AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Dünyanın ən böyük valyuta ehtiyatlarına malik 15 ölkəsi - Siyahı


Tarix 06.07.26, 13:39	Font ölçüsü : - / +

Beynəlxalq Valyuta Fondunun (BVF) 2025-ci ilin ortalarından 2026-cı ilin ikinci rübünədək olan son göstəricilərinə əsasən, dünyanın ən böyük valyuta ehtiyatlarına (qızıl ehtiyatları istisna olmaqla) malik ölkələrinin siyahısı açıqlanıb.

Yeniavaz.com xəbər verir ki, reytinqə 3,41 trilyon dollar həcmində valyuta ehtiyatı ilə Çin başçılıq edir. İlk üçlükdə, həmçinin Yaponiya (1,259 trilyon dollar) və İsveçrə (932,3 milyard dollar) yer alıb.

İlk onluqda Tayvan, Hindistan, Səudiyyə Ərəbistanı, Honq Konq, Rusiya, Cənubi Koreya və Sinqapur da qərarlaşıb.

Ən böyük valyuta ehtiyatlarına malik 15 ölkə aşağıdakı kimi olub:

Çin – 3 410,5 milyard dollar;

Yaponiya – 1 259,2 milyard dollar;

İsveçrə – 932,3 milyard dollar;

Tayvan – 602,5 milyard dollar;

Hindistan – 543,0 milyard dollar;

Səudiyyə Ərəbistanı – 458,6 milyard dollar;

Honq Konq – 442,1 milyard dollar;

Rusiya – 434,5 milyard dollar;

Cənubi Koreya – 423,1 milyard dollar;

Sinqapur – 419,3 milyard dollar;

Braziliya – 344,2 milyard dollar;

Birləşmiş Ərəb Əmirlikləri – 251,4 milyard dollar;

Amerika Birləşmiş Ştatları – 244,6 milyard dollar;

Tayland – 237,1 milyard dollar;

Meksika – 236,2 milyard dollar.

Məlumatlar göstərir ki, dünyanın ən böyük valyuta ehtiyatlarına malik 15 ölkəsindən səkkizi Asiyada yerləşir. Ekspertlər bunu regionun uzun illər ixracyönümlü iqtisadi inkişaf modeli, davamlı ticarət profisiti və maliyyə sabitliyinin qorunmasına yönəlmiş siyasəti ilə əlaqələndirirlər. Hazırda qlobal valyuta ehtiyatlarının təxminən üçdə ikisi Asiya ölkələrinin payına düşür.

Reytinqdə diqqət çəkən məqamlardan biri ABŞ-nin yalnız 13-cü yerdə qərarlaşmasıdır. Dünyanın ən böyük iqtisadiyyatı olmasına baxmayaraq, ABŞ-nin xarici valyuta ehtiyatlarının nisbətən az olması dolların beynəlxalq maliyyə sistemində əsas ehtiyat valyutası kimi xüsusi statusu ilə izah olunur. ABŞ qlobal ticarətdə və beynəlxalq ödənişlərdə dolların dominant mövqeyi sayəsində böyük həcmdə xarici valyuta ehtiyatı saxlamağa ehtiyac duymur.

Analitiklər bildirirlər ki, hazırkı ehtiyatların formalaşmasında əsas dönüş nöqtəsi 1997-ci il Asiya maliyyə böhranı olub. Həmin böhran xarici kapitaldan yüksək asılılığın risklərini üzə çıxardıqdan sonra bir çox ölkə gələcək iqtisadi şoklara qarşı özünü sığortalamaq məqsədilə iri valyuta ehtiyatları toplamağa başlayıb.

Xəbərin oxunma sayı : 376