AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

6 il əvvəl pulunu verib mənzil aldı, başına oyun açdılar - VİDEO


Tarix 03.10.26, 13:56	Font ölçüsü : - / +

Yasamal rayonu, Abbas Mirzə Şərifzadə küçəsi 33 ünvanında inşa edilən, “İnşaat Konstruksiyaları” MMC-yə məxsus binadan 6 il əvvəl mənzil alan Elbrus Kərimov hələ də evinə köçə bilmir.

AzFakt.com “ATV Xəbər”ə istinadən xəbər verir ki, Elbrus Kərimov 2020-ci ildə elan saytlarından birində sözügedən binada 36 min manata mənzil satıldığını görüb. O, bağ evini 40 min manata sataraq həmin mənzili alıb. Lakin sonradan bununla bağlı problemlərlə üzləşib.

Kərimovun sözlərinə görə, müqavilə əsasında aldığı mənzilin 57 kvadratmetr sahəsi olub və ona ödənişlə bağlı arayış da təqdim edilib: “11-ci mərtəbədə 57 kvadratmetrlik mənzil aldıq. Bir neçə aydan sonra məlum oldu ki, bu binada problemlər var. Eşitdik ki, bir mənzil bir neçə nəfərə satılıb. Daha sonra bizə başqa blokda, 15-ci mərtəbədə mənzil təklif etdilər. Həmin mənzili təmir etməyə başladıq. Təmir üçün bizə arayış da verdilər. Sonradan xəbər gəldi ki, guya mənzil səhvən verilib və bizim ev bir mərtəbə aşağıdadır. Ora da təxminən 6-7 min manat xərc çəkdik”.

Ailə tikinti şirkəti ilə razılaşaraq yeni mənzilə köçməyə qərar verib. Lakin bu dəfə onlara nə mənzilə dair sənəd verilib, nə də müqavilə imzalanıb.

Elbrus Kərimov bildirir ki, bir müddət sonra şirkət əməkdaşları vasitəsilə mənzilin əvvəl ucuz qiymətə satıldığı və əlavə ödəniş tələb olunduğu barədə məlumat alıblar: “Yeddi ildən sonra dedilər ki, guya evi sizə ucuz satmışıq və indi əlavə pul ödəməlisiniz. Təxminən 15 gün əvvəl evə getmək istəyəndə gördük ki, bizim qapı sökülüb, kəsilib, yoxdur. Yerinə başqa qapı qoyulub və mənzildə təmir gedir”.

Bundan sonra Kərimov həmin mənzilin qarşısına gedib. O, qapını döyərək içəridə olan şəxslərdən qapını açmalarını istəyib, lakin mənzili açan olmayıb.

Bəs belə olduğu halda tikinti şirkətini hansı cəza gözləyir?

Məsələ ilə bağlı hüquqşünas Cavid Cəfərov bildirib ki, vətəndaşın pulunun alınması və mənzil müqaviləsinin təqdim edilməsi yolu ilə onun aldadılması, eləcə də etibarından sui-istifadə edilərək əmlakının ələ keçirilməsi dələduzluq əlamətləri yarada bilər. Onun sözlərinə görə, zərərçəkmiş şəxs tikinti şirkətinin rəhbərliyinə qarşı məhkəmə qaydasında da tələb irəli sürə bilər.

“İnşaat Konstruksiyaları” MMC isə zənglərə cavab verməyib.