AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Lavrov BMT iclasını niyə tərk etdi? - BMT-də ABŞ-Rusiya “atışması“...


Tarix 23.09.22, 16:33	Font ölçüsü : - / +

BMT Təhlükəsizlik Şurasında Ukraynada yaranmış vəziyyətə həsr olunmuş iclasda çıxış edən ABŞ dövlət katibi Entoni Blinken üzv ölkələri nüvə hədələrinin yolverilməzliyi barədə Moskvaya aydın siqnal verməyə çağırıb.

Təhlükəzizlik Şurasının sentyabrın 22-də keçirilən iclasında Blinken və başqa Qərb diplomatları ilə yanaşı Ukraynanın xarici işlər naziri Dmitro Kuleba, habelə Rusiya xarici işlər naziri Sergey Lavrov da iştirak edirlər.

Blinken çıxışında vurğulayıb ki, TŞ üzvləri Ukraynaya müdaxiləyə əmr vermiş və bu ölkənin işğal olunmuş ərazilərinin qəsbinə çalışan Rusiya prezidenti Vladimir Putinə qarşı çıxmalıdırlar. O bilirib ki, Putinin bu hərəkətləri mövcud dünya nizamı prinsipinə təhlükə yaradır.

Blinken əlavə edib ki, ABŞ, habelə Ukraynanın ərazi bütövlüyü və suverenliyini dəstəkləyən beynəlxalq birlik məhz bu dünya nizamının müdafiəsi üçün səy göstərirlər: "Əgər biz Kremlin kobud surətdə pozduğu bu prinsipi müdafiə edə bilməsək, onda bütün təcavüzkarlara siqnal verərik ki, onlar da bu prinsipə məhəl qoymaya bilərlər. Beləliklə biz hər bir ölkəni təhlükə qarşısında qoyarıq”.

Dövlət katibinin fikrincə, Putin qəddarlıqla minlərlə ukraynalını didərgin salır və avtobuslarla Rusiya vətəndaşlarını gətirir ki, Ukrayna ərazilərinin ilhaqı üçün səsvermənin nəticələrini manipulyasiya etsin.

Bundan əvvəl ABŞ, Qərb və Avropa İttifaqı bildirmişdi ki, Ukraynada Rusiyanın təyin etdiyi administrasiyaların keçirdiyi referendumların nəticələrini tanımayacaq.

BMT TŞ-nin iclasında çıxış edən Sergey Lavrov Ukraynada baş verənləri “cəzasızlıq” adlandırıb. O deyib ki, bu cəzasızlıq 2014-vü ildən davam edir.

Lavrov çıxışında Ukraynaya dəstək verən Qərb ölkələrini döyüş əməliyyatlarını maksimum uzatmaq və Rusiyanı üzmək və zəiflətmək cəhdində ittiham edib. O bildirib ki, “kollektiv Qərb” artıq Ukraynadakı münaqişənin tərəfinə çevrilib.

Ukraynanın Donbass bölgəsində çoxlu hərbi cinayətlərinin qeydə alındığını deyən XİN başçısı əllərində sübutlar olduğunu açıqlayıb: "2014-cü ildən bəri Kiyev rejiminin müntəzəm olaraq törətdiyi cinayət əməllərinə dair əlimizdə çoxlu sübutlar var. Rusiya hüquq-mühafizə orqanları Donetsk və Luqanskdan olan həmkarları ilə işləyir. Onlar birlikdə və diqqətlə hər şeyi araşdırır”.

Çıxışı boyu Ukraynaya qarşı ittihamlarını davam etdirən Lavrov deyib: "Ukraynanın beynəlxalq humanitar hüquq normalarının pozulduğu totalitar bir dövlətə çevrildiyinə heç bir şübhəmiz yoxdur".

Donetsk, Luqansk, Xerson və Zaporojye vilayətlərinin Rusiya ərazisinə qoşulmaq üçün keçirdikləri referendumun bölgə sakinlərinin iradəsinə əsaslandığını izah edən rusiyalı nazir xalqın bu qərarla Zelenskiyə cavab verdiyini bildirib.

Lavrov iddia edib ki, Ukrayna və onun müttəfiqləri “Rusiya ilə bağlı dünyaya tamamilə fərqli rəvayətlər təqdim etməyə” çalışırlar.

Lavrov habelə Beynəlxalq Ədalət Məhkəməsinə inamsızlıq ifadə edib:"Biz səkkiz il müddətində Ukraynada cəzasızlıqla mübarizənin başlayacağını gözləmişik. Biz daha ədalətə ümid bəsləmirik. Gözləmə vaxtı başa çatıb”.

Rusiyanın XİN başçısı Ukrayna və onun qərb müttəfiqlərinin Donbassda “cəzasız qaldığını” dedikdən sonra BMT Təhlükəsizlik Şurasının iclasını tərk edib.

Qeyd edək ki, bu, Lavrovun mühüm görüşü ilk dəfə tərk etməsi halı deyil. Rusiyalı nazir müharibə başlayandan bəri qatıldığı bir çox beynəlxalq görüşlərdə mübahisə edərək zalı tərk edib.

Lavrovdan sonra şura iclasında çıxış edən Böyük Britaniyanın xarici işlər naziri Ceyms Kleverli bildirib ki, ölkəsi Ukraynanı sona qədər dəstəkləyəcək.

Britaniyalı nazir rusiyalı həmkarı haqqında bunları söyləyib: “Onun otağı tərk etməsinə təəccüblənmədim. Düşünürəm ki, cənab Lavrov bu şuranın kollektiv qınağını eşitmək istəmir”.

"AzPolitika.info"

Xəbərin oxunma sayı : 499