"Calciomercatoweb": "Real Madrid" "İnter"in müdafiəçisi Alessandro Bastoniyə elçi düşüb. Kral klubu onu David Alabanın davamçısı olaraq görür. Avstriyalı parlaq çıxış etsə də, zədələri ispanları narahat edir. Digər tərəfdən isə mövsümün sonunda Naçonun müqaviləsinin bitəcəyini düşünən "Real" müdafiə xəttini gücləndirmək üçün Bastoninin transferini həyata keçirməlidir. 

"El Nacional": PSJ-nin yollamaq istədiyi Neymarın adı "Mançester Siti"yə keçiddə hallanırdı. Lakin İngiltərə klubunun baş məşqçisi Xosep Quardiola Braziliya millisinin tarixində ən yaxşı bombardir olan futbolçunu komandasında görmək istəmir. Buna səbəb isə futbolçunun xarakteridir. 

ESPN: "Real Madrid" ulduz futbolçu Cud Bellingemi transfer etmək fikrindən daşına bilər. Əslində kral klubu 19 yaşlı ingiltərəli yarımmüdafiəçini heyətində görməyi çox istəyir. Lakin Cudun klubu "Borussiya Dortmund" futbolçu üçün 150 milyon tələb edir. "Real Madrid" isə Kərim Benzemanın yerinə yeni hücumçu almağı da planlaşdırır. İki ulduz futbolçu transferi üçün isə o qədər maliyyəsi yoxdur.