AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

ABŞ həbsxanasında vəziyyət qarışdı - Rusiyalılar aclıq elan etdi


Tarix 07.10.26, 11:38	Font ölçüsü : - / +

ABŞ-nin Corciya ştatındakı miqrasiya həbsxanasında saxlanılan rusiyalılar və digər ölkələrin vətəndaşları şəraitə etiraz olaraq yeməkdən imtina ediblər. Etiraz aksiyasına qoşulmağa hazırlaşan bir neçə rusiyalının isə karserə salındığı bildirilir.

Musavat.com “Agentstvo” nəşrinə istinadən xəbər verir ki, hadisələr Folkston D. Ray James miqrasiya mərkəzində baş verir.

Mərkəzdə saxlanılan Andrey Mixaylovun həyat yoldaşı Kseniya Volkova baş verənləri aclıq aksiyası adlandırıb. Onun sözlərinə görə, aksiyaya təxminən 10 rusiyalı, eləcə də Latın Amerikası və digər ölkələrdən olan məhbuslar qoşulublar.

Lakin etirazın miqyası ilə bağlı daha böyük rəqəmlər də səsləndirilir. Mərkəzdəki vəziyyətlə tanış mənbə əvvəlcə 50–60 nəfərin aclıq aksiyasına qoşulmağa hazırlaşdığını bildirib.

Saxlanılan Aleksandr Borovkovun həyat yoldaşı İnna Sobolevskaya isə məhbusların yaxınlarının yazışmalarına istinadən bildirib ki, L blokunda saxlanılanların hamısı yeməyə çıxmayıb, daha sonra başqa məhbuslar da onlara qoşulublar. Onun məlumatına görə, ümumilikdə 300-ə yaxın insan yeməkdən imtina etmiş ola bilər. Dəqiq rəqəmi müəyyənləşdirmək mümkün deyil, çünki hazırda saxlanılanlarla əlaqə çətinləşib.

Andrey Mixaylov oktyabrın 6-da mərkəzin daxili müraciət sistemi vasitəsilə administrasiyanı aclıq aksiyasına qoşulduğu barədə rəsmən məlumatlandırıb.

O, etirazının dinc xarakter daşıdığını bildirib və səbəblər sırasında normal tibbi və psixoloji yardımın olmamasını, keyfiyyətsiz qidalanmanı, daimi yuxusuzluğu və ailəsini görə bilməməsini göstərib.

Mixaylovun sözlərinə görə, heç bir məhkumluğu və qanun pozuntusu olmadığı halda səkkiz aydan artıqdır həbsdə saxlanılır.

“Müraciətlərimə məhəl qoyulmur. Bu aclıq aksiyası həmin pozuntulara etiraz etmək və ədalətli münasibət tələb etmək üçün yeganə vasitəmdir”, – o bildirib.

Etiraz ərəfəsində bir neçə rusiyalının karserə göndərildiyi də bildirilir. Polina Gerdyukova “Agentstvo”ya həyat yoldaşı Andrey Gerdyukov da daxil olmaqla dörd nəfərin karserə salındığını deyib.

Kseniya Volkovanın məlumatına görə isə oktyabrın 6-sı səhər saatlarına olan məlumata əsasən, kollektiv şikayəti imzalayan beş rusdilli məhbusun karserə yerləşdirildiyi təsdiqlənib.

Karserə göndərilənlər arasında kollektiv şikayətin hazırlanmasında Aleksandr Borovkovla birlikdə iştirak edən Aleksey Kovalkonun da olduğu bildirilir.

Mərkəzdəki vəziyyətlə tanış mənbə maraqlı bir detalı da açıqlayıb: karserə salınan şəxslər həmin anda hələ aclıq aksiyasına başlamamışdılar, yalnız aksiyaya qoşulmaq niyyətlərini bildirmişdilər. Mənbəyə görə, oktyabrın 5-də digər məhbusların kütləvi şəkildə axşam yeməyindən imtina etməsinə məhz onların karserə salınması səbəb olub.

Bundan əvvəl Folkstonda saxlanılan 14 rusiyalı kollektiv şikayət hazırlayıb. Onlar tibbi xidmətin keyfiyyətindən, qidalanmadan, saxlanma şəraitindən və uzun müddət azadlıqdan məhrum edilmələrindən şikayət ediblər. Məhbusların yaxınları ABŞ hakimiyyət orqanlarına və hüquq müdafiə təşkilatlarına da müraciət ediblər.

Kollektiv şikayətdə ən qalmaqallı məqamlardan biri isə həbsxana rəhbərinin ksenofob ifadə işlətməsi barədə iddiadır. Rusiyalıların sözlərinə görə, müəssisə rəhbəri onlara belə deyib:

“Narahat olmayın, sizi öz rahat QULAQ-ınıza göndərəcəyik”.

Xəbərin oxunma sayı : 565