Xavi Kampos, insayder: "Barselona"nın prezidenti Joan Laporta 35 yaşlı Lionel Messini Kataloniya təmsilçisinə qaytarmaq üçün bütün gücünü səfərbər edib. Laporta  argentinalı ulduzun 2023-cü ilin yayında yenidən "Barsa"ya dönəcəyinə əmindir". 

Fabritsio Romano, insayder: "İnter"in hücumçusu Aleksis Sançes "Olimpik Marsel"lə razılığa gəlib. Onun keçidi yaxın günlərdə elan olunacaq".

Canluka Di Martsio, insayder: "Laypstsiq"in futbolçusu Anxelinyo "Hoffenhaym"a  icarəyə veriləcək. Futbolçu sabah tibbi müayinədən keçəcək".

Nikolo Skira, insayder: "Vest Hem"in yarımmüdafiəçisi Nikola Vlaşiç icarə əsasında "Torino"ya keçməyə yaxındır. Bu gün Turin təmsilçisinin nümayəndələri 24 yaşlı xorvatın agenti ilə görüşəcəklər".

"Matç TV": "Sebiyanın "Voyvodina" klubu yarımmüdafiəçisi Velko Şimiçi Rusiya Premyer Liqasında mübarizə aparan klublara satmaqdan imtina edib".

"The Guardian": "Çelsi"nin vingeri Kallum Hadson-Odoini iki İPL təmsilçisi istəyir. Bunlar "Lester Siti" və "Sauthempton"dur. Futbolçu özü "Çelsi"dən ayrılmaq, daha çox forma şansı qazanacağı klubda oynamaq istəyir".

Anqola millisinin və "Vulverhempton"un 28 yaşlı futbolçusu Elder Kosta "Əl İttihad"a keçib. O, mövsümün sonuna qədər icarə əsasında Səudiyyə Ərəbistanı təmsilçisinin formasını geyinəcək.