AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Anar Əlizadə Avropa və Türk xüsusi xidmətlərinin diqqət mərkəzində - Rus oliqarxlarla da problemləri yaranıb


Tarix 09.12.25, 14:26	Font ölçüsü : - / +

Azərbaycanlı iş adamı, Türkiyə mətbuatında “Petrol kralı” olaraq tanınan Anar Əlizadənin sanksiya altında olan rus oliqarxlarına yardım etməsi, onu bir çox ölkələrin xüsusi xidmət orqanalrının diqqət mərkəzinə gətirib...

Poliqon xəbər verir ki, bir zamanlar Mübariz Mənsizmova aid olan və daha sonra Anar Əlzadə tərəfindən ələ keçirilən Bodrumdakı məşhur “Yalıkavak marina” limanı indi rus oliqarxlarının sanksiya altında olan super yaxtalarının sığınacağına çevrilib. Bu barədə Rusiya və Türkiyə internet resurları hələ 2024-cü ildən başlayaraq xəbərlər yayıb. Məlumatlara görə 2022-ci ildə Rusiyanın tanımış oliqarxlarının xarici əmlaklarına və super yaxtalarına sanksiyalar tətbiq edildikdən sonra, bu yaxtalar Anar Əlizadənin Bodrumdakı “Yalıkavak Marina” limanında lövbər atıblar.

Son məlumatlara görə isə Anar Əlzadə limanda lövbər atan və sanksiya altında olan rus oliqarxların super yaxtalarının dayanma və xidmət pullarını iki qat artırıb. Bu isə rus oliqarxlara ildə on milyonlarla dollar əlavə xərcə başa gəlir. Bu üzdən də Anar Əlizadə ilə rus oliqarxlar arasında son zamanlar narazılıqlar böyüyür. Həttta bir neçə yaxtanın Bodrumu tərk edərək Dubayda gizləndikləri qeyd edilir.

“Yalıkavak marina”da lövbər atan yaxtalar arasında təmtəraqları və dəbdəbələri ilə bütün dünyada məşhur olan, Andrey Melniçenkoya aid “Motor Yacht A”, Aleksey Mordaşovun “Lady M”, Vladimir Potaninə aid “Nirvana” superyaxtaları da var. Bundan başqa Anar Əlizadəyə aid olan limanın Qərbin sanksiyaları altında olan onlarla rus milyarderlərinin yaxtalarının əsas dayanacaq nöqtəsinə çevrildiyi bildirilir.

Qeyd edək ki, Egey və Aralıq dənizlərinin qovuşmasında yerləşən “Yalıkavak marina”sı 620 iri həcmli, uzunluğu 140 metrəyə qədər olan yaxtaları özündə yerləşdirə bilən dünyanın ən bahalı və lüks marinalarından hesab olunur. Marinanı 2010-cu ildə Azərbaycan əsilli iş adamı Mübariz Mənsimov 42 milyona alıb və buraya 200 milyon dollara qədər sərmayə yatırıb. Mənsimov Türkiyədə həbs edildikdən sonra isə buxtanı Əlizadənin sahibi olduğu “RSR Holding” ələ keçirib. Anar Əlizadə bu işdə Türliyənin sabiq Daxili İşlər naziri Məhmət Akarla əlbir iş görüb. Akar daha əvvəl bu limanda Mübariz Mənsiçovun şəriki olub.

Bir müddət sonra bu qalmaqallı satışla bağlı Türkiyədə Anar Əlizadəyə qarşı dələduzluq ittihamları ilə cinayət işi açılıb və araşdırma hələ də davam edir. Buna baxmayaraq Anar Əlizadə hələ də “Yalıkavak marina”nın sahibidir.

Ən son məlumatlara görə Anar Əlizadənin sanksiya altında olan rus oliqarxların super yaxtalarını gizlətməsi Avropa ölkələrinin diqqətindən yayınmayıb və bir sıra Avropa ölkələrində Anar Əlizadə ilə bağlı gizli araşdırmalar aparılır.

Eyni zamanda Əlizadənin adı təkcə lüks yaxta sənayesi ilə deyil, həm də enerji sektorunda çoxsaylı mübahisələrlə hallanır. Bir sıra Avropa mənbələri onun nəzarət etdiyi şirkətləri Avropaya ixrac olunan neft partiyalarında sertifikatlaşdırma sənədlərinin saxtalaşdırılmasında ittiham edir. Söhbət neft qaçaqmalçılığından gedir.

Bu ittihamlar Qərb bazarlarında əlavə araşdırmalar aparılmasına və Əlizadənin enerji ticarəti fəaliyyətində bir çox saualların yaranmasına səbəb olub. Bu araşdırmaların isə nəylə nəticələnəcəyi hələ məlum deyil. Bəzi müstəqil ekspertlər bu araşdırmalar sonucunda Anar Əlizadənin şirkətlərinə sanksiyaların tətbiq olunacağını və özü haqqında da həbs orderinin veriləcəyini istisna etmirlər.

Həmçinin Böyük Britaniyanın Milli Cinayət Agentliyi (NCA) onun London əmlaklarının mənşəyini araşdırırlar və bu araşırmada Əlizadənin Avropadakı mülklərinə sanksiya tətbiq edilməsi ilə nəticələnə bilər.

Əlizadənin adının eyni anda həm mənbəyi bilinməyən böyük sərvət, həm də çoxşaxəli hüquqi proseslərlə hallanması, onun kölgə biznes imperiyasının inkişafını qarşıdakı illərdə qeyri-müəyyən edir.

Xəbərin oxunma sayı : 883