumları ilə koordinasiyalı fəaliyyət nəticəsində ötən il ailə münaqişəsi zəmnində qadınlara qarşı törədilən cinayətlərin sayında azalma müşahidə olunub. Belə ki, qeydə alınmış ümumi cinayətlərin yalnız 8,2 faizi qadınlara qarşı zorakılıq faktlarını təşkil edilib. Məişət zorakılığı ilə bağlı qeydə alınmış 1396 cinayət işi üzrə 1413 zərərçəkmiş şəxs müəyyən edilib. Məişət zorakılığı zəminində törədilən cinayətlərdən 1202-si qəsdən sağlamlığa yüngül zərər vurma, 64-ü qəsdən sağlamlığa az ağır zərər vurma, 53-ü qəsdən adam öldürmə, 30-u qəsdən sağlamlığa ağır zərər vurma, 20-si adam öldürməyə cəhd, 6-sı əzab vermə, hərəsi bir fakt olmaqla öldürməklə və ya sağlamlığa ağır zərər vurmaqla hədələmə və qanunsuz azadlıqdan məhrumetmə, 19-u isə digər növlərdən olub. Bu gün Azərbaycanda hər 100 min qadına nisbətdə məişət zorakılığı cinayətlərinin sayı 46 fakt təşkil edir. Bu da Avropa dövlətlərindən - İsveçdə 200, Finlandiyada 150, Fransada 110, Niderlandda 100, Almaniyada 90, İspaniyada isə 60 faktdır.

2025-ci ildə həyata keçirilmiş qabaqlayıcı tədbirlərlə 90 erkən evliliyə cəhd faktı müəyyən edilmiş, 28 nəfər cinayət məsuliyyətinə cəlb olunmuş, 5 valideyn və 41 aidiyyəti şəxs barəsində inzibati tənbeh tədbiri görülmüş, daha 57 şəxslə profilaktik iş aparılıb. Həmçinin, 15 qız qaçırma faktı üzrə Cinayət Məcəlləsinin "adam oğurluğu” maddəsi ilə cinayət işi başlanılaraq 32 şəxs barəsində müvafiq məsuliyyət tədbirləri görülüb. Bərabərlik hüququnu pozma ilə bağlı heç bir cinayət baş verməyib. Məişət zəminində iqtisadi xarakterli qanunsuz məhdudiyyətlərin tətbiqi ilə bağlı 2, məişət zəminində psixi zorakılıqla bağlı isə 4 inzibati xəta qeydə alınıb".

Xəbərin oxunma sayı : 829