AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Bəyannamələrdə saxtakarlıq, yüz minlərlə manatlıq vergi borcu - 3 il həbs


Tarix 01.06.26, 15:42	Font ölçüsü : - / +

Tərtərdə fəaliyyət göstərən sahibkar, külli miqdarda vergi ödəməkdən yayınan cəzalandırılıb.

Qaynarinfo xəbər verir ki, təqsirləndirilən şəxs Nəcəf Cəfərov (şərti) 2018-2019-cu illər ərzində Tərtər rayonunun Xoruzlu kəndində günəbaxan tumu, texniki yağ, şilot və suxari istehsalı, qablaşdırılması və satışı ilə məşğul olub. Araşdırmalar zamanı onun vergi orqanlarına təqdim etdiyi bəyannamələrdə gəlirləri qəsdən az göstərdiyi, bəzi hallarda isə ümumiyyətlə bəyannamə təqdim etmədiyi üzə çıxıb.

İttihama əsasən, sahibkar faktiki dövriyyəsini gizlədərək həm sadələşdirilmiş vergi, həm gəlir vergisi, həm də əlavə dəyər vergisi (ƏDV) üzrə dövlət büdcəsinə ödənilməli olan vəsaitləri ödəməkdən yayınıb.

Cinayət işi üzrə hesablamalara görə, o, 2018-ci ilin yanvar-may aylarında dövriyyəsini faktiki göstəricilərdən xeyli aşağı bəyan edib. Bundan başqa, günəbaxan tumu və texniki yağ satışından əldə etdiyi yüz minlərlə manat gəlirə görə müvafiq vergi öhdəliklərini yerinə yetirməyib.

İstintaq materiallarında göstərilib ki, təqsirləndirilən şəxs 2018-ci ilin iyun ayından 2019-cu ilin iyun ayınadək olan dövr ərzində ƏDV bəyannamələrini təqdim etməyərək, ümumilikdə 197 min manatdan çox ƏDV-ni dövlət büdcəsinə ödəməkdən yayınıb.

İttiham tərəfinin hesablamalarına görə, dövlət büdcəsinə vurulan ümumi zərər 227 min 987 manat 60 qəpik təşkil edib.

Lakin Tərtər Rayon Məhkəməsi fərqli nəticəyə gələrək, təqsirləndirilən şəxsin dövlət büdcəsinə ödəməkdən yayındığı vergi məbləğinin 59 min 345 manat 95 qəpik olduğunu müəyyən edib. Məhkəmənin hökmü ilə Nəcəf Cəfərova hər ay qazancından dövlət nəfinə 20% pul tutulmaqla 2 il müddətinə islah işləri cəzasına məhkum edilib.

Bu qərardan narazı qalan dövlət ittihamçısı apellyasiya protesti, mülki iddiaçı isə apellyasiya şikayəti verib. Onlar hökmün ləğv edilməsini və təqsirləndirilən şəxs barəsində daha ağır hüquqi qiymət verilməsini tələb ediblər.

Apellyasiya instansiyası dövlət ittihamçısının protestini təmin edib, mülki iddiaçının şikayətini isə qismən təmin edib. Nəticədə Tərtər Rayon Məhkəməsinin hökmü ləğv olunaraq yeni hökm çıxarılıb.

Məhkəmənin hökmü ilə təqsirləndirilən şəxs Cinayət Məcəlləsinin 213.2.2-ci maddəsi (külli miqdarda vergiləri ödəməkdən yayınma) ilə təqsirli bilinib. Ona 1 il müddətinə sahibkarlıq fəaliyyəti ilə məşğul olmaq hüququndan məhrum edilməklə, 3 il müddətinə azadlıqdan məhrumetmə cəzası təyin edilib.

Xəbərin oxunma sayı : 1306