AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Kozinoğlunun ölümü ilə bağlı detallar ortaya çıxdı - Bədənində ölümcül maddə aşkarlandı


Tarix 03.11.26, 14:42	Font ölçüsü : - / +

Türkiyənin keçmiş Milli Kəşfiyyat Təşkilatının əməkdaşı Kaşif Kozinoğlunun məzarının açılmasından sonra götürülmüş nümunələr üzərində Məhkəmə Tibb Qurumu tərəfindən aparılan ilkin araşdırmaların nəticəsi bəlli olub.

AzFakt.com Türkiyə mətbuatına istinadən xəbər verir ki, aparılmış autopsiyanın və laborator analizin nəticəsində Kozinoğlunun saç və dırnaq nümunələrində yüksək miqdarda toksik maddə aşkar edilib.

Bununla belə, aparılan analizlər nəticəsində K.Kozinoğlunun məzar torpağında heç bir zəhərli maddəyə rast gəlinməyib.

Dəqiq ölüm səbəbinə dair yekun qiymətləndirmənin yer alacağı Məhkəmə Tibb Qurumu Ali Şurasının hesabatının prokurorluğa təhvil verilməsi gözlənilir.

Qeyd edək ki, “Ergenekon” təşkilatının üzvü olmaqda şübhəli bilinərək 10 mart 2011-ci il tarixində həbs edilmiş Kaşif Kozinoğlu ilk məhkəmə iclasına 10 gün qalmış, 12 noyabr 2011-ci ildə Silivri həbsxanasında vəfat edib. Rəsmi olaraq onun ürəktutmadan öldüyü açıqlanıb. Kozinoğlunun ölümü ilə bağlı sentyabr ayında yenidən başladılan istintaq çərçivəsində məzarının açılması barədə qərar qəbul edilib. Aparılan istintaq çərçivəsində 9 şübhəli saxlanılıb, onlardan üçü həbs edilib. Kozinoğlunun ölümü ilə bağlı aparılan istintaq çərçivəsində saxlanılan, daha sonra isə azadlığa buraxılan keçmiş həbsxana həkimi Turgay Tamer sentyabr ayında İstanbuldakı evində ölü tapılıb.

Onu da bildirək ki, Kaşif Kozinoğlunun ölümü ilə bağlı işdə “Kurtlar Vadisi Pusu” serialı da diqqət çəkib. Belə ki, araşdırma çərçivəsində bir müddət öncə layihənin ssenaristləri Raci Şaşmaz, Bahadır Özdener və Cüneyt Aysan ifadəyə çağırılıb. Buna səbəb isə serialın 10 noyabr 2011-ci ildə yayımlanan 136-cı bölümündə “Kazım Kaşifoğlu” adlı obrazın həbsxana kamerasında saxlanılması və döyülməsi, onunla bağlı ölüm təhdidlərinin səsləndirilməsinin müəyyən edilməsi olub. Bölümün yayımlanmasından cəmi iki gün sonra K.Kozinoğlu Silivri həbsxanasında həyatını itirib.

Bundan başqa, Kozinoğlunun ölümündən sonra, 8 dekabr 2011-ci ildə yayımlanan 139-cu bölümdə “Kazım Kaşifoğlu” obrazının şpris vasitəsilə damarına hava yeridilərək öldürülməsi səhnəsi də araşdırmaya daxil edilib.

Sözügedən bölümlərin hamısında isə R.Şaşmaz, B.Özdener və C.Aysan ssenarist kimi çalışıb.

Fotoda Necati Şaşmaz, Raci Şaşmaz, Bahadır Özdener və Cüneyt Aysan

Xəbərin oxunma sayı : 523