AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Sərxoş vəziyyətdə 154 baş qoyun oğurlayan şəxs anlaqsız sayıldı - MƏHKƏMƏ


Tarix 17.07.26, 12:24	Font ölçüsü : - / +

Oğurluqda təqsirləndirilən Pənah İsayevin (adı, soyadı şərtidir - red.) barəsindəki cinayət işi üzrə məhkəmə prosesi başa çatıb.

AzFakt.com Pravda.az-a istinadla xəbər verir ki, Gəncə Ağır Cinayətlər Məhkəməsində hakim İlkin İbişovun sədrliyi ilə keçirilən son iclasda hökm oxunub.

Təqsirləndirilən şəxsin Cinayət Məcəlləsinin 177.2.1, 177.2.3 və 177.3.2-ci (oğurluq əməli) maddələrində nəzərdə tutulan hərəkəti anlaqsız vəziyyətdə törətməsi sübuta yetirilmiş hesab olunub, Pənah İsayev buna görə cinayət məsuliyyətindən azad edilib. Onun barəsində ixtisaslaşdırılmış psixiatriya stasionarında məcburi müalicə şəklində tibbi xarakterli məcburi tədbirlər tətbiq olunub.

İttihama görə, Pənah İsayev epilepsiya mənşəli üzvi şəxsiyyət pozuntusu xəstəliyindən əziyyət çəkdiyi üçün hadisə zamanı öz hərəkətlərinin faktiki xarakterini və ictimai təhlükəliliyini dərk etmək və onları idarə etmək iqtidarında olmayıb.

Cinayət işinin materiallarına əsasən, təqsirləndirilən şəxs tanışı və qardaşı ilə əvvəlcədən əlbir olaraq Samux rayonunun Qarayeri qəsəbəsində yerləşən fərdi yaşayış evini hədəf seçib.

Belə ki, 2025-ci ilin iyun ayında gecə saat 02 radələrində onlar hasarı aşaraq evin həyətinə qanunsuz daxil olublar. Daha sonra həyətdə yerləşən tövlənin və saxlanc yerinin qapısını açaraq oradan 154 baş xırdabuynuzlu heyvanı aparıblar.

Təqsirləndirilən şəxsin psixi vəziyyəti ilə əlaqədar məhkəmə iclasında iştirakı mümkün olmadığından onun ibtidai istintaq zamanı verdiyi ifadə elan olunub.

Pənah İsayev bildirib ki, rəsmi iş yeri olmayıb və fərdi əməklə dolanıb.

İfadəsinə görə, hadisə günü qardaşı və tanışı ilə birlikdə spirtli içki qəbul ediblər. Həmin vaxt tanışı onlara birlikdə oğurluq etməyi təklif edib. Qardaşı əvvəlcə bu təklifdən imtina edərək oradan uzaqlaşıb. Lakin sonradan onların yanına qayıdıb.

Daha sonra taksi ilə Samux rayonunun Qarayeri qəsəbəsinə gedərək əvvəlcədən seçdikləri evdən heyvan oğurlamağa qərar veriblər.

Həyətdən oğurladıqları heyvanları qabaqlarına qataraq kanalboyu yol ilə Göygöl istiqamətində aparmağa başlayıblar. Yolda körpüdən keçərkən heyvanlar irəliləməyib. Bu zaman Pənahın qardaşı oğurlanmış heyvanların geri qaytarılmasını təklif edib. Bu səbəbdən tanışı ilə qardaşı arasında mübahisə yaranıb. Ardınca qardaşı əsəbiləşərək onları tərk edib.

Təqsirləndirilən şəxs isə tanışı ilə birlikdə heyvanları başqa istiqamətdən apararaq Göygöl rayonunun Balçılı kəndinə çatdırıb və onları tanışının qohumunun həyətinə yerləşdiriblər. Ertəsi gün ayıldıqdan sonra etdiyi əmələ görə peşman olub və tanışına zəng edərək heyvanların taleyi ilə maraqlanıb.

Məhkəmədə qanuni nümayəndə qismində dindirilən təqsirləndirilən şəxsin atası bildirib ki, oğlu hərbi xidmətdən qayıtdıqdan sonra ciddi psixi problemlər yaşamağa başlayıb.

Ata məhkəmədə oğlunun oğurluq hadisəsində iştirak etdiyinə inanmadığını bildirib.

Zərərçəkmiş məhkəmədə ifadəsində bildirib ki, hadisə gecə baş verdiyindən oğurluğun necə törədildiyini görməyib.

Polis əməkdaşlarının keçirdiyi əməliyyat-axtarış tədbirləri nəticəsində heyvanların 130 başı tapılaraq geri qaytarılıb.

Zərərçəkmiş bildirib ki, təxminən 12 min manat məbləğində ziyan hələ də ödənilməyib.

Onun sözlərinə görə, təqsirləndirilən şəxsin atası dəymiş zərəri ödəmək və şikayətin geri götürülməsini xahiş etsə də, tərəflər arasında razılıq əldə olunmayıb.

Xəbərin oxunma sayı : 598