AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Pensiya, iş və hərbi xidmətdən möhlət vəd edib 82 min manat alan qadına hökm oxundu - VİDEO


Tarix 02.11.26, 13:14	Font ölçüsü : - / +

Bir neçə nəfəri pensiya düzəltdirmək, işə yerləşdirmək və hərbi xidmətdən saxlatdırmaq vədləri ilə aldadaraq pul alan qadına hökm oxunub.

Qaynarinfo-nun məlumatına görə, 1973-cü il təvəllüdlü, Gürcüstanın Qardabani rayonunda anadan olmuş Çimnaz Feyzullayeva qabaqcadan əlbir olduğu şəxslə birlikdə dələduzluqda təqsirli bilinib.

Məhkəmə araşdırması zamanı məlum olub ki, Çimnaz Feyzullayeva bir qadının anasına əlillik pensiyası düzəldəcəyini vəd edərək ondan 6 min manat alıb. Daha iki nəfərin həyat yoldaşlarını xəstəxanada tibb bacısı kimi işə düzəltmək adı ilə hərəsindən 2500 manat alıb. O, bu işləri həll edə biləcəyini deyərək zərərçəkmişlərə özünü TƏBİB-in vəzifəli əməkdaşı kimi təqdim edib.

Digər zərərçəkmişdən isə göz xəstəliyinə görə pensiya düzəldəcəyini vəd edərək 5 min manat alıb.

Qadının ən böyük dələduzluq epizodu isə tanışlarından biri ilə bağlı olub. O, həmin şəxsin dostunu hərbi xidmətdən saxlatdırmaq, Şəmkir rayonunda tikinti işləri aparmaq üçün icazə almaq, eləcə də bacısını Əmək və Əhalinin Sosial Müdafiəsi Nazirliyində işə düzəltmək vəd edib. Bu məqsədlə ümumilikdə 66 min manat pul alıb.

Beləliklə, məhkəmənin araşdırdığı epizodlar üzrə zərərçəkmişlərə vurulan ziyanın ümumi məbləği 82 min manata çatıb.

İttihama görə, Çimnaz Feyzullayeva aldığı pulları Tural adlı tanışına verdiyini bildirib. O, həmin şəxsin vədlərinə əməl etmədiyini və pulları qaytarmadığını söyləyib. Qadın ittiham üzrə özünü qismən təqsirli bilib.

Məhkəmə prosesində zərərçəkmişlərdən dördü onunla barışdığını, dəymiş ziyanın ödənildiyini, şikayət və tələblərinin olmadığını bildirib. Digər zərərçəkmişə dəymiş ziyanın bir hissəsinin ödənildiyi, qalan məbləğin isə altı ay ərzində qaytarılacağına dair öhdəlik verildiyi qeyd olunub.

Məhkəmə Çimnaz Feyzullayevaya Cinayət Məcəlləsinin 178.2.1, 178.2.2 və 178.2.4-cü maddələri ilə 3 il müddətinə azadlığın məhdudlaşdırılması cəzası təyin edib. İstintaq dövründə 3 ay 8 gün həbsdə və ev dustaqlığında saxlanıldığı müddət nəzərə alınaraq, onun üzərində qəti olaraq 2 il 5 ay 14 gün azadlığın məhdudlaşdırılması cəzası saxlanılıb.

O, saat 23:00-dan səhər 06:00-dək yaşayış yerini tərk edə bilməz. Həmçinin elektron nəzarət vasitəsi gəzdirməli, Sumqayıt şəhəri və Abşeron rayonunun hüdudlarını tərk etməməli, məhkəmənin qərarı olmadan yaşayış yerini dəyişdirməməlidir.