“İki uşaq anasıyam, kimdir məni alan?“ -Renka “Mətbəxə girmirəm, maşın sürmürəm, saçımı daramıram“ - VİDEO Sevda Yahyayevanın qısa ətəyi tənqid olundu - VİDEO “Məni çadrada görmək istəyirlər“ - Tənqidlərə cavab verdi
Axtar
 
  • / Maqazin / — 31 Avqust 2026

    “İki uşaq anasıyam, kimdir məni alan?“ -Renka

  • / Maqazin / — 11 İyul 2026

    “Mətbəxə girmirəm, maşın sürmürəm, saçımı daramıram“ - VİDEO

  • / Maqazin / — 11 İyul 2026

    Sevda Yahyayevanın qısa ətəyi tənqid olundu - VİDEO

  • / Maqazin / — 02 İyul 2026

    “Məni çadrada görmək istəyirlər“ - Tənqidlərə cavab verdi

  • / Maqazin / — 01 İyul 2026

    “Ər çörəyi yeyəndə kökələcəm“ - Azərbaycanlı model

  • / Maqazin / — 12 İyun 2026

    “Kişi məclislərinə bir şərtlə gedirəm” - Nigar Şabanova

Bakıda 50 illik park məhv olur: Villalardan tonlarla zibil tökülür (VİDEO)

Tarix 16.11.26, 23:45

Font ölçüsü : - / +
bitmap-img6


Bakının Bakıxanov qəsəbəsində yerləşən Gülüstan parkında yüzlərlə ağac quruyub, ərazi isə zibilliyə çevrilib. Ağacların qurumasının yanğın, qəsdən yandırılma, yoxsa başqa səbəblərlə bağlı olduğu hələlik məlum deyil.

AzFakt.com Baku TV-yə istinadən xəbər verir ki, paytaxtın Sabunçu rayonu, Bakıxanov qəsəbəsinin Ramiz Qəmbərov küçəsində yerləşən Gülüstan parkına gələnlər xoşagəlməz mənzərə ilə qarşılaşırlar.

İddialara görə, son vaxtlar ətrafdakı fərdi yaşayış evlərinin, çoxmənzilli binaların və restoranların kanalizasiya suları parkın ərazisinə axıdılır. Nəticədə burada dözülməz vəziyyət yaranıb.

Bildirilir ki, təxminən 50-60 illik tarixə malik parkda bu problem son aylarda müşahidə olunmağa başlayıb. Ərazidə müxtəlif növ ağaclar quruyaraq məhv olur. Bəzi ağacların isə yanğın nəticəsində zədələndiyi və ya qəsdən yandırıldığı ehtimal edilir.

Böyük yaşıllıq sahəsinin bu vəziyyətə düşməsi sakinlərin ciddi narahatlığına səbəb olub. Ətrafda yaşayanlar və digər ərazilərdən parka gələn vətəndaşlar hesab edirlər ki, təcili tədbirlər görülməsə, yaxın gələcəkdə parkdakı ağacların hamısı məhv ola bilər.

Sakinlərdən biri mövcud vəziyyətlə bağlı bunları deyib:

"Bu parka bir əncam çəkilsin. Heyifdir bu ağaclar. Burada antisanitariya hökm sürür. Kanalizasiya suları xəstəlik mənbəyidir. Yay aylarında burada yanğın baş vermişdi və ağaclar yanmağa başlamışdı. Minlərlə ağac quruma təhlükəsi ilə üz-üzədir".

Digər sakin isə parkın məişət və tikinti tullantıları ilə çirkləndirildiyini bildirib:

"Bu tullantıları, yəqin ki, ev və villa sahibləri atırlar. Onlarla bağlı tədbir görülsün ki, zibilləri parka töküb ərazini məhv etməsinlər. Vətəndaş zibili yerə atanda buna görə cərimə nəzərdə tutulubsa, bu qədər tullantının parka atılmasına görə də cərimələr tətbiq edilməlidir. Ciddi cərimələr olsa, heç kim belə hərəkət etməz".

Digər sakin də əraziyə iri həcmdə tikinti tullantılarının daşındığını iddia edib:

"Çoxmərtəbəli villalardan tonlarla daş və digər tullantılar maşınlarla buraya gətirilərək tökülür. Göstəriş versinlər, gəlib onlarla bağlı tədbir görsünlər ki, zibillərini parklara tökməsinlər".





Xəbərin oxunma sayı : 289




Sosial

Xəbərlər

ARXİV
Əlaqə | Haqqımızda  
Buy website traffic cheap