AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Özəl bağçaların fantastik qiymətləri – 7 min manata nələr öyrədilir?


Tarix 14.08.24, 12:10	Font ölçüsü : - / +

Hazırda ölkəmizdə dövlət bağçaları ilə yanaşı, özəl bağçalar da fəaliyyət göstərir. Sosial şəbəkələrdə yayılan bəzi videolardan, uşaqlara qarşı şiddət görüntülərindən sonra valideynlərin demək olar ki, çoxu özəl bağçalara üstünlük verir. Bu bağçalarda qidalanmanın, məşğələlərin, uşaqlarla rəftarın daha yaxşı olduğunu düşünürlər.

Bəs özəl bağçalarda qiymətlər necədir? Uşaqlara nələr öyrədilir?

Bakupost.az bununla bağlı araşdırma aparıb.

Məlum olub ki, özəl bağçalarda qiymətlər 200 manatdan başlayır və 7 000 manata kimi qalxır. Hətta övladlarınızı nəinki aylıq, həmçinin gündəlik bağçalara da qoya bilərsiniz.

“Yaşıl ada” uşaq bağçasında Azərbaycan, rus və ingilis bölməsi üzrə qruplar var. Qiymətlər 800-850-900 manatdır. Bağça 08:00-dan 18:00-dək fəaliyyət göstərir. Bu məbləğə 5 dəfə qidalanma daxildir.

“NeoKids Trilingual Preschool”a 5 yaşa qədər uşaqlar 800 manat, 5-6 yaşlı uşaqlar isə 850 manata qəbul olunur. Buraya 5 dəfə qidalanma daxildir. Bağça 08:00-dan 18:00-dək açıqdır. Gecikən valideynləri 18:30-dək gözləyirlər.

“LANDAU Preschool / Kindergarten”da tədris ingilis dilindədir. 5 dəfə yemək verilir. Aylıq qiyməti isə 700 manatdır. Azyaşlılar üçün müxtəlif oyunlar təşkil edilir. 5-6 yaş uşaqlar “LANDAU Sea Breeze Campus”da təhsil alırlar. Məktəbəqədər uşaqların bütöv gün ingilis dilində təhsili 6800 manatdır. Ödəniş yarım gün, yəni 09:00-13:00-dək 6100 manatdır. Bu yaş qrupunda olan uşaqlara müxtəlif maraqlı məşğələlər (elmin əsasları, rəsm, rəqs və s.) təşkil olunur.

“Kaspi Kids” uşaq bağçasında Azərbaycan qrupuna qəbul 450, rus qruplarına isə 500 manatdır. 08:00-dan 18:00-dək açıq olan bağçada 4 dəfə yemək verilir. İngilisdilli qruplar isə yalnız Beynəlxalq korpusda, Xətaidə təhsil alırlar. İngilis qruplarında uşağın yaşından asılı olaraq ödəniş illikdir. Məsələn, 3 yaşlı uşaqlar üçün 7500, 5-6 yaşlılar üçün isə 8 000 manatdır.

“Happy Babies” uşaq bağçasına uşaq qoymaq valideynlərə Azərbaycan bölməsi üçün 450, rus bölməsi üçün isə 550 manata başa gəlir. Bağça 08:00-dan 18:00-dək açıqdır. Yaşa görə, həyətində 2 korpus var. Qiymətə rəqs, rəsm, ingilis dili, şahmat kimi məşğələlər daxildir.

"Magic Castle" uşaq bağçasında Azərbaycan qrupu 250, rus 400, ingilis qrupu isə 450 manatdır. Bağça 08:00-dan 18:30-dək fəaliyyət göstərir. Uşaqlara 3 dəfə yemək verilir. Məntiq, riyazi biliklər, musiqi, rəqs, gimnastika, ingilis dili, şahmat, hovuza üzmək kimi məşğələlər keçirilir.

“KinderVilla” uşaq bağçası 08:00-dan 18:30-dək fəaliyyət göstərir. Rus bölməsi üzrə bağçanın qiyməti 500 manatdır. Rəqs, ingilis dili, rəsm kimi məşğələlər keçirilir. Bayram günləri də işləyirlər. Bağça qiymətinə 5 dəfə qidalanma daxildir.

“Sladkiy kolobok” uşaq bağçası da 08:00-dan 18:00-dək fəaliyyət göstərir. Qiymət isə 250 manatdır. Buraya 5 dəfə qidalanma, həmçinin rəqs, ingilis dili kimi məşğələlər daxildir.

“Evim” uşaq bağçasında da Azərbaycan, rus və ingilis bölmələri olur. Qiymətlər Azərbaycan və rus qruplarında 200, ingilis qrupunda 250 manatdır. Bu, hazırda bağçanın endirimli qiymətləridir. Sentyabrdan isə 250-300 manat olacaq. “Evim”də 25 dərslik müxtəlif məşğələlər həyata keçirilir. Rəsm, şahmat, maraqlı layihələr və s. Bağça 08:00-dan 18:00-dək açıqdır. Əlavə saatlar ödənişlidir.

Xəbərin oxunma sayı : 640