AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Məmmədlidə vətəndaşın evini “sənəddə” başqası sahiblənib - FOTO


Tarix 11.06.25, 13:47	Font ölçüsü : - / +

"İllərdir ki, Məmmədli qəsəbəsində yaşayırıq. Torpağımızın çıxarışı olsa da, evimizə "kupça" ala bilmirik. Səbəb isə odur ki, Daşınmaz Əmlakın Dövlət Kadastrı və Reyestri PŞH-nin verdiyi çıxarışda yanlışlıqla torpağımızın koordinatları başqa ünvana verilib".

AzFakt.com xəbər verir ki, bu şikayətlə "Qafqazinfo"ya Bakının Abşeron Rayonu, Məmmədli qəsəbəsində yaşayan bir qrup sakin müraciət edib.

Onların iddialarına görə, yanlışlığı edən quruma dəfələrlə müraciət etsələr də, məsələ öz həllini tapmayıb: "Elə sakinlər var ki, bu torpaqlar onların ata-baba yurdudur. Eləsi var ki, 10 ildir burada ev tikib yaşayır. Hamımızda eyni vəziyyətdir, bir qonşunun evinin çıxarışı o birinin həyətinə düşür. Kiminsə səhvi, səhlənkarlığı ucbatından illərdir öz evimizə sənəd alıb qeydiyyata düşə bilmirik.

Aidiyyəti quruma ərizə də yazmışıq, cavabda problemi təsdiqlədilər, ancaq həll üçün heç bir yol göstərmirlər. Bizi yola verirlər ki, gəlib nə vaxtsa həmin yalnışlıqları düzəldəcəklər. Amma öyrənirik ki, artıq bu ərazidə Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri PHŞ tərəfindən xəritəçəkmə işləri yekunlaşıb".

Ərazidə yaşayan digər sakinlər - Şahmurad Məmmədov, Pərvin Zeynalov, Dilarə Məmmədova və başqaları da oxşar problemlə üzləşdiklərini deyirlər. Onlar bildirirlər ki, qanunvericiliyə görə, daşınmaz əmlak üzərində hüquqların qeydiyyatı ilə bağlı baş verən hər hansı texniki yanlışlığa görə sözügedən qurum məsuliyyət daşıyır və problemi həll etməyə borcludur.

Vətəndaşların əsas problemlərindən biri bu nöqsana görə illərdir evlərindəki ünvana qeydiyyata düşə bilməməkləridir. Bütün kommunal xidmətlər öz adlarına olsa da, onlar şəxsi mənzillərində qeydiyyatsız yaşamağa məcburdurlar.

Problemlə əlaqədar Əmlak Məsələləri Dövlət Xidmətinə müraciət etdik. Xidmətdən sorğumuza belə cavab aldıq: "Yaranmış problem ilkin alqı-satqı zamanı torpaq sahələrinin yerində düzgün tanıdılmaması və ya ümumiyyətlə yertanıtma olmadan sistemsiz məskunlaşma prosesindən qaynaqlanır. Belə ki, müasir geodeziya avadanlıqları vasitəsilə koordinatların naturaya köçürülmədən torpaq sahələrinin mərzlənməsi və ya hasarlanması nəticəsində bu prosesin miqyası genişlənib və hazırki problemlərə yol açıb.

Qeyd edək ki, vətəndaşın faktiki torpaq sahəsinin üzərində digər vətəndaşın mülkiyyət sənədi qeydiyyata alınıb. Ona görə də vətəndaşın mülkiyyət hüququnun faktiki torpaq sahəsinin üzərində qeydiyyata alınması mümkün deyil. Yaşayış massivi daxilində yerləşən oxşar problemlə üzləşmiş vətəndaşların birgə müraciəti olarsa, məsələ araşdırılaraq dürüstləşmə işləri aparılacaq".

Açıqlamada şikayətçilərdən biri olan Pərvin Zeynalovun narazılığına bu cavab verilib: "Abşeron rayonu, Məmmədli kəndi ərazisində yerləşən 0.035 ha torpaq sahəsi notarial qaydada təsdiq edilmiş alqı-satqı müqaviləsi əsasında Pərvin Zeynalov tərəfindən satın alınıb. Qeyd olunan alqı-satqı müqaviləsi əsasında vətəndaşa 2022-ci ilin mart ayının 1-də sözügedən torpağa dair həm çıxarış, həm də torpaq sahəsinin plan və ölçü sənədləri verilib.

Araşdırma zamanı məlum olub ki, sənəd üzrə torpaq sahəsinin yerləşməsi ilə naturada (yerdə) yerləşməsi arasında fərq (35-37 metr) mövcuddur, yeri dəyişdirilib. Həmçinin faktiki torpaq sahəsi başqa şəxslərin mülkiyyətində olan sənəd üzrə torpaq sahələri ilə üst-üstə düşür".

Xəbərin oxunma sayı : 607