AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Masazırda tikinti qanunsuzluğu: “Binaların nə qarajı, nə də həyəti var“


Tarix 05.10.25, 20:24	Font ölçüsü : - / +

Son illər Masazırda intensiv tikinti işləri aparılır. Addımbaşı yeni binalara rast gəlinir. Amma həmin tikililərdən mənzil alan sakinlərin sevinci çox da uzun çəkmir. Çünki belə binaların bir çoxunun nə qarajı, nə həyətyanı sahəsi, nə də oyun meydançası var.

Həmçinin qəsəbədə binaların sıx tikilməsi təhlükəsizlik baxımından da sual doğurur. Mütəxəssislər bildirirlər ki, şəhərsalma normalarına uyğun olaraq yeni binalar üçün parklanma və yaşıllıq zolağı nəzərdə tutulmalıdır. Əslində, 2018-ci ildən başlayaraq Bakı, Abşeron və digər ərazilərdə kütləvi inşaat prosesləri dayandırılıb. Məqsəd şəhərin xarici görünüşünü pozan normativlərin aradan qaldırılmasıdır.

Daşınmaz əmlak və inşaat üzrə ekspert Elnur Azadov bildirib ki, bundan sui-istifadə edən şəxslər də olub. Onlar hər hansı fərdi binanın inşası ilə bağlı icazələr alıblar, lakin icazələri aldıqdan sonra həmin bir neçə mərtəbədən olan binaları sataraq mənzil şəklində müəyyən qazanc əldə ediblər: "Bu kimi tikililərə hazırda Bakı şəhərinə yaxın olan Masazır qəsəbəsi, Abşeron rayonunun digər əraziləri və Bakının bəzi rayonlarında rast gəlinir. İnşaat normalarında müəyyən boşluqlar var ki, bəzi işbazlar həmin boşluqdan istifadə edirlər".

Mövcud problemlərlə bağlı Abşeron Rayon İcra Hakimiyyətindən bildirilib ki, əhalinin sürətli artımı və intensiv tikinti fonunda bəzi hallarda problemlər yarana bilir: "Bu səbəbdən son illərdə təsdiqlənən layihələrdə parklanma məsələsinə, istirahət zonalarının yaradılmasına və sosial infrastrukturun təmin edilməsinə xüsusi diqqət ayrılır. Sıxlıq probleminə düzgün yanaşılmadığı halda gələcəkdə nəqliyyat yüklənməsi, ekoloji tarazlığın pozulması, insanların istirahət imkanlarının məhdudlaşması kimi fəsadlar yarana bilər. Buna görə də müasir şəhərsalma tələblərinə uyğun olaraq Masazırda tikilən binalarda ictimai məkanların, yaşıllıq zonalarının artırılması prioritet istiqamət kimi qarşıya qoyulub. Tikinti icazələrinin verilməsi prosesi aidiyyəti qurumlarla razılaşdırılmaqla aparılır və yalnız şəhərsalma normalarına uyğun layihələr təsdiq olunur".