AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Evdə oturduğumuz halda kartımızdan gedişhaqqı çıxırlar - Kütləvi ŞİKAYƏT


Tarix 04.03.26, 19:07	Font ölçüsü : - / +

Son günlər ictimai nəqliyyatdan istifadə etmədikləri halda bank kartlarından vəsaitin silinməsi ilə bağlı vətəndaş şikayətləri artıb.

Bakupost.az xəbər verir ki, məsələ sosial şəbəkələrdə geniş müzakirə olunur.

İstifadəçilərdən biri -Ülkər Hüseynli bildirib ki, iki gündür evdə olduğu halda kartından nəqliyyat üçün pul çıxılması barədə bildirişlər alır.

Onun sözlərinə görə, əvvəlcə bunun texniki gecikmə olduğunu düşünüb:

“Kartımdan istifadə etmədiyim halda nəqliyyat üçün pul çıxılır. İlk dəfə baş verəndə düşündüm ki, yəqin əvvəl istifadə etmişəm, kartda vəsait olmayıb, indi çıxılır. Amma artıq iki gündür evdə oturduğum halda bildiriş gəlir ki, nəqliyyat istifadəsinə görə pul silinib.

Bu gün səhər avtobus dayanacağında gözləyirdim, kartımdan vəsait çıxıldığı barədə mesaj gəldi, halbuki hələ avtobusa minməmişdim. Sonra düşündüm ki, bəlkə bildiriş 1-2 saat gecikir. Bu səbəbdən gün ərzində kartdan istifadə edəndə vaxtına diqqət etdim. Bildirişlər dərhal və ya maksimum 2-3 dəqiqə ərzində gəlirdi. Universitetdən evə qayıdarkən yenidən kartdan pul çıxıldı. O gün istifadə etdiyim 2 gedişin də bildirişi mənə gəlmişdi. Axşam isə yenə evdə olduğum halda nəqliyyat istifadəsinə görə pul çıxılması barədə mesaj aldım. Hətta bir müddət sonra kartımdan pul çıxarılmağa cəhd edildiyi, lakin əməliyyatın baş tutmadığı barədə də bildiriş gəldi. Çünki vəsaiti başqa karta köçürmüşdüm. Sabah bankla əlaqə saxlayıb məsələni aydınlaşdıracağam”.

Məsələ ilə bağlı “Kapital Bank”ın mətbuat xidmətindən sorğumuza cavab olaraq bildirildi ki, problem “BakıKart” sistemi ilə əlaqəlidir.

“BakıKart”ın müştəri əlaqələri üzrə baş mütəxəssisi Mehriban Əhmədova isə saytımıza açıqlamasında qeyd etdi ki, sərnişinlər ictimai nəqliyyatda bank kartı ilə etdikləri keçidə görə vəsaitin çıxılması barədə bildirişlərin fərqli saatlarda daxil olduğunu və bunun çaşqınlıq yaratdığını bildirirlər:

Onun sözlərinə görə, ictimai nəqliyyatda bank kartı oxudulduqda keçid dərhal, təxminən 1 saniyə ərzində həyata keçirilir. Lakin vəsait kartdan bir neçə saat, hətta bir neçə gün sonra silinə bilər:

“Bu, normal haldır. Vəsaitin çıxılması ilə bağlı bildiriş kartın aid olduğu bank tərəfindən göndərilir. Sistem elə qurulub ki, keçid prosesi sürətli və fasiləsiz olsun.

Həmçinin kartınızda kifayət qədər vəsait olmasa belə, ardıcıl iki dəfə keçid etmək mümkündür. Lakin bu, ödənişsiz xidmət deyil. Kart hesabına sonradan pul əlavə olunduqda istifadə etdiyiniz məbləğ silinəcək”.

Xəbərin oxunma sayı : 1096