"Football.london": "Çelsi" PSV-nin hücumçusu Noni Madueke ilə maraqlanır. Donetsk "Şaxtyor"undan Mixail Mudrikin keçidini bu mövsüm reallaşdıra bilməyən London təmsilçisi Noni variantı üzərində dayanıb. 

"The Athletic": "Real Madrid" futbolçusu Marko Asensio ilə bağlı qərar verib. La Liqa klubu hücumameyilli yarımmüdafiəçi ilə müqaviləni yeniləmək fikrindədir. Komandanın baş məşqçisi Karlo Ançelotti ispaniyalı futbolçuya güvəndiyini bildirib. 

Fransanın “Olimpik Marsel" klubu İtaliya “Atalanta”sından Ruslan Malinovskini icarəyə götürüb. Ukrayna millisinin 29 yaşlı yarımmüdafiəçisi 2022/23 mövsümünün sonuna kimi Liqa 1-də çıxış edəcək. Müqavilədə satınalma şərti də var.

***

İngiltərə “Everton”u İsveçrə yığmasının sabiq qapıçısı Eldin Yakupoviçlə vidalaşıb. 38 yaşlı qolkiper ABŞ-ın “Los Anceles” klubu ilə anlaşıb. "Everton"dan azad agent kimi ayrılan Eldinlə MLS təmsilçisi 1+1 illik müqavilə imzalayıb.

***

Fransanın “Monpelye” klubunun müdafiəçisi Arno Suke komandadan ayrılıb. 30 yaşlı futbolçu ABŞ təmsilçi “Çikaqo Fayr” ilə anlaşıb. "Monpelye"dən azad agent kimi ayrılan Arnonun MLS təmsilçisi ilə müqavilənin müddəti 2025-ci ilin 31 dekabrına qədərdir.