Xalq artisti bikinidə belə poz verdi - FOTO “Yerimdə başqa insan olsaydı, indi villaları vardı“ - Nura Suri Nigar Camal hovuzdan görüntüsünü paylaşdı - VİDEO Aygün Kazımova modellə dodaq-dodağa öpüşdü - VİDEO
Axtar
 
  • / Maqazin / — 06 Avqust 2022

    Xalq artisti bikinidə belə poz verdi - FOTO

  • / Maqazin / — 01 İyul 2022

    “Yerimdə başqa insan olsaydı, indi villaları vardı“ - Nura Suri

  • / Maqazin / — 30 İyun 2022

    Nigar Camal hovuzdan görüntüsünü paylaşdı - VİDEO

  • / Maqazin / — 27 İyun 2022

    Aygün Kazımova modellə dodaq-dodağa öpüşdü - VİDEO

  • / Maqazin / — 25 İyun 2022

    Səmra hovuzdan görüntülərini paylaşdı – VİDEO

  • / Maqazin / — 18 İyun 2022

    Xalq artisti dərin sinə dekoltəsi ilə diqqət çəkdi - FOTO

“Bizi “Lex“lə çox çətin oyun gözləyir“ - Qurban Qurbanov

Tarix 04.07.22, 23:49

Font ölçüsü : - / +
bitmap-img6


"Bizi çox çətin oyun gözləyir. Rəqibi daha yaxından tanımaq, hiss etmək baxımından futbolçuların üzərinə xeyli iş düşəcək. İlk dəqiqələrdən çox diqqətli olmalıdırlar. Rəqibin yaxşı azarkeş dəstəyi, gözəl stadionu var. Baxımlı oyun göstərmək istəyirik. İnanıram ki, oyunçularım bunun üçün meydanda hər şeyi edəcək".

"Report"un məlumatına görə, bunu "Qarabağ"ın baş məşqçisi Qurban Qurbanov Polşada "Lex"ə qarşı keçirəcəkləri UEFA Çempionlar Liqasının I təsnifat mərhələsinin ilk oyunundan öncə mətbuat konfransında deyib.

50 yaşlı mütəxəssis istəkli komandaya qarşı oynayacaqlarını bildirib: ""Lex" uzun müddət idi çempion olmurdu və 100 illik yubileyində bunu bacardı. Keyfiyyətli futbolçuları və maraqlı oyun üslubu var. Sadəcə, yeni baş məşqçi gəlib. Con van den Bromun işi ilə də maraqlandıq. Böyük ehtimalla, o da komandanın hazırkı oyun fəlsəfəsindən əl çəkməyəcək".

O, sabahkı matça hazırlaşmaq üçün vaxtlarının az olduğunu bildirib: "Buna baxmayaraq, komandada durum normaldır. Problemlərin az olmasına çalışdıq. Futbolçuların hamısı sağlamdır. Sadəcə, bir az vaxt problemi oldu. Buna görə narahat deyil. Elə dönəmdir ki, tam hazır ola bilmərik. Təcrübəmizə güvənirik".

Qurbanov "Lex"in fərqli futbol sərgilədiyini qeyd edib: "Bundan əvvəl "Legiya"ya qalib gəlmişdik. Həmin görüş də asan keçməmişdi. Hazırkı rəqibimiz meydanda fərqli hücumlardan istifadə edir, topla davranmağı sevir. Amma biz daha çox öz oyunumuz barədə düşünürük. Hər komandanın özünəməxsus oyun tərzi var. Bəlkə də ilk matçda risklərimiz az olacaq".

Təcrübəli baş məşqçi şansların bərabər olduğunu vurğulayıb: "Heç vaxt favorit olduğumuzu deməmişəm. Hər zaman komandanın ilboyu sərgilədiyi oyuna və qazandığı nəticələrə önəm vermişəm. "Lex" ötən mövsüm avrokuboklar səviyyəsində matçlar keçirib. Çünki Polşa çempionatı digərlərindən fərqlənir. Bu matçda favorit yoxdur. Sadəcə, futbolçularımı sonadək mübarizə aparmağa kökləmişəm. Çaqlışacağıq ki, nəticə sonda bizim xeyrimizə olsun. Hər bir halda rəqibə hörmətlə yanaşıram. Onların iş prinsipləri, oyunçuları ilə maraqlanmışam. Ona görə də kimisə zəif saymaq istəmirəm. Sabah iki yaxşı komanda mübarizə aparacaq. Nəticəni sonda görəcəyik".

Qurbanov 2020-ci ildə Polşada "Legiya"ya 3:0 hesabı ilə qalib gəldikləri UEFA Avropa Liqasının pley-off mərhələsinin oyununu da xatırlayıb: "Həmin matça komandanı motivasiya etmək elə də asan deyildi. İstənilən səhv fikir mənfi təsir edə bilərdi. Amma futbolçular qarşıya qoyulan vəzifənin öhdəsindən gəldilər. Vətən müharibəsindəki zəfərdən sonra oyunçuları motivasiya etmək daha asandır. Tarixi günləri tez-tez yada salırıq. Qarabağla bağlı problemlərimiz çox idi. Şükürlər olsun, halalca torpaqlarımız bu gün özümüzdədir. Bu gün isə komandanı oyuna başqa cür kökləmişik".

Mütəxəssis "Lex"in heyətində heç kimi fərqləndirmək istəmədiyini bildirib: "Adlarını bir-bir açıqlasam, düzgün çıxmaz. Hər biri ustalıq səviyyəsi və qol vurmaq qabiliyyəti yüksək olan futbolçudur. Onların sayı çoxdur. Kimlərdən danışacağımı bilmirəm. Hər mövqedə lider oyunçuları var. Hamısına qarşı diqqətli olmalıyıq. "Lex"ə böyük dəyər verirəm".

Qeyd edək ki, iyulun 5-də Poznandakı eyniadlı arenada oynanılacaq "Lex" - "Qarabağ" matçı Bakı vaxtı ilə saat 22:00-da başlayacaq. Cavab qarşılaşması 1 həftə sonra Bakıda keçiriləcək.



Xəbərin oxunma sayı : 1162

loading...

İdman

Xəbərlər

ARXİV
Əlaqə | Haqqımızda  
Buy website traffic cheap