AZƏRTAC xəbər verir ki, bu fikirləri erməni KİV-lərinə açıqlamasında Ermənistan parlamentində “Mənim addımım” blokunu təmsil edən deputat Varazdat Karapetyan deyib. O qeyd edib ki, xalq Paşinyandan gözlədiyini görmədi: “Erməni xalqına söz verilən iqtisadi inqilabın reallaşması istiqamətində iş görülmür. Bundan əvvəl olduğu kimi, yenə də ermənilər sosial vəziyyətlərinin düzələcəyini ümidlə gözləyirlər. Nikol Paşinyanın bəyan etdiyi iqtisadi inqilab isə Ermənistan vətəndaşlarının qulağında hələ ki, xoş bir arzu kimi səslənir”. Varazdat Karapetyan bunu yeni hökumətin ilk uğursuzluğu kimi səciyyələndirib.