AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Bakıda tikiləcək yeni metrostansiyaların ünvanı bilindi - VİDEO


Tarix 07.12.22, 15:46	Font ölçüsü : - / +

Çoxumuz mənzil başına daha rahat, sürətli çatmaq üçün metrodan istifadə edirik. Amma şəhərin daha çox insan axını olan, tələbatın çox olduğu bəzi yerlərdə metro stansiyası yoxdur. Məsələn, uzun müddətdir ki, Hava limanına, Sumqayıt şəhərinə, Binəqədiyə metro xəttinin çəkiləcəyi ilə bağlı xəbərlər eşidirik. Həmin ərazilərdə yaşayan vətəndaşlar da metronun açılmasını səbirsizliklə gözləyirlər.

Bəs yaxın gələcəkdə hansı ərazilərə metro çəkiləcək?

AzFakt.com-un məlumatına görə, “Bakı Metropoliteni”nin mətbuat xidmətinin rəhbəri Bəxtiyar Məmmədov apa tv-ə açıqlamasında bildirib ki, Bakının Hava Limanı o qədər də böyük infrastruktura malik deyil, hətta yerüstü ictimai nəqliyyat da onun tələbatını ödəyə bilir:

“Amma həmin ərazidə yaşayış , infrastuktur və digər məsələləri nəzərə alsaq bu artıq Bakının inkişafına aid olan məsələlərdir. Bu barədə artıq gələcəkdə qərarlar verilə bilər. Binəqədi isə Bakı Metropoliteninin konseptual inkişaf sxemində nəzərdə tutulub. Sarı xəttin bir istiqamətdən başlanğıcı məhz Binəqədidən başlayacaq . Zərurət yaranarsa gələcəkdə depo ərazisində bir yerüstü stansiyanın da inşa olunması da nəzərdə tutulur.

- Gələcək deyərkən, təxminən neçə ilə

- Gələcək haqqında bu gün danışmaq çox tezdir.

Bu gün konkret olaraq Metropolitenin konseptial inkişaf sxemində də nəzərdə tutulmuş istiqamətlərdə də nə Sumqayıt nə də Xırdalan var”.

Bəxtiyar Məmmədovun sözlərinə görə, bu ilin sonuna qədər Xocahəsən elektrik deposu və onun yanında yerüstü stansiya tam hazır olacaq: “Bu gün xətlərin ayrılmasının tərkib hissəsi kimi ilk növbədə həmin istiqamət üzrə 2 stansiyanın inşası aktualdır. Həmin ərazilər 20 nömrəli məktəbin yanında yəni FHN –nin binasının önündə keçmiş Əzizbəyov heykəli olan parkın yanında ,ikincisi Nəbatat bağı tərəfdə olan yanacaqdoldurma məntəqəsi də var, həmin ərazidə, növbəti stansiyalar Badamdara doğru davam edəcək. Əks istiqamətdə isə Həzi Aslanov stansiyasından sonrakı iki stansiya inşa olunmalıdır. Onun biri təxminən Gəncə prospektinə digəri isə Naxçıvanski adına hərbi liseyin yaxınlığında olacaq. Bu ilin sonuna qədər artıq Xocasən elektrik deposu və onun yanında bir yerüstü stansiya tam hazır olacaq”.

Belə aydın oldu ki, Binəqədi, Xırdalan, Masazır və Sumqayıta metronun çəkilməsi hələlik suya yazı yazmaq kimi mümkünsüzdür. Nəqliyyat eksperti Ərşad Hüseynov isə deyir ki, Şimal-qərb istiqamətində metro xətlərinin çəkilməsi daha məqsədəuyğundur: “Xırdalan istiqamətində, Şimal-qərb istiqamətində metronun genişləndirilməsinə daha çox ehtiyac var. Daha sonra Binəqədi, Mediabad istiqamətində, Bakıxanov, Sabunçu, Mərdəkana qədər metronun uzadılmasına ehtiyac var. Əhmədli zonasında Zığ, Hövsan ,Qaraçuxur istiqamətlərində metro yaradılmalıdır. Sumqayıtda da metropoliten açılıb adı dəyişilsə,Abşeron metrosu qoyulsa daha məqsədəuyğun olar”.

Ancaq görünən budur ki, sözügedən ərazilərdə yaşayan insanlar hələ qatarın dalınca çox baxmalı olacaqlar. Çünki “Bakı Metropoliteni”ndə bu ərazilərə xətlərin çəkilməsi ilə bağlı nə bir fikir, nə də plan var.