AzFakt.com xəbər verir ki, punu iqtisadçı kespert Rövşən Ağayev bildirib.

“Belə bir statistika açıq mənbələrdə yoxdur, amma büdcə sənədlərindən bu nətiəcəni çıxarmaq olur”, - o əlavə edib.

Ekspert xatırladır ki, Vergi Məcəlləsinin 101.1-1-ci maddəsinə görə neft-qaz sahəsində fəaliyyəti olmayan və qeyri-dövlət sektoruna aid edilən maaşlı işçilərin aylıq əmək haqqı 8000 manata qədər olduqda, vergidən azaddır: “8000 manatın üzərində olan aylıq əmək haqqı məbləği isə 14% şkala ilə vergiyə cəlb edilir. Büdcə sənədlərindən isə aydın olur ki, 2022-ci ildə bu işçi kateqoriyası büdcəyə 76,4 milyon manat vergi ödəyib, 2024-cü ildə isə həmin rəqəm 100 milyon manat olacaq. 200 manatlıq güzəşti də nəzərə alsaq, ən kobud hesablama ilə bu qədər vergi üçün illik əmək haqqı fondunun 730 milyon manat, aylıq fondun isə 61 milyon manat olması lazımdır.

Məsələn, bu qrup üzrə orta aylıq maaş 10000 manat olsa, ən azı 6000 nəfərin, orta maaş 15000 manat olsa, 4000 nəfərin belə yüksək rəsmi maaş aldığını təxmin etmək olar. Güman ki, belə yüksək maaş əsasən bank sektorunda və iri holdinqlərdə yüksək menecer heyətinə aiddir. Bu qrup üzrə gəlir vergisinin həcmi 800 min nəfərin maaş aldığı büdcə sektorunun vergi məbləğinin 18%-i qədərdir”.