"Sport Witness": PSJ "Nyukasl"ın lideri Bruno Qimaraynşa elçi düşüb. Paris təmsilçisi bu yay 25 yaşlı yarımmüdafiəçini heyətinə qatmağı planlaşdırır. Ancaq futbolçunun İngiltərə Premyer Liqasını təkr etmək istəyib-istəmədiyi bəlli deyil. Qeyd edək ki, Brunonun "Nyukasl" ilə müqaviləsi 2026-ci ilin iyun ayına qədərdir. 

"Sky Sports Deutschland": "Bayern Münhen" "Lill"in hücumçusu Conatan Devidlə maraqlanır. Bundesliqa təmsilçisi Kanada millisinin 23 yaşlı üzvünü yayda heyətinə cəlb etmək niyyətindədir. Qarşıdakı həftələrdə tərəflər arasında danışıqların start götürəcəyi bildirilir. 

"Readfootball": "Milan"ın hücumçusu Rafael Leaunun klubdakı gələcəyi hələ də sual altındadır. Portuqaliyalı forvardın İtaliya təmsilçisi ilə sözləşməsi 2024-cü ildə başa çatır. Tərəflər arasında yeni müqavilə ilə bağlı danışıqlar gedir. 

Mətbuata açıqlama verən Leau gələcəyi ilə bağlı bunları söyləyib: "Milan"da özümü evdəki kimi hiss edirəm. Stefano Pioli məni indiki futbolçuya çevirən adamdır. Səbri var idi, sözün əsl mənasında məni oğlu kimi görüb əlimdən tutdu. Mən ona, eləcə də Paolo Maldini və Frederik Massara təşəkkür etmək istəyirəm. Burada olmaqdan xoşbəxtəm. Hələ bir illik müqaviləm var, amma danışıqlar aparırıq. Həll olunması lazım olan bəzi şeylər var".