AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

ABŞ İrana mümkün zərbə üçün 50 min hərbçini hazırlayıb - “The New York Times”


Tarix 07.05.26, 10:24	Font ölçüsü : - / +

ABŞ Prezidenti Donald Tramp İrana qarşı mümkün hərbi əməliyyat çərçivəsində təxminən 50 min hərbçini bölgəyə göndərib...

“The New York Times” xəbər verir ki, söhbət aviadaşıyıcılarda, esmineslərdə, dəniz piyadalarının ekspedisiya bölmələrində və döyüş təyyarələrində xidmət edən qüvvələrdən gedir.

Paraşütlər və sağqalma dəstləri ilə təchiz olunan amerikalı hərbçilər Trampın elan etdiyi və İranın raket potensialının məhv edilməsinə yönəlmiş missiyanın bir hissəsinə çevriliblər.

Hazırda ABŞ qüvvələri regionda yüksək döyüş hazırlığı vəziyyətindədir. Bununla yanaşı, Ağ ev əməliyyatların statusu ilə bağlı ziddiyyətli siqnallar verir. ABŞ dövlət katibi Marko Rubio "Epik qəzəb" əməliyyatının başa çatdığını bildirib. Müdafiə naziri Pit Heqset isə əsas diqqətin Hörmüz boğazından keçən gəmilərin təhlükəsizliyinə yönəldiyini deyib. Daha sonra Tramp bu fəaliyyətlərin də dayandırıldığını açıqlayıb.

ABŞ prezidenti əlavə edib ki, İran "razılaşdırılmış şərtləri" qəbul edərsə, müharibə dayandırılacaq və boğazdan təhlükəsiz keçid təmin olunacaq. Əks halda, onun sözlərinə görə, bombardmanlar başlayacaq.

Nəşrin məlumatına görə, ABŞ Hərbi Dəniz Qüvvələri İran limanlarına daxil olan və çıxan bütün gəmiçilik marşrutlarının blokadasını davam etdirir. Bu tədbirlər İranın Hörmüz boğazını faktiki bağlamasından sonra tətbiq olunub.

Çərşənbə günü ABŞ Hərbi Dəniz Qüvvələrinə məxsus hərbi təyyarə blokadanı yarmağa çalışan İran bayraqlı neft tankerini sıradan çıxarıb.

Müharibədən əvvəl - fevral ayında – Səudiyyə Ərəbistanı, Bəhreyn, İraq, Suriya, İordaniya, Qətər, BƏƏ və Küveytdə yerləşən ABŞ bazalarında və gəmilərində təxminən 40 min hərbçi var idi. Tramp administrasiyası hərbi fəallığı artırdıqca bu rəqəm 50 mini keçib.

Nəşr qeyd edir ki, İranın ABŞ bazalarına cavab zərbələri endirməsi səbəbindən qüvvələrin dəqiq sayını müəyyənləşdirmək çətindir. ABŞ ordusu hərbçilərin bir hissəsini region daxilində, Avropada və ABŞ ərazisində yerləşən digər bazalara köçürüb.

ABŞ ordusunun elit 82-ci hava-desant diviziyasından təxminən 2 min hərbçi Yaxın Şərqə yerləşdirilib. Pentaqon onların konkret dislokasiya yerini açıqlamayıb.

Mənbələrin sözlərinə görə, bu qüvvələr İranın əsas neft ixrac mərkəzi hesab edilən Xark adasının ələ keçirilməsi əməliyyatında istifadə oluna bilər. Lakin adanın nəzarətdə saxlanılması üçün əlavə quru qüvvələrinə ehtiyac yaranacaq və bu, ABŞ üçün ciddi itki riski daşıyır.

Hərbi ekspertlər hesab edir ki, desant qüvvələri İran ərazisində aerodromun ələ keçirilməsi əməliyyatında da iştirak edə bilər. Bununla belə, ABŞ-ın belə bir obyektin tutulmasından sonra hansı məqsədləri güddüyü məlum deyil.

Regiona əlavə olaraq 2,5 min dəniz piyadası və 2,5 min hərbi dənizçi göndərilib. Bu, ABŞ qüvvələrinin sayının 50 mindən yuxarı saxlanmasına imkan verib.

ABŞ rəsmiləri bildirirlər ki, 31-ci ekspedisiya dəstəsinin dəniz piyadaları da ada və ya digər ərazilərin tutulması əməliyyatlarına cəlb oluna bilər.

ABŞ-ın xüsusi əməliyyat qüvvələrindən bir neçə yüz hərbçi mart ayında Yaxın Şərqə göndərilib. Məqsəd Tramp administrasiyasına əlavə hərbi seçimlər təqdim etmək olub.

Mənbələrin sözlərinə görə, bu qüvvələr İsfahandakı nüvə obyektində saxlanılan yüksək zənginləşdirilmiş uranın nəzarətə götürülməsi əməliyyatında istifadə edilə bilər.

"USS Abraham Lincoln" və "USS George H.W. Bush" aviadaşıyıcı zərbə qrupları, onları müşayiət edən hərbi gəmilər və 10 mindən çox hərbçi hazırda Ərəb dənizində yerləşir. Buradan İran ərazisinə raket və aviadaşıyıcı əsaslı qırıcılarla zərbələr endirmək mümkündür.

Məlumata görə, "USS George H.W. Bush" aviadaşıyıcısı Atlantik okeanına yollanan və sonradan Virciniya ştatının Norfolk limanına qayıdacaq "Gerald Ford"u əvəz edib. Müharibənin əvvəlində "Gerald Ford" gəmisində camaşırxana bölməsində yanğın baş verdiyi bildirilir.

Xəbərin oxunma sayı : 364