AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Azərbaycan Polisi 107 yaşında - FOTO


Tarix 02.07.25, 0:14	Font ölçüsü : - / +

Bu gün Azərbaycan Polisi yaranmasının 107-ci ildönümünü qeyd edir.

Bununla bağlı Daxili İşlər Nazirliyinin sosial şəbəkə hesablarında paylaşım edilib.

AzFakt.com xatırladır ki, Ümummilli lider Heydər Əliyevin 24 may 1998-ci ildə imzaladığı 710 nömrəli Fərmanına əsasən, 1918-ci ildə Azərbaycan Demokratik Respublikası Daxili İşlər Nazirliyinin tərkibində ilk polis orqanlarının təsis edildiyi gün - 2 iyul - Azərbaycan Polisi Günü elan edilib.

1918-ci ildən bu günə qədər dövlətimizin təhlükəsizliyinin təmin olunmasında, qanunçuluğun və ictimai asayişin qorunmasında Azərbaycan polisinin misilsiz xidmətləri olub.

Azərbaycan polisinin tarixi 1918-1920-ci illərdə ilk müstəqil dövlətimizin müdafiəsi ilə başlayıb. Sonrakı 70 ildə isə Sovet dövründə inkişaf edən hüquq-mühafizə orqanı qanunçuluğun qorunması və cinayətkarlıqla mübarizədə zəngin təcrübə əldə edib. Azərbaycanın dövlətçilik tarixində daxili işlər orqanlarının möhkəm nizam-intizamlı, peşəkar kadr korpusuna çevrilməsi Ulu Öndər Heydər Əliyevin adı ilə bağlıdır. Onun rəhbərliyi altında Daxili İşlər orqanlarının əsaslı dönüşü baş verib, milli ruhda formalaşan şəxsi heyət ölkəmizin müstəqilliyi uğrunda savaşlarda ön sıralarda olub.

Ermənistanın Azərbaycana qarşı hərbi təcavüzü illərində polis əməkdaşları və Daxili Qoşunların hərbi qulluqçuları böyük qəhrəmanlıq göstərərək 1700-ə yaxın şəhid vermiş, çox sayda yaralı vermiş, yüzlərlə əməkdaşı müxtəlif orden və medallarla təltif olunmuşdur. Müstəqillik illərində də polis orqanları dövlətimizin inkişafına və təhlükəsizliyinə xidmət edib, müasir dövrdə beynəlxalq standartlara cavab verən hüquq-mühafizə sistemi kimi fəaliyyət göstərir.

Prezident İlham Əliyevin rəhbərliyi altında polis orqanlarının maddi-texniki bazası gücləndirilir, kadr hazırlığı və sosial müdafiə tədbirləri həyata keçirilir. “E-Polis” mobil tətbiqi kimi innovativ xidmətlər vətəndaşların hüquqlarının qorunmasında yeni imkanlar yaradır.

Son illərdə, xüsusilə Vətən müharibəsində daxili işlər orqanlarının əməkdaşları ön cəbhədə şücaət göstərmiş, bir çoxu yüksək dövlət mükafatlarına layiq görülmüşdür. Həmçinin işğaldan azad olunan ərazilərdə müvəqqəti komendantlıqların yaradılması polisin ölkə təhlükəsizliyindəki rolunu daha da artırıb.

Azərbaycan Polisi 107 illik tarixində dövlət və xalq qarşısındakı vəzifələrini vicdanla yerinə yetirib və gələcəkdə də təhlükəsizliyin keşiyində olmağa, cinayətkarlığa qarşı mübarizəni davam etdirməyə sadiq qalacaqdır. Bu şərəfli yolda polis əməkdaşlarının fədakarlığı və peşəkarlığı Azərbaycan cəmiyyətinin dayanıqlığı və inkişafı üçün əsas təminatdır.

107-ci ildönümü münasibətilə bütün polis əməkdaşlarını və veteranlarını təbrik edir, onlara yeni uğurlar arzulayırıq!