AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

İşçilərin maaşını aylarla gecikdirən direktor həbs olundu - Məhkəmə zalında


Tarix 13.05.25, 16:37	Font ölçüsü : - / +

Bakı Ağır Cinayətlər Məhkəməsində Nizami rayon Dövlət Sığorta Agentliyinin sabiq direktoru Elmar Vaqif oğlu Qasımovun cinayət işi üzrə məhkəmə prosesi yekunlaşıb.

Musavat.com xəbər verir ki, hakim Rasim Sadıxovun sədrliyi ilə keçirilən prosesdə hökm oxunub.

Hökmə əsasən, Elmar Qasımov 7 il müddətinə azadlıqdan məhrum edilib. Onun barəsindəki polis nəzarəti altına vermə qətimkan tədbiri dəyişdirilib və məhkəmə zalında həbs olunub.

İş üzrə Dövlət Sığorta Kommersiya Şirkəti zərərçəkən kimi tanınıb. İttihama görə, təqsirləndirilən şəxs Elmar Qasımov öz vəzifə səlahiyyətlərindən sui-istifadə edərək müxtəlif şəxslərlə bağlı Dövlət Sığorta Agentliyinə ümumilikdə 212 min manat maddi ziyan vurub. Agentliyin nümayəndəsi məhkəmədə müttəhimə qarşı 1 milyon 90 min manatlıq mülki iddia qaldırıb.

Elmar Qasımova qarşı Cinayət Məcəlləsinin179.3.2-ci (Mənimsəmə və ya israf etmə, külli miqdarda törədildikdə), 193-1.3.2-ci (Cinayət yolu ilə əldə edilmiş əmlakı leqallaşdırma xeyli miqdarda törədildikdə), 308.2-ci (Vəzifə səlahiyyətlərindən sui-istifadə etmə, ağır nəticələrə səbəb olduqda), 309.2-ci (Vəzifə səlahiyyətlərini aşma, ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham irəli sürülmüşdü.

Xatırladaq ki, məhkəmə araşdırmaları zamanı iş üzrə şahidlərdən müttəhimi ifşa edən ifadələr vermişdilər. Şahidlərdən Mədinə Murquzova demişdi ki, Nizami rayon Dövlət Sığorta Agentliyində mütəxəssis vəzifəsində çalışıb, aylarla maaşları gecikdirilib:

“İşim icbari sığortaları sistemə salmaq olub. Müştərilərə kod verirdik, onlar gedib ödəniş edirdilər. İşin maliyyə hissəsindən məlumatım olmayıb. Ən çox Kəmalə Haqverdiyeva adlı sığorta agenti müqavilə bağlayırdı, ən çox maaş alanda o idi. Onu Elmar Qasımovun qohumu kimi tanıyırdıq. Gülayə və Kəmalə adlı şəxslər rəsmi agentlər idi. Maaşa gəldikdə isə bizim aylarla maaşımız gecikib. Səbəb kimi göstəriblər ki, baş ofis maaşları köçürmür”.

Anar Quliyev adlı iş yoldaşımızın Əmək Müfəttişliyinə şikayətindən sonra işçilərin maaşları köçürülüb. Mənim Elman Qasımovun ofisin icarə xərci adı ilə pul köçürməsindən xəbərim olmayıb. Ketrinq xidmətlərinə qaldıqda isə, mən o xidmətdən yararlanmamışam”.

Digər şahid Bəhlul Ramazanov isə ifadəsində bildirib ki, Elmarı şəxsən tanımayıb:

“Mən Sumqayıtda obyektimi həmin sığorta şirkətinə icarəyə vermişdim. Sığortanın nümayədəsi Nizami adlı şəxs ondan ofis kimi istifadə edirdi. Aylıq 1000 manat arendaya pul ödəyirdi. Bütün bu proseslərə oğlum baxırdı. Bildiyim qədərilə, ofis üçün nəzərdə tutulan bütün avadanlıqları icarəyə verdiyim məkana gətiribmiş”.

Məhkəmədə bildirilib ki, onun istintaqdakı ifadəsi ilə hazırda danışdıqları arasında ziddiyyət mövcud olub. Bu səbəbə görə şahidin ifadəsi səsləndirilib.

İfadəyə görə, imzalanan müqavələyə əsasən, şahid obyektini 3000 manata icarəyə verib. Lakin şahid bundan xəbəri olmadığını, ona 1000 manat pul ödənildiyini bildirib. Onun həyat yoldaşının adına açılmış hesabda 3 ay ərzində ödənilən 9 min manat məbləğdən xəbəri olmayıb. Ümumiyyətlə, pulu çətinliklə aldığını bildirib.

İfadəsinin elanından sonra digər hakim Novruz Kərimov Bəhlul Ramazanova kəskin suallar ünvanlayıb.

Onun halı pisləşib və məhkəmə zalında huşu gedib. Öncəki ifadə də adı çəkilən Nizami Ələmov də şahid qismində ifadə verib. O bildirib ki, Elmar ilə rəsmi müqavilə əsasında birlikdə işləyib.

Öncəki ifadəsinə görə, adı çəkilən obyekti icarəyə o götürüb:

“Mən şirkətin nümayəndəsi olaraq Sumqayıtdakı obyekti icarəyə götürdüm. Həmin məkana görə bağlanmış icarə müqaviləsində aylıq 1000 manat ödənilməsi nəzərdə tutulmuşdu. Mən 3 min ödəniş edib 3 ayın pulunu vermişəm. Sözü keçən 9 min manat Elmarın mənə komissiya borcudur. Ona görə də icarəyə ödəniş edəcəyim karta 9 min manat pul köçürüb. 6 min manat pulu özümə götürmüşəm. 3 min isə icarəyə vermişəm. İcarə sahibinin bundan xəbəri olmayıb”.

Digər şahid Xəyal Quliyev həmin agentlikdə işçi olduğunu təsdiqləyib və ifadəsində bildirib ki, maaşını çətinliklə alıblar:

“Nizami filialında direktor müavini vəzifəsində işləmişəm. Elmarı tanıyırdım. İcbari sığorta fəaliyyəti ilə məşğul olurdum. Əsasən avtomobilləri sığorta edirdik. İşə alınan dəftərxana ləvazimatlarını isə özüm alırdım”.

Şahidin ifadəsi qısa olduğu üçün onun istintaqa verdiyi məlumat da səsləndirilib. İstintaqda bildirib ki, maaşını vaxtında ala bilməyib.

Şahid bunu təsdiq edərək şirkətdən şikayət etdiyini deyib:

“Mənim və əsasən xanımlardan ibarət olan agentlərin işi müvafiq iş nömrəsini müştəriyə kodu ilə birlikdə təqdim edib ödənişini qəbul etmək olurdu. Bunun qarşılığında maaş alırdıq. Elmar Qasımov isə mənə qarşı çox haqsızlıq edirdi, aylarla maaşımı vermirdi. 800 sığorta müqaviləsinə görə 167 min manat pul köçürülmüşdü. Ancaq baş mühasiblə işləyirdi. Kəmalə Haqverdiyeva Elmar Qasımovun həyat yoldaşı olub. Bu səbəbdən şirkətdən şikayətçi olmuşam”.

Xəbərin oxunma sayı : 190