AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Bakıda Sağlamlıq Mərkəzinin direktoru kimlərdən rüşvət alıb? - FAKTLAR


Tarix 21.05.25, 14:55	Font ölçüsü : - / +

Xocasən Sağlamlıq Mərkəzinin sabiq direktoru Əliyar Məmmədovun barəsində olan hökmdən verilmiş kasasiya şikayətinə baxılıb.

Teleqraf-ın əldə etdiyi xəbərə görə, Ali Məhkəmədə hakim Şahin Yusifovun sədrliyi ilə keçirilən prosesdə qərar elan olunub.

Əliyar Məmmədov Cinayət Məcəlləsinin 32.4,308.1 (iştirakçılıq, vəzifə səlahiyyətlərindən sui-istifadə), 308.1 (vəzifə səlahiyyətlərindən sui-istifadə), 311.3.2 (təkrar rüşvət alma (passiv rüşvətxorluq), 312-1.1 (şəxs tərəfindən öz həqiqi və ya güman edilən təsir imkanlarından istifadə edərək vəzifəli şəxsin qərarına qanunsuz təsir etmək məqsədilə özü və yaxud üçüncü şəxslər üçün, birbaşa və ya dolayı yolla, şəxsən və ya vasitəçidən istifadə etməklə maddi və sair nemətin, imtiyazın və ya güzəştin istənilməsi və ya alınması, yaxud bu barədə təklif və ya vədin qəbul edilməsi), 32.4,313 (iştirakçılıq, vəzifə saxtakarlığı) və 313-cü (vəzifə saxtakarlığı) maddələri ilə təqsirli bilinib.

İttihama görə, Əliyar Məmmədov vəzifəli şəxs kimi bilə-bilə qanunsuz hərəkətə görə özü üçün birbaşa yolla qeyrisi vasitəsilə maddi neməti rüşvət qismində təkrar istəyərək alıb. O, tamah niyyəti ilə rəsmi sənədlərə və informasiya resursuna bilə-bilə yalan məlumatları daxil edib, təkrar vəzifə saxtakarlığı törədib.

Əliyar Məmmədov vəzifəli şəxs kimi xidməti vəzifələrinin icrası ilə əlaqədar özü və üçüncü şəxslər üçün qanunsuz üstünlük əldə etmək məqsədi ilə öz qulluq səlahiyyətlərindən qulluq mənafeyinə qəsdən zidd olaraq istifadə edib, dövlətin qanunla qorunan mənafelərinə mühüm zərər vurmaqla təkrar vəzifə səlahiyyətlərindən sui-istifadə edib.

İstintaq sənədlərində göstərilib ki, Əliyar Məmmədov ona müraciət etmiş şəxslərə əlillik dərəcəsi alacağı, həmçinin əlillik dərəcəsinin bərpa etdirəcəyinə dair yalan vədlər verməklə rüşvət alıb.

Bu əməllərini o, İmişli rayon sakini olan cinayətdən xəbərsiz tanışı Elnur Əzimovun vasitəsilə törədib. Sənədlərə görə, şikayətçiləri onun yanına Elnur Əzimov gətirib, o da rüşvət almaqla qanunsuz hərəkətlərə yol verib.

Elnur Əzimov onun yanına 5 nəfər gətirib, onların hər biri ilə qohumluq əlaqəsi var.

Əliyar Məmmədov daha 11 nəfərdən eyni əmələ görə rüşvət alıb.

Cinayət işi üzrə təqsirləndirilən şəxs qismində ifadə verən Əliyar Məmmədov özünü qismən təqsirli bilib. İfadəsində göstərib ki, 4 may 2018-ci ildən Xocasən Sağlamlıq Mərkəzinin baş həkimi vəzifəsində işləyib: “Elnur Əzimovu 2018-ci ildən tanıyıram. Bacısı onkoloji xəstə olduğu üçün mənə müraciət etdi. Mən də onu aidiyyəti xəstəxanaya müalicəyə göndərdim. Həmin vaxtdan Elnurla münasibətim yarandı. Aramızda ədavət və düşmənçilik olmayıb”.

Təqsirləndirilən şəxs qeyd edib ki, 2018-ci ilin ortalarından ayrı-ayrı vaxtlarda Elnur ona müraciət edib və 5 nəfər tanışına əlillik dərəcəsi təyin edilməsinə köməklik göstərməyi xahiş edib: “Elnur mənə həmin şəxslər barəsində epikrizləri və tibbi rəyləri təqdim etdi. Buna uyğun olaraq rəhbərlik etdiyim müəssisədə həmin şəxslərin adına ambulator tibbi karta açıldı. Onların bəziləri Xocasən Sağlamlıq Mərkəzinə gələrək tibbi müayinədən keçdilər. Digərləri isə qeydiyyatda olduqları poliklinikadan sənəd aldılar.

Bundan sonra “Forma 88” adlanan Səhiyyə Nazirliyi Tibbi Sosial Ekspert Komissiyasına göndəriş tərtib etdim. “Forma 88” internet vasitəsi ilə elektron qaydada tərtib olundu. Daha sonra Tibbi Sosial Ekspert Komissiyası tərəfindən həmin şəxslərin telefonuna SMS vasitəsi ilə əlillik dərəcəsi təyin edilməsinə dair təsdiq bildirişi göndərildi. Mən Elnur Əzimovun xahişi ilə sadəcə 5 nəfərin məlumatlarını elektron sistemə daxil etmişəm”.

Sabiq baş həkimin sözlərinə görə, İlqar Abdulov barəsində 15 avqust 2018-ci ildə, Rövşən Mustafayev barəsində 16 avqust 2018-ci ildə, Elsevər Məmmədzadə barəsində 17 noyabr 2018-ci ildə, Rahib Şıxalıyev barəsində 17 dekabr 2018-ci il tarixdə “Forma 88” tərtib edilməklə həmin şəxslərə dair məlumatlar elektron sistemə işlənib:

“Mehriban Hüseynovanın barəsində də “Forma 88” mənim tərəfindən işlənib. Lakin bunun tarixini dəqiq xatırlamıram. Adı çəkilən şəxslərdən heç birini tanımamışam. Sadəcə Elnurun xahişi ilə həmin şəxslərə dair məlumatları elektron sistemə işləmişəm və onlara əlillik dərəcəsi təyin edilib.

Sonradan Rahib Şıxalıyevə təyin edilmiş əlillik dərəcəsi Tibbi Sosial Ekspert Komissiyası tərəfindən aparılmış təkrar yoxlama nəticəsində etibarsız hesab edilib. Elnurun məndən xahiş etdiyi işlərə görə heç bir məbləğdə pul almamışam. Sadəcə Elnurla olan münasibətinə görə ona kömək etmişəm. Mənim qeyd etdiyim 5 nəfərdən başqa heç bir şəxsə əlillik təyin edilməsində iştirakım olmayıb. İlkin izahatımda adını çəkdiyim 11 nəfərin barəsində əlillik təyin edilməsində iştirak etməmişəm. İlkin izahatımda göstərilənlərin doğru olmayıb. Sadəcə 5 nəfər üçün “Forma 88” tərtib etmişəm”.

Bakı Ağır Cinayətlər Məhkəməsinin hökmü ilə Əliyar Məmmədov 3 il müddətə dövlət və yerli özünüidarə orqanlarında maddi məsul və rəhbər vəzifə tutmaq hüququndan məhrum edilib, 9 il müddətə azadlıqdan məhrum edilib.

Cinayət Məcəlləsinin 75.1.2-ci maddəsinə əsasən, cinayət məsuliyyətinə cəlb etmə müddəti keçdiyinə görə Əliyar Məmmədova Cinayət Məcəlləsinin 32.4,313 və 313-cü maddələri ilə cəza təyin olunmayıb.

Hökmə əsasən, zərərçəkmiş hüquqi şəxs olan mülki iddiaçı Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun vurulmuş maddi ziyana görə təqsirləndirilən şəxs Əliyar Məmmədova qarşı mülki iddia tam təmin olunub.

Əliyar Məmmədovdan 168.828,33 manat alınaraq mülki iddiaçı olan Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun hesabına ödənilməsi qərara alınıb.

Əliyar Məmmədov tərəfindən Baş Prokurorluğunun depozit hesabına qoyulmuş ümumilikdə 168.828,33 manat vəsait barəsində xüsusi müsadirə tətbiq olunub və həmin pul vəsaiti vurulmuş maddi ziyanın ödənilməsinə yönəldilməsi barədə qərar verilib. Həmin 168.828,33 manat Dövlət Sosial Müdafiə Fondunun hesabına köçürülüb.

Hökmdən narazı qalan Əliyar Məmmədovun müdafiəçisi apellyasiya şikayəti verib. Onun barəsində bəraət hökmünün çıxarılmasını istəyib.

Bakı Apellyasiya Məhkəməsinin qərarı ilə təqsirləndirilən şəxsin müdafiəçisi tərəfindən verilən şikayət təmin olunmayıb.

Bu qərardan Ali Məhkəməyə müraciət olunub. Ali Məhkəmədə işə baxan hakimlər heyəti sonda qərar elan ediblər. Qərara görə, şikayət qismən təmin edilib.

Əliyar Məmmədovun cəzası 8 il 6 aya endirilib.

Xəbərin oxunma sayı : 781