AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Müasir müstəqil Azərbaycan Ümummilli Lider Heydər Əliyevin ideyaları əsasında zirvələr fəth edir


Tarix 03.10.25, 20:49	Font ölçüsü : - / +

1991-ci ildə dövlət müstəqilliyini bərpa edən Azərbaycanda siyasi xaos və qeyri-sabitlik hökm sürürdü. Daxili qarşıdurmaların artması, silahlı toqquşmalar və iqtisadi resursların tükənməsi vətəndaş müharibəsi təhlükəsini labüd edirdi. Eyni zamanda, xarici təsirlərin və separatçı meyillərin güclənməsi ölkəmizin gələcəyinə ciddi təhdid yaradırdı.

Bu mürəkkəb dövrdə xalqın bütün ümidləri yalnız Ümummilli Lider Heydər Əliyevə yönəlmişdi. 1993-cü ilin iyununda xalqın təkidli tələbi ilə Bakıya qayıdan Heydər Əliyev dərhal milli qurtuluş missiyasını üzərinə götürdü. Onun siyasi təcrübəsi, uzaqgörənliyi və qətiyyəti ölkədə sabitliyi bərpa etməyə, siyasi xaosu aradan qaldırmağa və dövlət quruculuğunu möhkəmləndirməyə imkan verdi. Qısa müddətdə Azərbaycan yeni inkişaf yoluna qədəm qoydu, milli həmrəylik və birlik möhkəmləndi. Bu amillər Azərbaycan dövlətçiliyi tarixində dönüş nöqtəsi kimi dəyərləndirilir, xalqın taleyində əhəmiyyətli mərhələ kimi yadda qaldı.

1993-cü il oktyabrın 3-də keçirilmiş prezident seçkilərində Ümummilli Lider Heydər Əliyev böyük səs çoxluğu ilə inamlı qələbə əldə etmiş və bu nəticə Ulu Öndərin xalq tərəfindən geniş dəstəyə malik lider olduğunu bir daha təsdiqləmişdir. Bu seçkilər müstəqilliyin qorunması, ölkədə sabitliyin təmin olunması və hüquqi dövlət quruculuğunun təməl prinsiplərinin bünövrəsini qoymaq baxımından mühüm əhəmiyyət daşımışdır. Seçkilərin nəticəsi olaraq respublikamız yeni dövrə qədəm qoydu.

İqtisadi sahədə Heydər Əliyevin həyata keçirdiyi islahatlar Azərbaycanın uzunmüddətli inkişafının əsas prioritetlərindən birini təşkil edir. Bazar iqtisadiyyatına keçid, sahibkarlığın dəstəklənməsi və xarici sərmayələr üçün əlverişli mühitin yaradılması ölkənin iqtisadi dayanıqlığını təmin etdi. 1994-cü il sentyabrın 20-də imzalanmış "Əsrin müqaviləsi" dövlətimizin beynəlxalq enerji layihələrində aktora çevrilməsinə, iqtisadi yüksəlişə və ölkənin strateji mövqeyinin möhkəmlənməsinə şərait yaratdı.

Ümummilli Lider Heydər Əliyev ölkəmizdə hüquqi dövlət quruculuğunun gücləndirilməsinə xüsusi önəm verirdi. Ulu Öndərin təşəbbüsü ilə 1995-ci il noyabrın 12-də referendum nəticəsində qəbul edilmiş Konstitusiya Azərbaycanı demokratik, hüquqi və dünyəvi dövlət kimi təsbit etdi. Eyni zamanda, siyasi sabitliyin təmin olunması gələcəkdə tarixi zəfərlərin qazanılması üçün əlverişli zəmin yaratdı. Qanunun aliliyinin təmin olunması və vətəndaş hüquqlarının qorunması istiqamətində ardıcıl tədbirlər həyata keçirildi. Həmin illərdə vətəndaş cəmiyyəti formalaşdı, hüquqi dövlətin əsas prinsipləri isə demokratik ənənələrin inkişafı üçün möhkəm təməl yaratdı.

Milli həmrəylik və ideoloji birliyin təmin olunması Heydər Əliyevin siyasətinin prioritet istiqamətlərindən biri idi. Onun formalaşdırdığı azərbaycançılıq konsepsiyası xalqı vahid dəyərlər və məqsədlər ətrafında birləşdirdi. Həmçinin, bu faktorlar dövlətin inkişaf strategiyasında mühüm rol oynamaqla gələcəkdə ölkənin suverenliyinin təmin edilməsində böyük önəm kəsb etdi.

Dövlətin müdafiə qabiliyyətinin gücləndirilməsi üçün müasir ordu quruculuğu istiqamətində islahatlar reallaşdırıldı. Heydər Əliyev Silahlı Qüvvələrdə nizam-intizamın bərqərar edilməsinə xüsusi diqqət ayırdı. Maddi-texniki bazanın möhkəmləndirilməsi, peşəkar hərbi kadrların hazırlanması və orduda müasir standartların tətbiqi Azərbaycanın müdafiə imkanlarını xeyli artırdı. Bu tədbirlər sonrakı illərdə ərazi bütövlüyünün qorunması və tarixi zəfərlərin qazanılması üçün həlledici rol oynadı. Ordu quruculuğu dövlətimizin milli təhlükəsizlik strategiyasının əsas amillərindən birinə çevrildi.

Heydər Əliyev daxili sabitliyi təmin etməklə yanaşı, həm də xarici siyasətdə balanslı və uzaqgörən mövqe nümayiş etdirdi. Azərbaycanın beynəlxalq nüfuzu möhkəmləndi, ölkəmiz dünya birliyi ilə inteqrasiya prosesinə qədəm qoydu və etibarlı tərəfdaş kimi tanındı. Ermənistanın işğalçılıq siyasəti ifşa edildi, diplomatik uğurlar əldə olundu, beynəlxalq təşkilatlarda ölkənin mövqeyi gücləndi. Bu strategiya dövlətimizin qlobal siyasət arenasında mövqeyini möhkəmləndirdi və diplomatik nüfuzunu artırdı.

Heydər Əliyev təməlini qoyduğu mütərəqqi siyasət Prezident İlham Əliyev tərəfindən uğurla davam etdirilir. Azərbaycanın siyasi-iqtisadi və hərbi gücü daha da artıb, diplomatik mövqeyi möhkəmlənib. Nəticədə 2020-ci ilin Vətən müharibəsində tarixi Zəfər əldə edilib, 2023-cü ildə həyata keçirilən antiterror tədbirləri nəticəsində dövlət suverenliyi tam təmin olunub. Beləliklə, ölkəmiz beynəlxalq arenada qüdrətli, nüfuzlu bir dövlət kimi tanınır. Ulu Öndərin müəyyən etdiyi dövlətçilik ənənələri bu gün də Azərbaycanın tərəqqisində mühüm rol oynayır.

Aysel Qurbanova

Xəbərin oxunma sayı : 610