Virtualaz.org bildirir ki, bu barədə dövlət başçısının saytı məlumat yayıb.

Məlumatda bildirilir ki, məktubda deyilir:

“Hörmətli xanım General-Qubernator,

Milli bayramınız – Kanada Günü münasibətilə Sizi və bütün xalqınızı öz adımdan və Azərbaycan xalqı adından səmimi qəlbdən təbrik edirəm.

Belə bir əlamətdar gündə Sizə və dost Kanada xalqına daim əmin-amanlıq və firavanlıq diləyirəm”.

Dövlət başçısı eyni zamanda Burundi Respublikasının Prezidenti Pyer Nkurunzizanı da təbrik edib.

Dövlət başçısı məktubunda bildirib:

“Burundi Respublikasının milli bayramı – Müstəqillik Günü münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi və xoş arzularımı yetirirəm”.