AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Türkiyəli məşhur müğənni Haluk Levent niyə saxlanılıb? - Şok iddialar


Tarix 13.07.26, 17:31	Font ölçüsü : - / +

İstanbul Baş Prokurorluğu məşhur müğənni Haluk Leventin qurucusu olduğu "Ahbap" dərnəyi ilə bağlı istintaqa başlayıb. İstintaq çərçivəsində aparılan əməliyyat zamanı dərnəyin rəhbəri olan Haluk Levent də daxil olmaqla 18 nəfər şübhəli şəxs qismində saxlanılıb. Haluk Leventin dərnəyin adından və ianə vədlərindən istifadə edərək, zərərçəkmişlərdən daşınmaz əmlak əldə etdiyi, lakin köməkçisi Yeliz Kayaya ötürülən bu əmlakların sonradan müxtəlif şübhəlilərin adına qeydiyyata alındığı iddia edilir. Nəticədə bu çərçivədə 60 milyon dollar zərər dəydiyi iddiası irəli sürülür.

Bu barədə "Hürriyet" nəşrinin dərc etdiyi materialda bəhs edilir.

Məlumata görə, "Ahbap"ın İdarə Heyətinin sədri Haluk Levent barəsində "Dərnəklər qanununun pozulması", "Cinayət yolu ilə əldə edilmiş əmlak dəyərlərinin yuyulması" və "Təşkilata üzvlük" ittihamları üzrə saxlanılma qərarı verilib.

İstanbul Baş Prokurorluğu "Ahbap" dərnəyi adından bəzi şübhəlilərin hesablarına yüksək məbləğdə pul köçürmələrinin edildiyi iddiaları əsasında araşdırmaya başlayıb. Prokurorluq zəlzələ ianələrinin ölkə xaricinə köçürüldüyü və nəzərdə tutulduğu məqsədlər üçün istifadə edilmədiyi ilə bağlı artan iddialardan sonra araşdırmanı dərinləşdirib.

İstintaq çərçivəsində Haluk Leventin çox sayda şübhəlilərin hesablarından istifadə etdiyi və bu hesablardan birinin də öz köməkçisi Yeliz Kayanın adına qeydiyyatdan keçirildiyi məlum olub. Haluk Leventin yararlandığı və əslində Yeliz Kayaya aid olan bu hesablara təxminən 120 milyon türk lirəsinin köçürüldüyü irəli sürülüb.

Həmçinin iddialara görə, Haluk Leventin istifadə etdiyi və dərnəyin təsisçilərindən biri olan şübhəli Alper Çeliyə məxsus hesablardan 2020-2026-cı illərdə 990 milyon türk lirəsi məbləğində qanuni mərc oyunları oynanılıb və təxminən 390 milyon lirə pul itirilib. Şəxsi bank hesablarından yararlana bilməyən və kommersiya əməliyyatlarında istifadə etdiyi çeklərin qarşılıqsız olduğu iddia olunan Haluk Leventin bu miqyasda mərc oyunu oynaması şübhələri artırıb. Ölkə xaricinə çıxması qadağan edilən Leventin qaçmağa hazırlaşdığına dair iddialardan sonra əməliyyat prosesi başlanıb.

Şübhəlilərin ünvanlarında aparılan axtarışlar zamanı çox sayda rəqəmsal materiallar, nağd pul, qızıl, çeklər, veksellər (müəyyən borc öhdəliklərini əks etdirən orderli qiymətli kağızlar) və müxtəlif sənədlər aşkar edilib. İstintaq davam edir.

Həmçinin "CNN Türk"ün xəbər koordinatoru Nihat Uludağ canlı yayımda bununla bağlı bəzi məqamları paylaşıb.

Onun sözlərinə görə, "Ahbap" dərnəyi zəlzələ zonasında evlər tikəcəyinə söz verib, lakin onların bəziləri tikilsə də, bir çoxu inşa olunmayıb.

"Görəsən, nə qədər hissəsi tikilib, nə qədəri yox? Nə qədər xərclənib və pulun nə qədər hissəsi yardım adı altında üçüncü şəxslərin hesablarına köçürülüb? Bu, ciddi iddiadır. Dərnək işçiləri bu pulları hansı məqsədlə köçürdükləri, vəsaitin mənbəyinin nə olduğu və niyə belə bir əməliyyat aparıldığı ilə bağlı prokurorluğa hesabat verməli olacaqlar. Haluk Leventin köməkçisi Yeliz Kaya hazırda həbsdədir. Bildiyimiz qədəri ilə o, başqa bir cinayətə görə həbsdədir, amma bu işdə də adı keçir", - deyə Nihat Uludağ bildirib.

O, həmçinin bəzi yazışmaları da paylaşıb.

"Uşağını itirən iş adamına deyirlər ki, təhsil ala bilməyən bilməyən qızlar üçün yataqxana tikəcəyik və onun əmlaklarını, binalarını alırlar. Köməkçisinə deyir ki, mənə ağlayaraq mesaj göndər, Uğura dinlədəcəyəm. Zəng etsələr, Feyyazgilə de ki, mən ABŞ-yə getmişəm. Üstəlik də mədə xərçəngi olduğunu yazdım Feyyazgilə. Soruşsalar, elədir de. Yəni bu mesajlardan tamamilə duyğulardan istifadə etmək, istismar etmək və manipulyasiya etmək kimi məqsədlər aydın şəkildə başa düşülür", - deyə Nihat Uludağ əlavə edib.

Xəbərin oxunma sayı : 1729